Shqipëria do rrisë me 200 milionë euro rezervën valutore - Banka Qendrore parashikoi 15 ankande për blerje valute në 2022, por anuloi 3
Banka e Shqipërisë ka planifikuar që për vitin 2022 të rrisë deri 200 milionë euro rezervën valutore. Shkak për të cilin kishte parashikuar që përgjatë gjithë vitit të zhvillonte 15 ankande, përmes të cilëve të blinte nga 5 deri 8 milionë euro për të arritur objektivit. Por gjërat nuk kanë shkuar sipas planit, duke qenë se Banka e Shqipërisë ka annular 3 ankande, një në mars dhe dy në prill.
Në katër muajt e parë të këtij viti, Banka e Shqipërisë ka realizuar vetëm një ankand, i cili u zhvillua në datën 18 shkurt 2022. Përmes tij u blenë 7.45 mln euro në mesatarisht 121.43 lekë dhe pjesëmarrja e bankave ishte mesatare, ndërkohë, në datën datën 8 mars, u kontaktuan të gjitha bankat e nivelit të dytë për t’i shitur valutë, fillimisht me kursin 128.00 lekë dhe më pas me kursin 127.00 lekë; u shitën 10.70 mln euro.
Shkak duket se janë bërë luhajtjet e tregut valutor, të cilat e kanë detyruar bankën të modifikojë operacionet për grumbullimin e valutës. “Në datën 8 mars 2022, Komiteti i Zbatimit dhe Këshillimit të Politikës Monetare, krahas vendimit për ndërhyrje në tregun e brendshëm të këmbimeve valutore me objektiv shmangien e çrregullimeve nëpërmjet shitjes së valutës, vendosi anulimin e ankandeve të blerjes së valutës për periudhën mars-prill 2022” thekson Banka e Shqipërisë.
Ndërkaq, Gjatë 3-mujorit të parë të vitit 2022, portofoli i Bankës së Shqipërisë ka ndryshuar shumë pak, duke rënë me 100 milionë lekë, afërsisht 1 milionë dollarë pasi ra me 1.4 miliardë lekë në 3-mujorin e mëparshëm. Vlera e portofolit është 65.5 miliardë lekë, pranë mesit të bandës së synuar prej 63.60-67.60 miliardë lekësh.
Operacionet e Bankës së Shqipërisë kanë synuar mbajtjen e portofolit në nivele të pandryshuara gjatë 3-mujorit, rinovimin e pjesshëm të portofolit në tregun sekondar dhe rritjen e pjesëmarrjes në një prej emetimeve 6-mujore, janë maturuar në tregun primar 1.5 miliardë lekë bono thesari 12-mujore dhe janë blerë në 5 ankande 1.4 miliardë lekë bono thesari.
Lorenc Rabeta / SCAN
https://www.youtube.com/watch?v=Oga5kMIrEsM
Sondazh
6400 biznese të reja i shtohen vendit - 5 mujori 2022/ Nuk “tremben” nga kostot në rritje, shifra më e lartë në vitet e pandemisë!
Rritja e kostove mbi bizneset duket se nuk ka ndikuar në stepjen e individëve për të hapur një aktivitet të ri. Referuar të dhënave zyrtare të Ministrisë së......
Sa “paguhet” një pensionist në muaj? - Pensioni mesatar nga 10-17 mijë lekë në muaj!
Masa e pensionit për moshën e tretë në vend duket se nuk ecën paralel me çmimet në rritje dhe shtrenjtimin e kostove të jetesës në tërësi. Por sa “paguhet”......
Tenderët, Bashkia e Tiranës “bëhet” gjykatë - Për të skualifikuar ofertën më të ulët s’pranon dokumentet e noterit, KPP: Korrigjoni shkeljet!
Bashkia e Tiranës ka skualifikuar nga gara tenderuese për rehabilimitin e një sheshi publik kompaninë me ofertën më të ulët me argumentin se nuk njeh......
Investitorët globalë i kthejnë blerësit drejt fondeve të investimit nga frika e recesionit!
Fondet globale të kapitalit u përballën me flukse dalëse në javën deri më 29 qershor, pasi rritjes së frikës për një recension të mundshëm ndërsa bankat......
Gjysma e huave, për ndërtim dhe tregti/ Kredia e re për biznesin, 52% vetëm për dy sektorë
Ndërtimi dhe tregtia përbëjmë 52% të peshës së huave të reja të dhëna nga bankat në nivel biznesi dhe koorporatash jofinanciare përgjatë muajit Maj 2022.......
Parku Fotovoltaik në Karavasta, më i madhi në Ballkan - Rama: E Transformojmë Shqipërinë në vend të pavarur sa i përket energjisë
Kryeministri Edi Rama mori pjesë të premten në ceremoninë e nisjes së punimeve Parkun Fotovoltaik të Karavastasë, Parkun më të madh diellor në Ballkanin......
Zëvendësimi i baterisë pothuajse i “pamundur” - Çmimi për automjetet elektrike shkon deri në 25 mijë euro në varësi të modelit
Pjesët këmbimit të një automjeti elektrik kushtojnë shumë më shumë se ato të një automjeti të zakonshëm. Përhapja e pakët e tyre në qarkullim sjell një kosto......
Rusia zbulon turizmin vendas - Sochi, simboli i ringjalljes së turizmit brenda territorit rus
Rusët tashmë shkojnë për pushime në vende brenda Rusisë. Si pasojë “boom-i” ekonomik i turizmit prek nivele të paprecedentë. Dhe pikërisht turistët në plazh në......
