Të përndjekurit të likuidohen brenda 4 vitesh, të vendoset kufi - Projekligji, në Kuvend. Me ritmet aktuale dëmshpërblimi zgjat edhe 25 vite të tjerë
Me ritmin aktual, procesi i dëmshpërblimit të ish-të përndjekurve politikë të epokës së komunizmit, mund të zgjasë edhe për 25 vite. Është depozituar tashmë në Kuvend një projektligj, i cili përcakton një plan 4-vjeçar për t’i dhënë fund procesit të dëmshpërblimit.
Ndryshimi, i propozuar nga Deputeti Demokrat Bujar Leskaj, parashikon që në ligjin e vitit 2007 "Për dëmshpërblimin e ish të dënuarve politikë të regjimit komunist", të bëhet një ndryshim i cili detyron Qeverinë të hartojë një skemë për këtë qëllim. "Në ligjin e buxhetit planifikohen fondet vjetore per zbatimin e këtij ligji. Këshilli i Ministrave, brenda 6 muajve nga hyrja në fuqi e këtij ligji, saktëson faturën financiare të dëmshpërblimit dhe i propozon Kuvendit skemën e shpërndarjes së fondeve.", përcakton neni 32 i ndryshuar, sipas propozimit të Leskajt.
Në relacionin shoqërues të draftit theksohet se që prej vitit 2007, që ligji për dëmshpërblimin e ish-të përndjekurve hyri në fuqi, kanë kaluar 15 vite dhe aktualisht, sipas të dhënave nga Ministria e Financave dhe Ekonomisë, detyrimet ndaj kësaj shtrese përllogariten në vlerën rreth 30 miliardë lekë. Kjo do të thotë se, me ritmet aktuale (30 miliardë lekë vlera totale/ 1 miliard lekë parashikuar në projekt-buxhetin për vitin 2023, duke prezumuar dhe ndonjë rritje modeste në vitet pasuese), shtetit shqiptar i duhen rreth 25 vjet të tjerë për të përmbushur detyrimet ndaj kësaj shtrese.
Qëllimi i këtij propozimi, thekson relacioni shoqërues, është që, nëpërmjet hartimit të një skeme të shpërndarjes së fondeve me një afat 4-vjeçar, të ndërmerret angazhim serioz për likujdimin e këtij "borxhi" publik ndaj shtresës së ish të pëmdjekurve politikë, deri në përfundim të vitit 2027. Në këtë mënyrë, do t'i jepej fund tejzgjatjes së këtij procesi, deri në kufijtë, e ndoshta në tejkalim, të afateve të arsyeshme e të përshtatshme.
Lorenc Rabeta/SCAN
Remitancat konfirmohen në nivele rekord - 213 milionë euro dërgesa nga emigrantët në vetëm 3 muaj
Dërgesat e emigrantëve në vendin tonë vijojnë të regjistrojnë nivele rekord të larta. Kështu, për tremujorin e parë të vitit, sipas shifrave zyrtare nga Banka......
MBZHR nis nga Belshi dezinfektimin e vatrave të karkalecit, Meçaj: Në krah të fermerëve, ndërhyrje në momentin e duhur
Ministria e Bujqësisë dhe Zhvillimit Rural njofton se ka ndërmarrë aksionin për dezinfektimin e tokave bujqësore me qëllim zhdukjen e insektit dëmtues në......
Greqia në luftë me evazionin fiskal - Aplikacioni i ri dixhital ka si objektiv zonat turistike
Autoriteti i Pavarur i të Ardhurave Publike i Greqisë, i njohur si AADE, po përgatitet për të intensifikuar përpjekjet e tij kundër evazionit fiskal këtë verë......
Stërvitja më e madhe në historinë e NATO-s, Autoriteti i Aviacionit Civil informon: Mund të ketë vonesa dhe anulime fluturimesh ajrore
Duke nisur nga dita e sotme deri më datën 23 Qershor do të zhvillohet në Europë “Air Defender 23” e cila është stërvitja më e madhe në historinë e NATO-s duke......
Tentuan të kalojnë kufirin me 25 mijë paund, Policia Kufitare i bllokon paratë e padeklaruara çiftit
Policia Kufitare njofton se është goditur një rast i mosdeklarimit të të hollave në kufi. “Shërbimet e Policisë Kufitare në Bllatë, në bashkëpunim dhe me......
Ndryshoi politikën dhe Italinë - Ndahet nga jeta në moshën 86-vjeçare Silvio Berlusconi
Silvio Berlusconi u nda nga jeta në spitalin San Raffaele të Milanos. Ish-kryeministri i Italisë, lideri i Forza Italia dhe themelues i Mediaset ishte 86 vjec.......
Zerimi i emetimeve nga karburantet fosile - Planet e kompanive, kryesisht të pakuptimta. Nuk arrihen objektivat!
Numri i kompanive të karburanteve fosile që vendosin objektiva të emetimeve zero është rritur ndjeshëm gjatë vitit të kaluar, por shumica nuk arrijnë të......
New York, kryeqyteti global i miliarderëve - Numëronte 136 të tillë gjatë vitit të kaluar
Qyteti i Nju Jorkut ishte shtëpia e më shumë miliarderëve në vitin 2022. Në qershor, ‘Wealth X’ publikoi raportin vjetor mbi popullatën e miliarderëve në botë.......
