15 mijë biznese “harrojnë” tatim-fitimin! - Apeli i tatimeve: Afati i fundit për pagesën, 2 prilli. Ja cilat kategori e kanë detyrim
Tatimpaguesit kanë afat deri më datën 2 Prill 2024 për të bërë dorëzimin e pasqyrave financiare, deklarimin dhe pagesën e deklaratës së Tatim Fitimit.
Administrata Tatimore ka konstatuar se deri në datën 25 Mars pasqyrat financiare dhe deklaratat e Tatim Fitimit për vitin 2023 i kanë dorëzuar vetëm 16,636 tatimpagues nga 31,524, që kanë detyrim dorëzimin e tyre.
Por, nga ana tjetër administrata Tatimore i konsideron me risk të lartë tatimpaguesit që vetëm për të respektuar afatin ligjor të deklarimit, i dorëzojnë deklaratat e Tatim Fitimit dhe Pasqyrat Financiare me të dhëna jo të sakta apo fiktive, për ti korrigjuar ato me anë të ndryshimeve të rubrikave apo posteve përkatëse.
Sipas ligjit "Për Procedurat Tatimore në Republikën e Shqipërisë", bizneset duhet të paraqesin elektronikisht edhe dokumentet shtesë së bashku me pasqyrat financiare ku përfshihet kontrata e qirasë për ambientet e marra me qira apo vërtetimi i pronësisë për objektin; Gjendja e inventarit të mallrave për shitje më datë 31 dhjetor 2023 analitik; Inventari i mjeteve të transportit në pronësi; Pasqyra e aktiveve afatgjata materiale
Subjektet tregtare, që realizojnë një qarkullim më të madh se 14 milion lekë në vit, pavarësisht nga forma ligjore e organizimit, që kanë, konsiderohen si “Tatimpagues të Tatimit mbi Fitimin” Shkalla e tatimit mbi fitimin është 0% për tatimpaguesit me të ardhura deri në 14 milionë lekë në vit dhe 15% për tatimpaguesit me të ardhura mbi 14 milionë lekë në vit.
Ndërsa personat juridikë, të cilët ushtrojnë aktivitet për prodhimin/zhvillimin e softëare-ve, personat juridikë, të cilët ushtrojnë veprimtari ekonomike në industrinë automotive dhe subjektet, të cilat zhvillojnë veprimtari pritëse të certifikuar si “agroturizëm”, paguajnë 5 % tatimfitim.
Fitimi i tatueshëm rezulton si diferencë e të ardhurave gjithsej të realizuara gjatë periudhës tatimore (viti kalendarik), me shpenzimet e njohura.
Duke qenë se Tatimi mbi fitimin paguhet çdo tremujor ose çdo muaj në formë paradhënie gjatë vitit, bazuar në këste mujore, nëse tatimi i deklaruar dhe i paguar në bazë të deklaratës vjetore është më i madh se shuma e kësteve mujore të paradhënieve të paguara gjatë vitit, tatimpaguesi merr mbrapsht diferencën dhe anasjelltas, nëse shuma e paguar është më e vogël, tatimpaguesi paguan detyrimin shtesë.
Viti 2023 u mbyll me 63.6 miliardë lekë të ardhura në buxhetin e shtetit nga tatimi mbi fitimin.
Elisabeta Dosku/ SCAN
Sondazh
Miratohen dy centrale diellore - Fuqia totale e instaluar 70.56 MW, do të ndërtohen në zonën e Fierit
Dy centrale fotovoltaike kanë marrë miratimin nga Këshilli i Ministrave për ndërtimin e tyre. Projektet nuk janë objekt koncesioni, çka do të thotë se nuk......
Cili siguroi një rendiment më të lartë në dekadën e fundit: Bitcoin apo tregu i pronave në Londër?
Kripto-ja më e famshme siguroi një kthim prej pothuajse 5,000% gjatë dekadës së fundit. Tregu i pronave në Londër është dëshmuar të jetë një nga bastet më të......
Energjia, nis investimi 13 mln euro në Vorë-Kamëz - Zëvendësohet nënstacioni 40-vjeçar i Valiasit dhe rrjeti i shpërndarjes
Me një investim prej 13 mln euro, nënstacioni elektrik 40-vjeçar i Valiasit do të zëvendësohet. Operatori i Shpërndarjes së Energjisë Elektrike nënshkroi......
Shqipëria, lider për inovacion në Evropë? - Strategjia/ 22 mln euro do shpërndahen deri në 2030-ën. “Magnet” për investime
Qeveri shqiptare synon që deri në vitin 2030, Shqipëria të ketë një ekosistem sipërmarrës dhe inovativ të njohur globalisht duke u kthyer në një nga vendet......
BE nënshkruan marrëveshjen ‘e ashpër’ për grurin ukrainas - Rriten mundësitë e tarifave
Por rezultati që doli nga negociatat përfaqëson një pozicion të ngurtësuar në krahasim me çfarëdo solidariteti që i është premtuar kombit të shkatërruar nga......
Nju Jorku, tarifa shtesë për automjetet - Synohet reduktimi i trafikut sidomos në Manhatan
Bordi i Autoritetit Metropolitan të Transportit (MTA) miratoi tarifat për programin e çmimeve të mbipopullimit të Manhattan, i pari i këtij lloji në Shtetet e......
Në rrezik 20% e kapacitetit global të rafinimit të naftës - Analiza, presioni për të reduktuar emetimet e karbonit po rritet
Më shumë se një e pesta e kapacitetit global të rafinimit të naftës është në rrezik mbylljeje, thekson një raport i grupit zbuloi të konsulencës së energjisë......
“Thembra e Akilit” e Emmanuel Macron - Rritja e deficitit buxhetor në 5.5% të PBB-së, goditje për imazhin reformist
Deficiti buxhetor i Francës po del jashtë kontrollit, duke minuar besueshmërinë e presidentit Macron si një reformator ekonomik. Sipas zyrës së statistikave,......
