Shqipëria "ndihmon" Kosovën me "bukë"/ Në kulm të krizës, eksporton në një muaj 40% të drithërave që ka eksportuar në 17 vite
Shqipëria është një ndër vendet që pavarësisht krizës, nuk ka shpallur ende një ndalim të eksporteve të produkteve bazë. Në rajon, Kosova, Serbia por edhe Maqedonia e Veriut e kanë marrë një masë të tillë. Madje, shifrat më të fundit mbi tregtinë e jashtme nga Instituti i Statistikave tregojnë se gjatë marsit eksporti i drithërave nga Shqipëria ka prekur një rekord historik absolut. Bëhet fjalë për rreth 3.12 milionë kg drithëra të eksportuara, në rritje me rreth 16.000% krahasuar marsin e vitit të kaluar. Rritja është aq e madhe, sa që gjatë të gjithë periudhës kur të dhënat janë publike, që nga muaji janar i vitit 2005, e deri në shkurt të këtij viti, Shqipëria ka eksportuar rreth 4.8 milionë kg drithëra. Pra, në vetëm një muaj, marsin e këtij viti, në kulm të krizës, vendi ynë ka eksportuar gati 40% të totalit të eksporteve të drithërave që ka bërë në 17 vite, ose në 207 muaj.
Por, shifrat tregojnë një anë tjetër të medaljes; thuajse e gjithë sasia e drithërave të eksportuar gjatë marsit ka shkuar drejt një shteti të vetëm, Kosovës. Më saktësisht, drejt Kosovës janë eksportuar rreth 3.03 milionë kg, ose 96.8% e totalit të eksprotit të drithërave nga Shqipqria gjatë marsit. Pjesën e mbetur ndërkohë, rreth 3.2% e ndajnë Mali i Zi dhe Shtetet e Bashkuara të Amerikës.
Edhe në vlerë, rritja e eksporteve është mjaft e ndjeshme, madje më e lartë se në peshë, si pasojë e rritjes së çmimeve, mbi 17.000%. Gjatë marsit, vlera e eksportit të drithërave kap shifrën e rreth 185 milionë lekëve, ose afërsisht 1.53 milionë euro. Edhe te importet vihet re një rritje e ndjeshme, në terma vjetorë, pra krahasuar me marsin e vitit të kaluar, me rreth 30% në peshë, dhe rreth 45% në vlerë. Gjatë marsit Shqipëria ka importuar rreth 26.9 milionë kg drithëra, për një vlerë prej rreth 1.44 mld lekësh, që përkthehet në rreth 12 milionë euro.
Sa i përket eksportit të drithërave për një sasi rekord drejt Kosovës gjatë marsit, bëhet fjalë kryesisht për grur, dhe për SCAN nga shoqata e prodhuesve të miellit në vendin tonë shprehen se është një lëvizje për t`i ardhur në ndihmë Kosovës në kohë të vështira, duke qenë se ka pasur vështirësi me rezervat.
Sondazh
Pensioni, 90% shkon për ushqime/ Pensionisti shqiptar mund t`ja dali vetëm për shportën bazë, në vendet e zhvilluara, norma zbret nën 20%
Bazuar në të dhënat e Institutit të Sigurimeve Shoqërore, pensioni mesatar në vendin tonë për vitin 2021 fiksohet pranë rreth 13.981 lekëve. Kaq të ardhura ka......
Çmimet, rekord historik për tregtinë e jashtme/ 131 mld lekë shkëmbime tregtare gjatë marsit, si kurrë më parë, 420 mln euro mbi mesataren historike
Tregtia e jashtme vijon të raportojë terma rritje mjaft të larta, tregojnë shifrat më të fundit nga Instituti i Statistikave për Marsin. Por, kjo rritje duket......
Çmimet, “bonus” 110 mln euro në arkat e shtetit/ TVSH, rreth 45 milionë euro shtesë të mbledhura vetëm për marsin
Muaji Mars ka sjellë një valë të re te rritjes së çmimeve në vendin tonë, me shifrat zyrtare nga Instituti i Statistikave që flasin për një normë inflacioni në......
Të burgosurit, Shqipëria rekord në rajon/ Regjistrojmë 163 persona të dënuar për 100 mijë banorë, dënimi mesatar deri në 15.4 vite
Këshilli i Europës ka publikuar së fundmi statistikat penale në 49 vende të Europës, ku mes tyre gjendet edhe vendi ynë. Ky raport jep të dhëna krahasimore mes......
Paraja në qarkullim, rekord në mars/ Arrin në 380 miliardë lekë, 21 mld lekë më shumë se një vit më parë
Paraja në qarkullim gjatë marsit ka prekur një rekord të ri historik, tregojnë shifrat më të fundit nga Banka e Shqipërisë, duke u ngjitur pranë 380 miliardë......
Migracioni neto, rekord historik/ Viti 2021, me diferencën më të lartë mes të ardhurve dhe të larguarve në një dekadë
Pandemia frenoi numrin e emigrantëve gjatë vitit 2020, por të dhënat më të fundit nga "Instituti i Statistikave" tregojnë se viti 2021 e ka kthyer numrin e......
Pakësohet popullsia e Shqipërisë/ Regjistohen 1.3% më pak banorë, Tirana e vetmja me rritje, Gjirokastra me rënien më të madhe
Popullsia e Shqipërisë më 1 janar të këtij viti ka pësuar rënie me 1.3% dhe regjistrohet në 2,793,529 banorë, ndërkohë që më 1 janar të vitit 2021 kjo shifër......
Ekskluzive/ Moody`s për impaktin e luftës, në Shqipëri: “Shkurtojmë projeksionet, pasiguri e lartë, turizmi do të preket”
“Scan Intelligence Unit” ka siguruar ekskluzivisht raportin më të fundit të Moody`s për Shqipërinë, me një vlerësim në B1 me perspektivë të qendrueshme, të......
