Shqiptarët, turizëm në vendet fqinje - Rriten ndjeshëm kontratat e sigurimeve për kartonin jeshil dhe sigurimin kufitar
Prej rreth një viti Shqipëria po përjeton një “boom” të vërtetë në sektorin e turizmit. Rekordet e hyrjes së turistëve të huaj po “thyhen” muaj pas muaji dhe vetëm në tre muajt e parë Shqipërinë e vizituan rreth 1,5 milionë turistë.
Por, paralelisht me këtë trend, po regjistrohet edhe një numër i lartë shqiptarësh që largohen nga vendi për pushime ditore. Sipas të dhënave të INSTAT të përpunuara nga SCAN TV, mbi 1,7 milionë shtetas kanë dalë nga pikat kufitare.
Një pjesë e madhe e tyre kanë preferuar të përdorin automjetet me destinacion vendet fqinje. Autoriteti i Mbikëqyrjes Financiare (AMF) konfirmon se në tremujorin e parë të vitit Produkti Karton Jeshil pati një rritje prej 1.28% të vëllimit të primeve të shkruara bruto.
Kjo u shoqërua nga një rritje e numrit të kontratave prej 23.11% krahasuar me periudhën janar-mars 2023. Edhe produkti Sigurim Kufitar, regjistroi një rritje 8.91% të vëllimit të primeve të shkruara bruto krahasuar me periudhën janar-mars 2023, shoqëruar me rritje prej 12.82% edhe të numrit të kontratave.
Ndërkohë që rritje ka shënuar për këtë viti gjithë portofoli i sigurimit të detyrueshëm të automjeteve. Primet e sigurimit të detyrueshëm motorik arritën rreth 3,016 milionë lekë, ose 9.82% më shumë se në periudhën janar-mars 2023.
Produkti MTPL e brendshme regjistroi rritje 11.42% të vëllimit të primeve të shkruara bruto, shoqëruar edhe me një rritje të numrit të kontratave prej 11.11% krahasuar me të njëjtën periudhë të një viti më parë.
Ndërkohë, nga të dhënat e AMF vërehet se kompanitë kanë paguar më shumë dëme. Kështu, pagesat e dëmeve në janar-mars 2024 u rritën me 23.88% krahasuar me vitin e kaluar. Pjesa më e madhe e dëmeve të paguara bruto i përket sigurimit motorik me rreth 1,358 milionë lekë, apo 68.06% të totalit.
Dorian Koça/SCAN
Sondazh
80 mln USD kredi për tatimet, energjinë dhe mjedisin - Nga sigurimi i banesave ndaj tërmetit, qiratë në Booking, deri te shitja e energjisë në ALPEX
Qeveria shqiptare kërkon të marrë një kredi prej 80 mln USD nga Banka Botërore për mbështetjen e reformave në drejtim të zgjerimit të bazës tatimore, energjisë......
Depozitat “tkurren” edhe në Mars - Regjistruan rënie me 1.1%. "Digjen" rreth 144 milionë euro
Depozitat në paranë e gjerë kanë rënë sërish përgjatë muajit Mars të këij viti, pas rënies në muajin Shkurt, sinjalizojnë të dhënat më të fundit nga Banka e......
Dështon krijimi i prodhuesit më të madh të bakrit në botë - Britanikët refuzojnë 36 miliardë euro nga kompania australiane BHP
36 miliardë euro ishte shifra të cilën BHP do të paguante që të merrte epitetin e ‘gjigantit’ të minierave. Në fakt grupi australian i minierave dhe metaleve......
Rregulla të reja për nxjerrjen e mineraleve të rralla? - Kërkesa e 100 vendeve. Synohet parandalimi i dëmeve mjedisore
Një grup prej afro 100 vendesh i drejtuar nga Organizata e Kombeve të Bashkuara do të hartojë udhëzime të reja për të parandaluar disa nga dëmtimet mjedisore......
Arabia Saudite, në kërkim të litiumit në Kili - Vendi synon diversifikimin e ekonomisë duke u shkëputur nga nafta
Arabia Saudite është e vendosur për të siguruar litium nga jashtë, pasi duhet të prodhojë bateri për automjete elektrike dhe të investojë në këtë sektor.......
Bankat perëndimore paguajnë 800 mln euro taksa në Rusi - Pjesa më e madhe e tyre nuk reduktojnë dot ekspozimin
Bankat më të mëdha perëndimore që kanë mbetur në Rusi i kanë paguar Kremlinit më shumë se 800 milionë euro taksa, vitin e kaluar. Një shifër katër herë më e......
Fituesi surprizë në betejën tregtare mes SHBA-së dhe Kinës!
Ndërsa zinxhirët e furnizimit të SHBA shkëputen nga Kina, sektori i prodhimit të Meksikës po del si fitues. Prodhimi në Meksikë është tërheqës për kompanitë që......
Japonezët, të lodhur me turistët - Masa drastike, jo më foto dhe selfie!
Turistët nuk janë më të mirëpritur në Japoni. Të paktën në disa qytete pikoreske dhe të njohura për panoramat mbresëlënëse. Një nga këto qytete po ngre një......
