Zhvillimi njerëzor, Shqipëria e 74-ta/ UNDP: Në 32 vite vlera e indeksit u rrit me 21.6%, por jemi më keq se një vit më parë
Vlera e "Indeksit të Zhvillimit Njerëzor" për Shqipërinë në vitin 2022 është 0.789, vlerë që e pozicionon vendin në kategorinë e lartë të zhvillimit human, duke e renditur Shqipërinë në vendin e 74-t nga 193 shtete dhe territore. Këtë tregojnë të dhënat më të fundit nga “Programi i Kombeve të Bashkuara për Zhvillim”. Sipas raportit, i cili ka analizuar ecurinë e vendit tonë nga viti 1990 deri në vitin 2022, vlera Indeksit të Zhvillimit Njerzor është rritur nga 0.649 në 0.789, që përkthehet në një rritje prej 21.6%. Megjithatë, në harkun kohor të një viti duket se vendi ynë është përkeqësuar si në renditje, ashtu edhe në pikëzim.
Theksojmë se ky indeks është një njësi matëse që shërben për të vlerësuar arritjet mesatare në tre dimensione bazë të zhvillimit njerzor. Këto dimensione lidhen me jetën e gjatë dhe të shëndetshme, akses në njohuri dhe standard i denjë jetese. Sipas raportit, Shqipëria renditet në kategorinë e lartë të zhvillimit njerzor.
Rikujtojmë se Shqipëria renditej në vend të 65-të, nga 133 vende në total, në “Indeksin Global të Njohurive” për vitin 2023 dhe vlerësohet me 47.1 pikë. Krahasuar me vitin 2022, duket se Shqipëria është përmirësuar jo vetëm në renditje por edhe në vlerësimin me pikë. Në këtë raport të publikuar po nga “Programi i Kombeve të Bashkuara për Zhvillim” thuhet se vendi ynë është një performues i moderuar për sa i përket infrastrukturës së saj të njohurive, por një aspekt pozitiv është renditja në vend të 8-të nga 28 vendet me zhvillim të lartë njerzor, ndërkohë që një vit më parë ishte e renditur në vend të 20 nga 28-të vendet me zhvillim të lartë (shiko këtu).
Nga ana tjetër, në “Raportin e Zhvillimit Njerëzor 2023/24”, të titulluar “Gjetja e rrugëdaljes nga bllokimi: Rikonceptimi i bashkëpunimit në një botë të polarizuar”, analizohet edhe Indeksi i Pabarazisë Njerzore. Në këtë indeks Shqipëria renditet në vend të 34-t nga 166 vende në total të analizuara në vitin 2022.
Krahasuar me rajonin shohim se Shqipëria ka lënë pas vetëm Bosnje Hercegovinën dhe Maqedoninë e Veriut, ndërkohë që më mirë në këtë indeks renditet Mali i Zi dhe Serbia.
Në raport thuhet se zgjerimi i hendekut të zhvillimit njerëzor që konstatohet në nivel global tregon se tendenca e uljes së qëndrueshme të pabarazive ndërmjet kombeve të pasura dhe të varfra, e cila ekzistonte prej dy dekadash, tashmë ka ndryshuar drejtim. Pavarësisht faktit se shoqëritë tona janë thellësisht të ndërlidhura në nivel global, jemi duke dështuar në arritjen e objektivave.
Klikoni këtu për raportin plotë
Sondazh
Analiza/ Çfarë do të fitonte rajoni nga integrimi në BE? Banka Botërore: Kostot e tregtisë do të reduktoheshin me 4%
Në kohë tensionesh gjeopolitike dhe besimi të reduktuar në rritjen e jashtme, është e rëndësishme të kuptojmë se cilat janë përfitimet e mundshme të politikave......
Indeksi i Njohurive, Shqipëria e 65-ta në botë/ Ngjitet me tre pozicione, performancën më të mirë e pati për arsimin e lartë
Shqipëria renditet në vend të 65-të, nga 133 vende në total, në “Indeksin Global të Njohurive” për vitin 2023 dhe vlerësohet me 47.1 pikë. Krahasuar me vitin......
Dy vite pas, si e ndikoi lufta Shqipërinë? Konflikti “preku” importet me Rusinë, bie ndjeshëm pesha e tyre
Kanë kaluar dy vite nga lufta në Ukrainë dhe Shqipëria si pjesë e Europës nuk ka qenë e imunizuar nga ndikimi që kanë patur këto ngarje. Lufta midis Rusisë dhe......
Inflacioni në Shqipëri, mbi mesataren e BE-së/ Çmimet janë shtrenjtuar me 3.8% në janar, sipas metodës europiane
Sipas të dhënave të publikuara nga "Instituti i Statistikave", Indeksi i Harmonizuar i Çmimeve të Konsumit për muajin Janar të vitit 2024, në Shqipëri,......
Azilantët shqiptarë “i rikthehen” Europës/ Rriten aplikimet në nëntor, 80% e tyre janë kërkesa për herë të parë
Të dhënat më të fundit të publikuara nga "Agjencia për Azil e Bashkimit Europian" që i referohen muajit Nëntor të vitit 2023, konstatojnë një përshpejtim të......
Eksportet e nisin vitin me rënie/ Hidrokarburet dhe tekstilet "shkaktarët" kryesorë
Eksportet e kanë nisur vitin 2024 me rënie tregojnë të dhënat më të fundit nga “Instituti i Statistikave”. Në janar të vitit 2024 eksportet e mallrave arritën......
Si ndryshuan lindjet në 10 vite? Ranë me 37% në shkallë kombëtare, në disa qarqe gati u përgjysmuan
Sipas të dhënave të treguesve demografikë nga INSTAT për 10-vjeçarin e fundit, rezulton se në të gjitha qarqet e Shqipërisë numri i lindjeve ka pësuar rënie të......
Investimet Amerikane në Shqipëri/ Në vitin 2023 vlera e tyre ishte 3 herë më e lartë se në vitin 2019-të
Sipas të dhënave nga "Banka e Shqipërisë", Shtetet e Bashkuara të Amerikës janë investitori i gjashtë më i madh në vendin tonë, të paktën sa i takon 9-mujorit......
