Balluku në Lushnje: Nuk ka rritje të çmimit të energjisë për furrat e bukës, ulje çmimi për pastiçeritë
Çmimi i energjisë për furrat e bukës do të vijojë të mbetet i pandryshuar, duke mos rritur kostot e këtyre subjekteve. Sistemi i ri i faturimit të energjisë elektrike për furrat e bukës, pas dakortësisë të arritur edhe me aktorët e sektorit, do të jetë i ndarë në tre grupe. Furrat e bukës, të cilat tregtojnë vetëm bukë, do të vijojnë të kenë çmimin e pandryshuar, 7.6 lekë për kilovatorë. Furrat e bukës, që krahas bukës tregtojnë edhe produkte pastiçeri, do të kenë një çmim prej 9.5 lekë për kilovatorë, ndërsa ato subjekte që krahas bukës tregtojnë edhe produkte pastiçeri si dhe funksionojnë edhe si bar- kafe do të kenë një çmim prej 14 lekësh për kilovatorë.
Zëvendëskryeministrja, njëherësh ministër i Infrastrukturës dhe Energjisë, Belinda Balluku, së bashku me administratorin e OSHEE, Enea Karakaçi, përfaqësues të Shoqatës së Bukës, Pastiçerisë dhe Brumërave ishin në Lushnje, të shoqëruar edhe nga kryebashkiakja Eriselda Sefa, ku vizituan një prej furrave të bukës, me një eksperiencë të gjatë, që ushtron aktivitetin në këtë qytet.
Balluku bëri të ditur se vendimi për të vendosur një sistem të ri të faturimit të energjisë elektrike për furrat e bukës erdhi pas shqetësimeve të ngritura nga vetë shoqata, por edhe duke ju përgjigjur zhvillimit që ka pasur ky sektor ku shumë prej furrave të bukës kanë zgjeruar aktivitetin e tyre duke tregtuar edhe produkte të tjera.
“Vendosëm që të marrim disa masa përsa i përket furrave të bukës, duke ju ruajtur çmimin me 7.6 lekë për kilovatorë, aq sa e keni pasur, sepse u tha u rrit, por faktikisht nuk është rritur. Ndërkohë që kemi kategorizuar pastaj të gjitha ato furra buke që me kalimin e kohës janë kthyer dhe në pastiçeri, ato madje kanë dhe një ulje çmimi sepse deri dje kanë paguar 14 lekë, ato do të trajtohen me 9.5 lekë, pra më lart se ato që nuk kanë pastiçeri dhe ato që kanë bërë dhe pastiçeri dhe bar-kafe me 12 lekë”, tha Balluku.
Ministrja e Infrastrukturës dhe Energjisë tha se janë 2600 furra në të gjithë vendin të cilat ndikohen nga kjo skemë e re. “Nuk ka sesi merr subvencionin prej 7.6 lekësh, që është një çmim totalisht i subvencionuar, një biznes i cili ka aktivitet tjetër, duke bërë edhe një proces pastiçerie apo bar-kafe dhe të kenë të njëjtat kushte konkurrence. Kështu që ne na është dashur që ta rregullojmë këtë, por siç thashë edhe për shkak të anës teknike që ka të bëjë me matësat dhe gjithçka tjetër. Ne jemi duke pritur që ERE të marrë vendimin”, nënvizoi Balluku.
Administratori i OSHEE bëri të ditur se tashmë për këtë skemë të re të faturimit për furrat e bukës është bërë aplikimi pranë ERE dhe pritet që shumë shpejt të merret edhe vendimi. Gëzim Peshkopia, nga Shoqata e Bukës, Pastiçerisë dhe Brumërave shprehu falënderime për mbështetjen e dhënë ndaj këtyre subjekteve dhe për marrjen në konsideratë, duke i dhënë edhe zgjidhje, një shqetësimi të ngritur nga ana e tyre.
SCAN
Sondazh
Si do funksionojë garancia sovrane për fasonët? - “Mbulon rreth 70% marrjen e kredive nga sistemi bankar”
Këshilli Ekonomik Kombëtar ka diskutuar disa nga shqetësimet më aktuale që ka ekonomia dhe biznesi, si nevoja për fuqi punëtore të kualifikuar në sektorin e......
“Kroacia, udhërrëfyes për integrimin në BE” – Guvernatori i Bankës së Shqipërisë, Sejko takohet me homologun kroat
Gjatë një takimi me homologun e tij kroat, Boris Vujçiç, Guvernatori i Bankës së Shqipërisë, Gent Sejko, theksoi se Kroacia mund të shërbejë si udhërrëfyes në......
Mete në Këshillin Ekonomik Kombëtar: Javën e ardhshme miratojmë detajet e Garancisë për sektorin fason!
Qeveria pritet të miratojë gjatë javës së ardhshme detajet në lidhje me instrumentin e Garancisë Sovrane për sektorin e industrisë përpunuese fason. Kjo gjë u......
Shqipëria, me park teknologjik dhe shkencor - Korporata e Investimeve Shqiptare, në rolin e zhvilluesit të "DURANA Tech Park"
Një park teknologjik dhe shkencor do të ngrihet pranë qytetit të Durrësit. Në mbledhjen e fundit, Këshilli i Ministrave vendosi hapjen e ketij parku në një......
Kreditimi prek rekord në shkurt - Huaja e re shënon rritje si për biznesin, ashtu edhe për individët
Kredia e re gjatë muajit shkurt të këtij viti fiksohet pranë 29.3 miliardë lekëve, që është edhe niveli më i lartë që prej shkurtit të vitit 2016, kur kredia e......
174,3 mln euro remitanca në 2 muaj - Dërgesat e emigrantëve në Kosovë, në rritje kundrejt vitit të kaluar
Ndonëse me një rënie të lehtë nga fundi i vitit të kaluar, remitancat në Kosovë kanë regjistruar vlera të larta në dy muajt e parë të 2024-ës. Të dhënat e......
Shqiptarët “largohen” nga kursimet në valutë - Në rënie edhe ato në lekë. “Tkurren” depozitat në muajin shkurt
Depozitat në paranë e gjerë në muajin shkurt të këtij viti paraqiten me rënie sinjalizojnë shifrat më të fundit nga "Banka e Shqipërisë", duke arritur në......
15 mijë biznese “harrojnë” tatim-fitimin! - Apeli i tatimeve: Afati i fundit për pagesën, 2 prilli. Ja cilat kategori e kanë detyrim
Tatimpaguesit kanë afat deri më datën 2 Prill 2024 për të bërë dorëzimin e pasqyrave financiare, deklarimin dhe pagesën e deklaratës së Tatim......
