2024, viti i afrimit Shqipëri-Kosovë - Në janar u hap korridori ajror, në shkurt ALPEX bashkoi tregu energjetik. Avancon hekurudha Durrës-Prishtinë
Dy shtetet shqiptare të Ballkanit Perëndimor, Shqipëria dhe Kosova përgjatë këtyre viteve kanë njohur një forcim të bashkëpunimit ekonomik. Marrëveshjet e nënshkruara ndër vite mes qeverive kanë afruar dhe më tej dy vendet duke rritur ndjeshëm shkëmbimet njerëzore dhe ekonomike.
Kosova po kthehet në një treg shumë të rëndësishëm të mallrave të Shqipërisë, e sidomos të materialeve të ndërtimit dhe metaleve. Shkëmbimet tregtare mes dy vendeve janë dyfishuar duke e kthyer Kosovën në një prej partnerëve tregtarë me rritjen më të shpejtë të shkëmbimeve. Po përtej hapave që janë ndërmarrë në vitet e kaluara, ky vit duket se ka qenë vit I një afrimi madhor mes dy vendeve në aspektin infrastrukturor.
Një hap i rëndësishëm ishte ai i 1 janarit të këtij viti, kur u zyrtarizua hapja e korridoreve ajrore mes Shqipërisë dhe Kosovës. Që nga paslufta, më 1999, fluturimet nga dhe në Aeroportin Ndërkombëtar të Prishtinës janë realizuar vetëm përmes korridorit ajror që e lidh Kosovën me Maqedoninë e Veriut. Tashmë me shfrytëzimin e korridorit ajror të Shqipërisë, udhëtimet e Kosovës drejt perëndimit dhe anasjelltas, shkurtohen me 15 minuta. Kjo nënkupton jo vetëm shkurtimi të kohës së fluturimit, por edhe ulje të çmimit të biletave për ata që udhëtojnë për dhe nga Kosova.
Një hap tjetër në drejtim të bashkimit të dy vendeve ishte dhe ai i 1 shkurtit të këtij viti. Kjo datë viti ka shënuar edhe bashkimin zyrtar të tregut energjetik Shqipëri – Kosovë, me lëvrimin e energjisë së tregtuar në Bursën Shqiptare të Energjisë Elektrike, ALPEX. Operimi i Bursës Shqiptare të Energjisë Elektrike nisi në prill të vitit të kaluar, ndërkohë që bashkimi i zonave të ofertimit Shqipëri – Kosovë ishte pjesë e planit, për të mundësuar një treg më të gjerë.
Aktualisht, në Bursën Shqiptare të Energjisë janë 21 kompani të anëtarësuara, teksa pjesa dërrmuese janë kompani shqiptare. Më konkretisht janë 17 kompani nga Shqipëria, ku përfshihen edhe 5 kompanitë publike të energjisë, dhe 4 kompani nga Kosova. 2 prej këtyre të fundit janë publike dhe 2 të tjerat, private.
Një projekt tjetër i rëndësishëm që kontribuon në bashkimin infrastrukturor të të dy vendeve është edhe ndërtimi i hekurudhës Durrës -Prishtinë. Ky projekt që ka nisur tashmë i jep akses Kosovës dhe në detin Mesdhe. Kjo hekurudhë vlerësohet se ka rëndësi si në aspektin ekonomik, ashtu edhe gjeopolitik.
Kostoja e përafërt e hekurudhës Durrës-Prishtinë është llogaritur në 700 milionë euro. Kjo hekurudhë, cilësohet jo vetëm një alternativë transporti tregtar që do të lidhë portin e Durrësit me portin e thatë të Prishtinës, por edhe për udhëtarët.
SCAN
Sondazh
Gjermania vendos detyrim të ri për të papunët - Objektivi: Ndalimi i periudhave të gjata të papunësisë
Në Gjermani autoritetet synojnë miratimimin e detyrimeve të reja ndaj të papunëve. Nisma është ndërmarrë për të eliminuar periudhat afatgjata të papunësisë.......
Çfarë po ndryshon në tregtinë botërore? - Përçarja mes SHBA-së dhe Kinës dhe shfaqja e “protagonistëve” të rinj
Përçarja midis dy ekonomive më të mëdha në botë, Shtetet e Bashkuara të Amerikës dhe Kinë, parashikohet të thellohet dhe vlera e tregtisë dypalëshe do të......
Rusia blen luksin italian me rubla - Përfshihet e gjithë gama e mallrave të konsumit
Pavarësisht sanksioneve rusët jaë ende në gjendje të blejnë produkte italiane në rubla. Këtu përfshihen këpucë, parfumeri, kozmetikë dhe produkte të industrisë......
Mungesa e mjekëve në Itali - Ata që duan mund të punojnë deri në 72 vjeç dhe nëse ka dalë në pension
Italia vazhdon të vuajë problemin e mungesës së mjekëve. Për këtë arsye është vendosur që ata mund të punojnë deri në 72 vjeç nëse do të duan. Dhe nëse kanë......
Kosova feston 16-vjetorin e Pavarësisë - Rrugëtimi i vështirë ende i papërfunduar
Kosova feston sot 16-vjetorin e Pavarësisë. Më 17 Shkurt 2008, në një mbledhje të jashtëzakonshme ku merrnin pjesë 109 deputetë, Kuvendi shpalli Kosovën shtet......
Pensionet me Italinë, Parlamenti jep “ok” në 22 shkurt - Marrëveshja pritet të kalojë për miratim seancën e radhës. Ja kur hyn në fuqi
Qeveria shqiptare nuk humb kohë. Marrëveshja e firmosur me Italinë për njohjen reciproke të pensioneve, pritet të kalojë për miratim në seancën plenare të 22......
Balluku takim me investitorët e agroturizmit në Klos - Detajet, cilat janë lehtësirat dhe përfitimet e strategjisë së re?
Zëvendës Kryeministrja Belinda Balluku, zhvilloi një takim në Klos me Ministren e Mjedisit dhe Turizmit Mirela Kumbaron si dhe Ministren e Bujqësisë Anila......
Qeveria Shqiptare strategji për zhvillimin e agroturizmit, Balluku: Lehtësime për nxitjen e sipërmarrësve
Qeveria Shqiptare synon të nxisë edhe më tej zhvillimin e agroturizimit, si një sipërmarrje e rëndësishme për zhvillimin e bujqësisë dhe turizmit. Me......
