Dështon krijimi i prodhuesit më të madh të bakrit në botë - Britanikët refuzojnë 36 miliardë euro nga kompania australiane BHP
36 miliardë euro ishte shifra të cilën BHP do të paguante që të merrte epitetin e ‘gjigantit’ të minierave. Në fakt grupi australian i minierave dhe metaleve kërkon të marrë nën kontroll kompaninë britanike të minierave ‘Anglo American’. Nëse kjo kontratë do të ishte finalizuar, do të krijohej prodhuesi më i madh i bakrit në botë.
Duke u lidhur me kompaninë Anglo American, BHP do të merrte rreth 10% të furnizimit botëror të bakrit përpara mungesës së pritshme, që shumë analistë të tregut parashikuan se do të çonte në një rritje të çmimeve.
Por ‘Anglo American’ e refuzoi ofertën duke thënë se ajo nënvlerëson ndjeshëm minierën dhe perspektivat e saj të ardhshme.
BHP, e cila ka afat deri më 22 maj për të bërë një ofertë të detyrueshme, pritet të rrisë ofertën e saj prej 25.08 paund për aksion në përpjekje për të arritur një marrëveshje që do të krijonte minierën më të madhe në botë të bakrit, një metal i domosdoshëm për ndryshimin e energjisë së pastër.
Parashikimi i analistëve dhe investitorëve se BHP do të rriste ofertën e saj u reflektua në aksionet e Anglo të listuara në Londër, të cilat arritën nivelin më të lartë në një vit.
Anglo tha se kompleksiteti i marrëveshjes së BHP krijoi pasiguri dhe se ajo ishte tashmë e vendosur për të krijuar vlerë të konsiderueshme nga asetet në përputhje me tranzicionin e energjisë dhe tendencat e tjera të kërkesës.
Grupi minerar filloi një rishikim strategjik të aktiveve të tij në shkurt në përgjigje të një rënieje prej 94% të fitimit vjetor dhe një sërë zhvlerësimesh të shkaktuara nga kërkesa më e ulët për mallra.
Pjesa më e madhe e fokusit të ofertës së BHP ka qenë te bakri. Një lidhje me Anglo do të krijonte një grup që përbën rreth 10% të prodhimit global të metalit, i cili për shkak të përçueshmërisë dhe rezistencës ndaj korrozionit përdoret në çdo gjë, nga automjetet elektrike dhe rrjetet e energjisë deri te ndërtimet.
Minierat kanë parë një rritje të shkrirjeve dhe blerjeve pasi kompanitë kërkojnë më shumë ekspozim ndaj metaleve të nevojshme për tranzicionin global të energjisë.
Një marrëveshje, nëse do të jetë e suksesshme, do të ishte marrja më e madhe e minierave në nivel global në 2024 dhe ndër 10 marrëveshjet më të mëdha për këtë sektor ndonjëherë.
Dorina Kurtaj / SCAN
Sondazh
Rregulla të reja për nxjerrjen e mineraleve të rralla? - Kërkesa e 100 vendeve. Synohet parandalimi i dëmeve mjedisore
Një grup prej afro 100 vendesh i drejtuar nga Organizata e Kombeve të Bashkuara do të hartojë udhëzime të reja për të parandaluar disa nga dëmtimet mjedisore......
Arabia Saudite, në kërkim të litiumit në Kili - Vendi synon diversifikimin e ekonomisë duke u shkëputur nga nafta
Arabia Saudite është e vendosur për të siguruar litium nga jashtë, pasi duhet të prodhojë bateri për automjete elektrike dhe të investojë në këtë sektor.......
Bankat perëndimore paguajnë 800 mln euro taksa në Rusi - Pjesa më e madhe e tyre nuk reduktojnë dot ekspozimin
Bankat më të mëdha perëndimore që kanë mbetur në Rusi i kanë paguar Kremlinit më shumë se 800 milionë euro taksa, vitin e kaluar. Një shifër katër herë më e......
Fituesi surprizë në betejën tregtare mes SHBA-së dhe Kinës!
Ndërsa zinxhirët e furnizimit të SHBA shkëputen nga Kina, sektori i prodhimit të Meksikës po del si fitues. Prodhimi në Meksikë është tërheqës për kompanitë që......
Japonezët, të lodhur me turistët - Masa drastike, jo më foto dhe selfie!
Turistët nuk janë më të mirëpritur në Japoni. Të paktën në disa qytete pikoreske dhe të njohura për panoramat mbresëlënëse. Një nga këto qytete po ngre një......
Si ka nisur kjo javë për valutat kryesore?
Dollari amerikan e ka nisur javën negativisht pasi është blerë sot me 93.9 lekë dhe është shitur me 94.7 lekë duke humbur pikë nga java që lamë pas sipas......
Balluku inspekton punimet për nënstacionin e ri elektrik të Velipojës: Masa për një sezon të suksesshëm turistik!
Në Velipojë ka nisur puna për ndërtimin e nënstacionit të ri elektrik, i cili do të përmirësojnë ndjeshëm cilësinë e furnizimit me energji elektrike në pjesën......
Skema e granteve Smart&Green Future – Shpallet lista e fituesve që do të përfitojnë!
Ministria e Ekonomisë dhe Inovacionit njofton se ka shpallur listën e fituesve të skemës së granteve Smart&Green Future! Sipas njoftimit 75 sipërmarrësit......
