Turizmi dhe pagat “fryjnë” arkën e shtetit - 8-mujori, me perfomancë pozitive. Mblidhen 382 milionë euro më shumë
Elisabeta Dosku/ SCAN
Buxheti i shtetit ka arkëtuar 463.8 miliardë lekë deri në muajin Gusht, ose 103.4% e planit të periudhës. Krahasuar me të njëjtën periudhë të vitit të kaluar, u mblodhën rreth 38.2 miliardë lekë apo rreth 382 milionë euro më shumë se 8 mujori i vitit 2023.
Të ardhurat tatimore kanë pasur perfomancën më pozitive, të cilat për 8-mujorin 2024 u realizuan në masën 152 miliardë lekë, ose 12.2% më shumë se 8-mujori i vitit të kaluar. Krahasuar me planin 8-mujor, të ardhurat e mbledhura janë 6.7 miliardë lekë më shumë.
Ndikimin më të lartë në këtë perfomancë e kanë dhënë të ardhurat nga TVSH, për shkak të konsumit të lartë të nxitur nga sezoni i mbarë turistik. Të ardhurat nga TVSH e arkëtuar neto, u realizua në masën 37.9 miliardë lekë, 7 miliardë lekë ose 22.7% më shumë se 8-mujori 2023, si dhe 1.2 miliardë lekë ose më shumë se plani i TVSH për t’u arkëtuar në 8-mujorin 2024. Rimbursimet për periudhën 8-mujore 2024 janë 16.4 miliardë lekë, 33.9% më shumë se 8-mujori 2023.
Po ashtu vijon të japë efektet pozitive rritja e pagave në administratë dhe rritja e numrit të kontribuesve duke bërë që të ardhurat nga sigurimet shoqërore dhe shëndetësore, të mbledhura nga administrata tatimore, të jenë në masën 105 miliardë lekë, 10.7 miliardë lekë ose 11.3% më shumë se 8-mujori 2023 si dhe në tejkalim të planit. Tatimi mbi të ardhurat personale, që sërish vjen si efekt i rritjes së pagave, është arkëtuar në vlerën 44.9 miliardë lekë, 5.5 miliardë lekë ose 14.1% më shumë se 8-mujori 2023. Tatimi mbi fitimin u realizua në masën 39.2 miliardë, ose 4.1% më pak se 8-mujori 2023, për shkak se vitin e kaluar u mblodh taksa e jashtëzakonshme e energjisë, ndërsa taksat nacionale, u realizuan në masën 30 miliardë lekë, 5.7 miliardë lekë më shumë se një vit më parë.
Të ardhurat doganore u realizuan në vlerën 152.7 miliardë lekë, 11.3 miliardë lekë ose 8% më shumë se 8-mujori 2023, dhe 0.8% më shumë se plani.
Pavarësisht kursit të këmbimit, të ardhurat nga TVSH në import për 8-mujorin rezultojnë 102.9 miliardë lekë, 7.6 miliardë lekë ose 8% më shumë se e njëjta periudhë e një viti më parë, dhe po ashtu mbi planin.
Të ardhurat nga akciza janë realizuar në masën 41.9 miliardë lekë, 9.8% më shumë se në 2023 për shkak të rritjes së importit të mallrave me akcizë. Taksat doganore po ashtu janë regjistruar me rritje të lehtë, ndërsa të ardhurat nga renta minerare në eksport janë realizuar në vlerën 1.9 miliardë, duke regjistruar një rënie prej 6.5 për qind në raport me një vit më parë.
Shpenzimet e përgjithshme publike, për 8-mujorin e vitit 2024 u realizuan në masën 55 përqind të planit vjetor sipas buxhetit fillestar dhe 52.6 për qind të planit vjetor sipas Aktit Normativ nr. 3 datë 28.08.2024.
Sondazh
500 mln lekë për skemën e investimeve në ferma - Aplikimet nisin nga 1 tetori. Cilët do të jenë përfituesit kryesorë?
Diamila Leka/ Scan Pas mbledhjes së qeverisë, Ministrja e Bujqësisë Anila Denaj ka njoftuar miratimin e Skemës së Re Kombëtare të Investimeve në Ferma.......
Tregtia me Kosovën, morëm më shumë dhe dërguam më pak - Eksportet në rajon shënuan "boom" me Bosnje dhe Hercegovinën
Armela Duka/SCAN Në muajin gusht të këtij viti, tregtia e jashtme e Shqipërisë me vendet e rajonit, përfshirë Kosovën, Maqedoninë e Veriut, Serbinë, Malin e......
Shqiptarët dhe malazezët, më të kënaqurit me çmimet - RCC: Regjistrojnë normën më të lartë të personave që janë përgjigjur pozitivisht
Xhorxhina Deda/SCAN Duket se shqiptarët dhe malazezët janë më të kënaqurit në rajon sa i përket nivelit të çmimeve, referuar të dhënave më të fundit të......
Holanda kërkon përjashtimin nga rregullat e BE-së për azilin - Një veprim i guximshëm me shanse të ulëta suksesi!
Edel Strazimiri / SCAN Qeveria e re holandeze ka përmbushur premtimin e saj dhe i ka paraqitur një kërkesë Komisionit Europian për të siguruar një......
Apple gjobitet me 62 milionë euro nga konsumatorët europian për abuzim me faturimin e muzikës!
Edel Strazimiri / SCAN Grupi pan-europian i konsumatorëve Euroconsumers do të nisë sot (18 shtator) një aksion grupor të koordinuar në Belgjikë, Itali,......
Rezerva Federale e SHBA vendosi të ulë normat e interesit për herë të parë në 4 vjet
Edel Strazimiri / SCAN Duke menaxhuar të gjitha, por jo inflacionin, Rezerva Federale është e gatshme të bëjë diçka të mërkurën që nuk e ka bërë në më......
Shqiptarët “dynden “ në blerje mobiliesh nga jashtë - Qira ditore me Booking dhe AirBnB, 90 milionë euro të shpenzuara në 8 muaj
Elisabeta Dosku/ SCAN Fluksi i lartë i kërkesës për akomodim përgjatë sezonit turistik, ka bërë që shqiptarët të “dynden” në blerje mobiliesh nga......
68 mld lekë emetime të reja të titujve qeveritarë - Në tre muajt e fundit do të realizohen 19 ankande obligacionesh dhe bonosh thesari
Ledina Elezi/SCAN Qeveria planifikon të emetojë gjithsej 68 miliardë lekë tituj të rinj qeveritarë gjatë tremujorit të katërt 2024. Konkretisht,......
