Tendenca e shqiptarëve për të jetuar dhe punuar jashtë vendit - Synojnë BE-në dhe SHBA-në, Ballkani Perëndimor shumë pak i preferuar
Armela Duka/SCAN
Të dhënat e publikuara nga "Barometri i Ballkanit 2024" tregojnë se Shqipëria është një ndër vendet me një dëshirën më të madhe për emigracion, ku një pjesë e konsiderueshme e qytetarëve dëshirojnë të jetojnë dhe punojnë jashtë vendit. Sipas analizës së realizuar nga "Scan Intel", shifrat ofrojnë një pasqyrë të qartë mbi preferencat e shqiptarëve për pesë vitet e ardhshme, duke e bërë Bashkimin Europian destinacionin më të preferuar.
Në vitin 2024, rreth 50% e shqiptarëve janë shprehur se preferojnë të shkojnë për të jetuar në një nga vendet e Bashkimit Europian, duke e renditur Shqipërinë si vendin me përqindjen më të lartë në rajon për këtë preferencë. Ndërkohë, 31% e shqiptarëve kanë shprehur dëshirën për të emigruar në Shtetet e Bashkuara të Amerikës, një shifër e konsiderueshme krahasuar me vendet e tjera të Ballkanit. Nga ana tjetër, vetëm 11% e qytetarëve shqiptarë preferojnë të jetojnë dhe punojnë në Ballkanin Perëndimor, duke treguar një interes relativisht të ulët për këtë rajon si destinacion.
Në një vështrim rajonal më të gjerë, Kosova kryeson me 61% të qytetarëve që preferojnë të jetojnë ose punojnë në Bashkimin European, ndërsa Mali i Zi është i dyti me 44%. Në të kundërt, Bosnje Hercegovina ka një përqindje të ulët të qytetarëve që preferojnë të emigrojnë në Shtetet e Bashkuara me vetëm 18%, ndërsa Mali i Zi ka përqindjen më të lartë për këtë destinacion me 32%. Ndërsa, Serbia tregon një interes më të ulët për Bashkimin Evropian, krahasuar me Shqipërinë dhe Kosovën. Nga ana tjetër, 36% e malazezëve kanë shprehur dëshirën për të jetuar apo punuar në një nga vendet e Ballkanit Perëndimor duke u renditur kështu në vendin e parë mes popujve tjera të marrë në studim.
Ndërsa një vit më parë, përgjigjet e shqiptarëve në “Barometrin e Ballkanit 2023” tregojnë se 49% e tyre shprehën gatishmërinë për të jetuar dhe punuar jashtë vendit. Kjo përqindje ishte më e lartë se mesatarja e rajonit, që ishte 44%. Ky rezultat nënkupton që për një pjesë të konsiderueshme të popullsisë, emigrimi shihet si një mundësi për një jetë më të mirë.
Sipas shifrave zyrtare vëmë re se Shqipëria demonstron një prirje të qartë drejt emigrimit në Bashkimin Evropian dhe Shtetet e Bashkuara duke lënë pas Ballkanin Perëndimor si një destinacion më pak i më preferuar për emigrim.
Sondazh
Balluku në Unazën e Madhe të Tiranës: Kërkohet një koordinim shumë i saktë për të ruajtur ritmin e lartë të punimeve paralelisht në të gjitha lotet
Në Unazën e Madhe të Tiranës po vijon puna me ritme të shpejta në të gjitha kantieret. Synohet që e gjithë kjo vepër e rëndësishme të finalizohet në fund......
“Ekonomia shqiptare pritet të rritet me 3.5% këtë vit” - BERZH: Turizmi dhe shërbimet kontribojnë në shtimin e të ardhurave
Ledina Elezi/SCAN Banka Evropiane për Rindërtim dhe Zhvillim (BERZH) parashikon që ekonomia e Shqipërisë do të rritet me 3.5% këtë vit, dhe 3.7% në......
Ja lamë vendin turistëve dhe vetë ikim jashtë! - Në gusht, rreth 938 mijë shqiptarë u larguan nga vendi
Hamit Yzeiraj/SCAN Monedha europiane, e cila duket e pafuqishme përballë lekut, apo kurioziteti për të kaluar pushimet në një shtet tjetër janë kthyer në......
Skema “nxjerr” paratë për indeksimin e pensioneve - Të ardhurat në 8-mujor rriten me 107 milionë euro
Elisabeta Dosku/ SCAN Kontributet e sigurimeve shoqërore dhe shëndetësore që derdhën nga të punësuarit, për llogari të buxhetit të shtetit, po mbulojnë......
Pasuritë e paluajtshme "spostojnë" industrinë nxjerrëse - Në gjysmën e parë të vitit renditen të parat për investimet e huaja direkte
Xhorxhina Deda/SCAN Rritja e investimeve të huaja direkte në vendin tonë gjatë gjysmës së parë të vitit, krahasuar me të njëjtën periudhë të një viti......
Nga 72 mijë aplikime për kredi, 25% u refuzuan - Bankat, më tolerante ndaj bizneseve. “Shtrënguan dorën” për individët
Ledina Elezi/SCAN Në gjysmën e parë të vitit janë kryer 72,418 aplikime për kredi nga individët dhe bizneset, 25% e të cilave u refuzuan nga bankat.......
Ku janë parajsat kryesore tatimore të Europës dhe si po i joshin ato të pasurit?!
Edel Strazimiri / SCAN Sipas Observatorit të Taksave të BE-së, normat më të larta të tatimit mbi të ardhurat personale në BE kanë ndalur rënien që nga......
Çfarë ka ndodhur sot në tregun valutor?
Dollari amerikan e ka nisur ditën pozitivisht pas rënies së vazhdueshme gjatë këtyre dy ditëve duke u blerë sot me 88.5 lekë dhe duke u shitur me 89.5......
