Transporti i gjelbër, si renditen qytetet evropiane? - Londra, Amsterdami kryesojnë. Sarajeva e Shkupi, në fund të listës
Kristi Ceta/SCAN
Një studim i ri ka zbuluar pesë qytetet më të mira në Evropë që ofrojnë opsionet më “të gjelbra” të transportit. Hulumtimi nga Kongresi Botëror i Smart City Expo zbuloi se Londra, Amsterdami dhe Vjena ndodhen në krye të listës, me Berlinin dhe Helsinkin që plotësojnë pesëshën e parë. Kryeqyteti finlandez ka nivelin më të ulët të ndotjes së ajrit nga të gjitha vendet e studiuara.
Ulja e emetimeve të karbonit është një prioritet global dhe Evropa synon të reduktojë ndotjen e makinave me 55 për qind deri në vitin 2030.
Qytetet u renditën në bazë të disa kritereve, si rrugët e biçikletave, tarifat e autobusëve, nëse kanë apo jo autobusë elektrikë, numrin e makinave elektrike dhe pikat e rimbushjes. Hulumtimi gjithashtu mori në konsideratë nivelet e ndotjes së ajrit në çdo qytet, si dhe numrin e aeroporteve.
Londra kryesoi listën me një indeks 5.87 nga dhjetë dhe u vlerësua për angazhimin ndaj transportit të gjelbër. Jo vetëm që ka rreth 80,000 automjete elektrike dhe një rrjet të gjerë me mbi 11,500 karikues për këto makina, por vlen të përmendet edhe flota prej afro 1,400 autobusësh elektrikë. Në të kundërt, Londra ka numrin më të lartë të aeroporteve nga të gjitha qytetet e studiuara, 6 të tillë, si dhe rrugë mjaft të shkurtra për biçikletat.
Ndërsa Amsterdami është i njohur për kulturën e këtyre mjeteve me dy rrota. I renditur në vendin e dytë me një rezultat 5.71 nga dhjetë, kryeqyteti holandez është shtëpia e shtigjeve mbresëlënëse prej 858 km posaçërisht për biçikleta. Ai gjithashtu ofron rreth 13,549 stacione karikimi për makinat elektrike.
Vjena siguron vendin e tretë me rezultatin 5.70 nga 10. Kryeqyteti i Austrisë promovon transport të qëndrueshëm përmes rrugëve të biçikletave prej 1,300 km, si dhe një flotë prej 150 autobusësh elektrikë.
Në fundin e listës gjejmë Sarajevën në Bosnje dhe Hercegovinë, e cila ka cilësinë më të ulët të ajrit në të gjithë Evropën dhe një rezultat të transportit të gjelbër prej vetëm 2.80. Pranë saj renditet Shkupi, kryeqyteti i Maqedonisë së Veriut dhe Vaduz, kryeqyteti i Lihtenshtajnit. Të dyja vendet kanë shënuar rezultate të dobëta në autobusët elektrikë dhe janë vlerësuar me 3.07 dhe 3.28 pikë respektivisht.
Sondazh
Ministrja Denaj prezenton Skemën Kombëtare të Investimeve në bujqësi
Ministrja e Bujqësisë dhe e Zhvillimit Rural, Anila Denaj, së bashku me të deleguarin e qarkut të Vlorës, Bledi Cuci, Kryetarët e bashkive të Vlorës dhe......
Shqipëria, shërbime interneti më të lira se rajoni - 15 euro për paketa me thirrje dhe internet
Hamit Yzeiraj/SCAN Paketat telefonike që ofrojnë kompanitë e ndryshme në Shqipëri janë më të lira kundrejt vendeve të tjera të rajonit. Sipas të......
“Aksion ndaj informalitetit në sigurimet shoqërore” - Rama: Bizneset që nuk deklarojnë pagat e punonjësve po bëjnë krim
Diamila Leka/ Scan Kryeministri Edi Rama ka paralajmëruar të gjithë ato biznese të cilët operojnë në informalitet do të ndëshkohen pasi do të ngrihet......
Cilat janë planet afatshkurtra për pensionet? - Gonxhja: Janë propozuar ndryshimet ligjore, vitet e punës para vitit ‘94
Diamila Leka/ Scan Rritja dhe skema e pensioneve bëri bashkë pensionistët. Gjatë këtij takimi u diskutuan rreth problematikave dhe se çfarë do ndodhë......
Si kanë ndryshuar interesat e depozitave? - BSH: Norma e kursimeve në lekë ka pësuar rënie për ato me afat mbi dy vjet
Ledina Elezi/SCAN Interesat e depozitave në lekë për individët kanë pësuar ulje gjatë muajit gusht, ndërsa për bizneset rezulton të jenë rritur. Të......
Kush ka sistemin tatimor më konkurrues në Europë?
Edel Strazimiri / SCAN Estonia ka kodin tatimor më konkurrues në Europë, sakaq Britania e Madhe dhe Gjermania po rriten, ndërsa Italia qëndron në......
1 milion dollarë në ditë si shpërblim – Oferta e ‘çmendur’ e Elon Musk!
Edel Strazimiri / SCAN Elon Musk tha të shtunën se ai do të shpërblente me 1 milion dollarë në ditë votuesit e regjistruar që nënshkruajnë një peticion......
Vdekjet nga aksidentet rrugore - Komuniteti i Transportit rendtin shtetet e Ballkanit Perëndimor, Shqipëria në vend të 4-t
Ola Mitre / SCAN Ndonëse po bën përparim, Ballkani Perëndimor ende përballet me sfida në reduktimin e vdekjeve në rrugë në krahasim me vendet e......
