Sauditët, investim në Kosovë - 12,3 mln euro për segmentin rrugor pjesë e aksit që lidh Prishtinën me Mitrovicën
Kosova do të marrë një financim prej 12.3 milionë eurosh nga Fondi Saudit për Zhvillim për përfundimin e segmentit rrugor Smrekonicë–Mitrovicë, pjesë e aksit që lidh Prishtinën me Mitrovicën.
Segmenti është rreth 5 kilometra i gjatë dhe konsiderohet pjesa përfundimtare e këtij korridori rrugor. Për projektin, Republika e Kosovës do të kontribuojë me 3.7 milionë euro, duke e çuar investimin total në mbi 16 milionë euro.
Sipas ministrit të Infrastrukturës, Dimal Basha, marrëveshja me Fondin Saudit zhbllokon financimin e fazës së dytë të projektit. Fondi kishte dhënë miratimin paraprak rreth dy vite më parë, por formalizimi ishte vonuar për shkak të ngërçit politik në Kosovë.
Projekti parashikon një rrugë moderne me dy korsi në secilin drejtim, korsi emergjence, katër kryqëzime kryesore, sistem kullimi dhe elemente të sigurisë rrugore.
Sipas autoriteteve kosovare, përfundimi i këtij segmenti do të kompletojë lidhjen rrugore Prishtinë–Vushtrri–Mitrovicë, duke përmirësuar qarkullimin dhe lidhjen mes këtyre zonave.
Investimi synon gjithashtu të krijojë kushte më të sigurta dhe më efikase për lëvizjen e qytetarëve dhe transportin rrugor përgjatë këtij korridori.
Aktualisht po punohet për elaboratin e shpronësimit dhe rishikimin e projektit, ndërsa pas përfundimit të këtyre procedurave pritet të nisë tenderimi.
Ky është financimi i dytë saudit për këtë projekt. Në vitin 2013, Fondi Saudit për Zhvillim kishte rënë dakord të jepte rreth 16 milionë dollarë për fazën e parë të këtij aksi.
BE kërkon 25 miliardë euro - Taksa digjitale mund të sjellë pesëfishin e parashikimit fillestar
Parlamenti Europian vlerëson se një taksë e re digjitale mund të sjellë deri në 25.2 miliardë euro në vit për buxhetin e ardhshëm të Bashkimit Europian, rreth......
Dogana ndryshon rregullat e vlerësimit - Publikohet manuali i ri për unifikimin e praktikave doganore
Administrata Doganore Shqiptare ka publikuar Manualin e ri të Vlerësimit Doganor, një udhëzues praktik që synon të sigurojë zbatimin e njëtrajtshëm të......
Maqedonia e Veriut, Qeveria vazhdon uljen e TVSH-së për naftën nga 18 në 10 për qind
Qeveria vazhdon masën për uljen e TVSH-së për naftën nga 18% në 10%, e cila do të jetë në fuqi deri më 12 tetor. Në një postim në Facebook, qeveria deklaroi......
Komisioneri energjisë: Evropa s’ka mungesë energjie, por një dimër i dhimbshëm po afrohet
Evropa duhet të mbrojë konsumatorët nga një tjetër tronditje e çmimeve të energjisë, duke i bërë lëndët djegëse fosile më pak të rëndësishme për ekonominë.......
Nvidia: Riblerja e aksioneve shënon një rekord prej 150 miliardë dollarësh
Nvidia, e cila ka shumë para në dorë falë bumit në inteligjencën artificiale, po lançon programin më të madh të blerjes së aksioneve në historinë e SHBA-së.......
Barazia ekonomike dhe sociale, Kosova hedh online Platformën Elektronike për Komunitetet
Një platformë online për komunitetet, me të cilën mbështeten gjithëpërfshirja dhe solidariteti, drejtësia socioekonomike, revitalizimi kulturor dhe të drejtat......
Takimi Hoxha - Bauer: Austria mbështet të ardhmen evropiane të Ballkanit Perëndimor
Në kuadër të Takimit Ministror të Nivelit të Lartë “Slavkov 3 – Ballkani Perëndimor”, Ministri për Evropën dhe Punët e Jashtme, Ferit Hoxha, u takua në Vjenë......
Kamëz, siguria në shkolla në plan të parë, 4 ministri bëhen bashkë në mbrojtje të fëmijëve
Nga siguria brenda dhe jashtë shkollës, te kujdesi për shëndetin dhe ushqimi, katër ministri do të bashkërendojnë punën për mbrojtjen dhe mirëqenien e......
