Britani, fatura vjetore e energjisë mbi 4 mijë paund - Çmimi do të jetë i pandryshueshëm nga janari deri në mars 2023
Rregullatori britanik i energjisë “Ofgem” bëri të ditur se kufiri i çmimit për faturat mesatare vjetore për energjinë që konsumojnë familjet do të rritet me rreth 21%: më shumë se 4 mijë paund. Kjo faturë do të mbetet e pandryshuar nga janari i 2023-shit deri në muajin mars të po këtij viti.
Megjithatë familjet nuk do të jenë të detyruara të paguajnë këtë shumë pasi kufiri i çmimit të “Ofgem” është zëvendësuar nga një garanci çmimi e mbështetur nga qeveria e vendosur në 2.500 paund në vit për konsum mesatar deri në fund të marsit 2023.
Masa e cila synon të mbrojë konsumatorët përballë goditjes ekonomike për shkak të luftës në Ukrainë, vjen në një moment që Britania e Madhe po përjeton një recesion të gjatë. Njoftimi i “Ofgem” nënkupton se vendimi i qeverisë do t’i kushtojë familjeve britanike më shumë se 1.700 paund në vit, krahasuar me atë që do të duhej të paguanin nën kufirin e rregullatorit. Garancia e çmimit të qeverisë rritet me një mesatare prej 3 mijë paund në vit nga 1 prill deri në mars 2024-ën.
Analistët në vend shprehen se vendosja e kufirit për çmimin e gazit dhe të energjisë elektrike për familjet britanike për dy vitet e ardhshme mund të kushtojë deri në 140 miliard paund, në një skenar ekstrem.
Çmimet e energjisë në Europë filluan të rriten pasi bota doli nga kufizimet e covid 19 dhe më pas u rritën sërish në shkurt pas pushtimit rus të Ukrainës. Si rezultat, kostoja e gazit me shumicë është rritur vazhdimisht dhe çmimi që furnizuesit duhet të ngarkojnë për njësi energjie është rritur ndjeshëm, duke bërë që qeveria të ndërhyjë në ndihmë të konsumatorit.
Shumë kompani britanike të energjisë, që shpesh furnizojnë me gaz dhe energji elektrike shtëpitë dhe sipërmarrjet, kanë luftuar gjatë gjithë kohës me rritjen e kostos së energjisë me shumicë.
Trembëdhjetë furnizues, me rreth 2 milionë klientë, kanë falimentuar që nga fillimi i shtatorit 2021.
Dorina Kurtaj / SCAN
Sondazh
Projekti i Portit shkel MSA - Opozita, kundërshti të forta në Kuvend: Nuk përfitojnë shqiptarët!
Projekti i qeverisë shqiptare me investitorin nga Dubai Mohamed Alaabar, për Marinën e Jahteve në Portin e Durrësit ka sjellë përplasje të forta në......
Qeveria do na japë 673 lekë në ditë - Nga të cilat vetëm 119 si investime! Ndarja e “tortës së buxhetit” sipas sektorëve
Buxheti për vitin e ardhshëm parashikon rreth 687 miliardë lekë shpenzime, ku pjesën dërrmuese e zënë shpenzimet korrente, dhe më pak se 20% ato kapitale, pra......
Qeveria dështon me fondet e BE-së - Perr: Mungon interesi për grantet e bizneseve të vogla
Qeveria shqiptare nuk arrin të përthithe dhe shpërndajë siç duhet fondet e alokuara nga Bashkimi Europian në formë grantesh për bizneset. Gjatë prezantimit të......
Përplasje Qeveri-QKB për aksionerët e fshehtë, u kthehen gjobat - Vendimi: Kompanive t’u rimbursohen në llogaritë bankare brenda 60 ditëve penalitetet e paguara
Ndërsa në sitin zyrtar të Qendrës Kombëtare të Biznesit njoftimi i parë që shfaqet është paralajmërimi për gjobat ndaj biznesve që nuk zbardhin pronarët e......
Me çmime deri në disa milion dollarë – Ja 10 makinat elektrike më të shtrenjta në botë
Revolucioni i makinave elektrike ka pushtuar botën e automobilave. Papritur, makinat elektrike nuk janë thjesht mashtrime, por mjete motorike të plota, të......
Pagesë për formimin profesional të të rinjve - Pjesë e skemës së garancisë rinore. Si do të urdhërohen bizneset të punësojnë moshat nën 29 vjeç
Të gjithë të rinjtë nën moshën 29 vjeç të cilën janë të papunë, pa arsim apo formim professional do të kenë mundësi të përfshihen në skemën e garancisë rinore......
Rekorde të reja çmimesh në Bllok, 12 mijë euro metri - Ekspertja Zaloshnja: Ka kërkesë të fortë për biznese luksi. Tendence në rritje edhe bregdeti
Në një intervistë për Emisionin Vetting, ekspertja e pasurive të paluajtshme Ilda Zaloshnja ka analizuar çmimet e njësive tregtare dhe ambienteve të biznesit......
Rritet deficiti tregtar i Kosovës - Arrin në 402,3 milionë euro për tetorin. Mbi 40% e tregtisë kryhet me vendet e BE
Deficiti tregtar i Kosovës ka regjistruar një rritje të konsiderueshme në muajin tetor. Të dhënat më të fundit të Agjencisë së Statistikave të Kosovës tregojnë......
