Çmimet, rekord historik për tregtinë e jashtme/ 131 mld lekë shkëmbime tregtare gjatë marsit, si kurrë më parë, 420 mln euro mbi mesataren historike
Tregtia e jashtme vijon të raportojë terma rritje mjaft të larta, tregojnë shifrat më të fundit nga Instituti i Statistikave për Marsin. Por, kjo rritje duket të jetë efekt i drejtpërdrejtë i rritjes së çmimeve, duke qenë se treguesit kryesorë janë të shprehur në vlerë, dhe jo në volum. Kështu, shifrat zyrtare për Marsin tregojnë se eksportet e mallrave prekën shifrën e 48 miliardë lekëve gjatë marsit, në rritje me 50.4% krahasuar me marsin e një viti më parë dhe me 28% krahasuar me shkurtin. Edhe importet janë rritur ndjeshëm, duke prekur shifrën e 84 mld lekëve, në rritje me 29.7% në terma vjetorë dhe me 21.7% në terma mujorë. Defiçiti tregtar ndërkohë fiksohet në 36 mld lekë, në rritje si në terma mujorë ashtu edhe në terma vjetorë.
Po të shohim pikërisht kontributin e grupeve kryesore në rritjen e shkëmbimeve tregtare vëmë re se ndikimin më të madh e kanë pasur pikërisht grupet që kanë regjistruar një rritje të ndjeshme të çmimeve. Sa i përket eksporteve, kontributin më të madh në rritjen me 50.4% të tyre gjatë marsit e kanë pasur “Materiale ndërtimi dhe metale” me 20.3 pikë përqindje, “Minerale, lëndë djegëse dhe energji elektrike” me 12.7 pikë përqindje, si dhe “Tekstile dhe këpucë”, me 6.7 pikë përqindje. Ndërkohë, sa i përket importeve, në rritjen prej 29.7% gjatë marsit, kontributin më të madh e kanë dhënë grupet: “Minerale, lëndë djegëse dhe energji elektrike” me 14.2 pikë përqindje, “Materiale ndërtimi dhe metale” me 7.2 pikë përqindje dhe “Ushqime, pije, duhan” me 4.2 pikë përqindje.
Në total, gjatë marsit shkëmbimet tregtare kapin vlerën e 131 miliardë lekëve. Ky është rekordi më i lartë historik i regjistruar ndonjëherë, në çdo muaj. Nga ana tjetër, shifra rezulton rreth 50 mld lekë mbi mesataren historike të 5 viteve të kaluara, ose rreth 420 milionë euro më shumë në muaj.
Sondazh
Çmimet, “bonus” 110 mln euro në arkat e shtetit/ TVSH, rreth 45 milionë euro shtesë të mbledhura vetëm për marsin
Muaji Mars ka sjellë një valë të re te rritjes së çmimeve në vendin tonë, me shifrat zyrtare nga Instituti i Statistikave që flasin për një normë inflacioni në......
Të burgosurit, Shqipëria rekord në rajon/ Regjistrojmë 163 persona të dënuar për 100 mijë banorë, dënimi mesatar deri në 15.4 vite
Këshilli i Europës ka publikuar së fundmi statistikat penale në 49 vende të Europës, ku mes tyre gjendet edhe vendi ynë. Ky raport jep të dhëna krahasimore mes......
Paraja në qarkullim, rekord në mars/ Arrin në 380 miliardë lekë, 21 mld lekë më shumë se një vit më parë
Paraja në qarkullim gjatë marsit ka prekur një rekord të ri historik, tregojnë shifrat më të fundit nga Banka e Shqipërisë, duke u ngjitur pranë 380 miliardë......
Migracioni neto, rekord historik/ Viti 2021, me diferencën më të lartë mes të ardhurve dhe të larguarve në një dekadë
Pandemia frenoi numrin e emigrantëve gjatë vitit 2020, por të dhënat më të fundit nga "Instituti i Statistikave" tregojnë se viti 2021 e ka kthyer numrin e......
Pakësohet popullsia e Shqipërisë/ Regjistohen 1.3% më pak banorë, Tirana e vetmja me rritje, Gjirokastra me rënien më të madhe
Popullsia e Shqipërisë më 1 janar të këtij viti ka pësuar rënie me 1.3% dhe regjistrohet në 2,793,529 banorë, ndërkohë që më 1 janar të vitit 2021 kjo shifër......
Ekskluzive/ Moody`s për impaktin e luftës, në Shqipëri: “Shkurtojmë projeksionet, pasiguri e lartë, turizmi do të preket”
“Scan Intelligence Unit” ka siguruar ekskluzivisht raportin më të fundit të Moody`s për Shqipërinë, me një vlerësim në B1 me perspektivë të qendrueshme, të......
A dëmtohet Shqipëria nga vendimi i Kosovës? Ndalimi i eksporteve, Shqipëria importon minimalisht nga Kosova produktet e ndaluara
Qeveria e Kosovës ka marrë së fundmi vendimin për të ndaluar eksportin e disa produkteve ushqimore në vende të rajonit dhe më gjerë, të cilat konsiderohen edhe......
Sa mund të kursejë një shqiptar gjatë jetës? Mesatarisht, jo më shumë se 73 mijë euro, nëse punon 45 vite
Një shqiptar mesatar, sot, merr një pagë neto prej rreth 4,867 eurosh në vit. Po gjatë të gjithë jetës së tij? Mosha e pensionit në vendin tonë tashmë është e......
