Kush merr dhe kush lë shtetësinë shqiptare? Pasaporta jonë kërkohet më pak, por nuk braktiset më shumë
Nga Scan TV
Shqipëria ka regjistruar një ulje të ndjeshme të numrit të azilkërkuesve gjatë vitit 2024. Sipas të dhënave zyrtare, numri i kërkesave për azil ka qenë 104, duke shënuar një rënie të konsiderueshme krahasuar me 261 kërkesa të regjistruara në vitin 2023. Azilkërkuesit vijnë kryesisht nga tre shtete të Lindjes së Mesme dhe Azisë Jugore: Afganistani (27.9%), Siria (17.3%) dhe Pakistani (10.6%). Muajt me përqendrimin më të madh të aplikimeve kanë qenë marsi, prilli dhe qershori, të cilët së bashku përbëjnë 57,7% të kërkesave të paraqitura gjatë vitit.
Një tjetër zhvillim me interes lidhet me shtetësinë shqiptare. Gjatë vitit 2024, 919 persona kanë fituar shtetësinë shqiptare, duke shënuar një ulje prej 33.5% krahasuar me vitin e kaluar. Rreth gjysma e këtyre personave ose 49.1% janë me origjinë nga Kosova, ndërsa 13.8% nga Turqia dhe 6.2% nga Maqedonia e Veriut. Në të njëjtën kohë, 472 persona kanë hequr dorë nga shtetësia shqiptare, një tjetër tregues me tendencë rënëse, me një ulje prej 45.7% në raport me vitin 2023.
Nga pikëpamja demografike, grupmosha dominuese për të dy kategoritë, si ata që kanë fituar, ashtu edhe ata që kanë lënë shtetësinë është ajo 30-39 vjeç. Konkretisht, 33.4% e personave që kanë fituar shtetësinë dhe 41.3% e atyre që kanë hequr dorë prej saj i përkasin kësaj grupmoshe, duke reflektuar një lëvizshmëri të shtuar të të rriturve aktivë ekonomikisht.
Të dhënat sinjalizojnë një ulje të përgjithshme të flukseve të migracionit drejt dhe nga Shqipëria, ndërkohë që mbeten në fokus analizat mbi arsyet dhe tendencat afatgjata të këtyre ndryshimeve.
Prej disa muajsh, kursi i këmbimit nuk po përjeton luhatje të mëdha. Sipas Bankës së Shqipërisë, 1 euro po këmbehet aktualisht me 96.70 lekë.
Në muajt e......
Presidenti Donald Trump ka njoftuar se do të pezullojë emigracionin nga vendet e botës së tretë, si reagim ndaj ngjarjes në Uashington ku gjeti vdekjen një......
Zhvillimi i turizmit dhe forcimi i bashkëpunimit mes Shqipërisë dhe Francës ka qenë në qendër të konferencës së organizuar sot, ku morën pjesë përfaqësues të......
Zhvillimi i tre palë zgjedhjeve brenda vitit në Kosovë, kriza politike, moskrijimi i qeverisë së re, dhe për pasojë mosmiratimi i buxhetit për vitin 2026,......
Nuk mjaftoi as tërmeti i vitit 2019 apo lëkundjet e tjera sizmike në vazhdim, e as situata alarmante me zjarret gjatë verës, që shqiptarët të ndërgjegjësohen......
