Shqiptarët dynden me makina jashtë kufijve - Janar-maj, sigurimet e mjeteve që lëvizin jashtë territorit rritje 52.16%, numri i kontratave 67%
Heqja e çdo kufizimi lëvizjeje është përkthyer në rritje të fortë të numrit të mjeteve me targa shqiptare që kanë udhëtuar jashtë kufijve. Një prej treguesve më të dukshëm është kartoni Jeshil, sigurimi i detyrueshëm për të gjitha automjetet me targa shqiptare që udhëtojnë jashtë territorit të vendit.
Sipas të dhënave të sapo publikuara nga Autoriteti i Mbikëqyrjes Financiare, Produkti Karton Jeshil në periudhën janar-maj 2022 pati një rritje prej 52.1% të vëllimit të primeve të shkruara bruto. Kjo u shoqërua nga një rritje të numrit të kontratave prej 67.31% krahasuar me periudhën janar-maj 2021.
Rritje më modeste ka shënuar Produkti Sigurim Kufitar, i cili në periudhën janar-maj 2022, pati një rritje 6.2% të vëllimit të primeve të shkruara bruto krahasuar me periudhën janar-maj 2021. Edhe numri i kontratave u rrit me 9.03%. Ky produkt blihet nga të huajt në momentin që hyjnë në territorin shqiptar.
Ndërkohë që rritje kanë shënuar të gjitha produktet që kanë të bëjnë me sigurimin e detyrueshëm të automjeteve. Primet e sigurimit të detyrueshëm motorik, gjatë periudhës janar-maj 2022 arritën rreth 4,4 miliardë lekë, afërisht 44 milionë dollarë. Rritja rezulton 11.83 % krahasuar me periudhën janar-maj 2021.
Produkti MTPL e brendshme, e njohur gjerësisht si sigurimi i automjeteve, në periudhën janar-maj 2022, pati një rritje prej 6.82% të vëllimit të primeve të shkruara bruto. Kjo u shoqërua edhe me një rritje të numrit të kontratave prej 5.66% krahasuar me të njëjtën periudhë të një viti më parë.
Normë me rritje më të ulët ndërkaq ka shënuar volumi i dëmshpërblimeve të paguara nga kompanitë për aksidentet me makina.
Sipas të dhënave të AMF, dëmet e paguara bruto në sigurimin motorik për periudhën janar-maj 2022 kapën vlerën 1,7 miliardë lekë, duke pësuar një rritje me rreth 4.11% krahasuar me të njëjtën periudhë të një viti më parë.
Lorenc Rabeta / SCAN
Sondazh
Pse vizita e princit saudit në Turqi sinjalizon një ndryshim "tërësisht të jashtëzakonshëm" qëndrimi për Erdogan?!
Princi i kurorës i Arabisë Saudite, Mohammed bin Salman, ka vizituar Turqinë për herë të parë në vite, duke shënuar një afrim midis dy prej aktorëve më të......
Greqia drejt një recesioni tjetër, vetëm 4 vjet pasi vendi doli nga paketa e diskutueshme e shpëtimit!
Gati katër vjet pasi Greqia festoi fundin e programit të saj të ndërlikuar të shpëtimit, njerëzit e saj po shqetësohen gjithnjë e më shumë për perspektivat e......
Gjykata e Lartë e SHBA zgjeron të drejtat e armëve – Qytetarët tani mund ti mbajnë ato edhe në publik
Gjykata e Lartë deklaroi për herë të parë se Kushtetuta e SHBA mbron të drejtën e një individi për të mbajtur një pistoletë në publik për vetëmbrojtje, duke i......
Dollari, humbjet e para javore për qershorin - Euro mbështetet nga aktiviteti i dobët i fabrikave në Europë
Dollari amerikan po qëndron në rënie në sesionin e fundit të kësaj jave, përballë monedhave kryesore ndërkombëtare dhe pritet të publikojë humbjet e para......
Bursat europiane i rikthehen fitimeve - Investitorët po vlerësojnë rreziqet e inflacionin dhe recesionit
Tregjet europiane janë hapur në rritje të lehtë, në sesionin e sotëm, pas një javë të paqëndrueshme, ndërsa investitorët anembanë botës po vlerësojnë rreziqet......
Nafta, e qëndrueshme pranë 110 dollarë - OPEC pritet të rrisë prodhimin, Biden vizitë në Arabinë Saudite
Nafta po tregtohet e qëndrueshme në sesionin e sotëm, ndërsa tregu po përpiqet të balancojë rreziqet që vijnë nga ngadalësimi i kërkesës, në njërën anë, dhe......
Tubacioni Baltik: Si po e përshpejton Polonia daljen e saj nga gazi rus?!
Për të kompensuar importet e humbura ruse, Polonia po katërfishon kapacitetin e saj të importit të gazit me një tubacion nga Norvegjia dhe një terminal LNG. Së......
Ballkani Perëndimor në BE? Një tjetër zhgënjim nga Europa!
BE-ja u dha një tjetër zhgënjim vendeve të Ballkanit Perëndimor. Teksa i hapi rrugë Ukrainës për anëtarësim, ajo mbajti në vendnumëro Shqipërinë e Maqedoninë e......
