Samiti i Procesit të Berlinit – Policia publikon masat dhe rrugët që do të bllokohen
Nëpërmjet një njoftimi zyrtar Policia e Shtetit ka publikuar planin e masave që do të merren për garantimin e rendit publik, gjatë zhvillimit të Samitit të Procesit të Berlinit, që do të zhvillohet në Tiranë, më datë 16 tetor 2023.
Zëvendës Drejtori i Përgjithshëm i Policisë së Shtetit, Sokol Bizhga në një dalje për mediat theksoi se disa rrugë do të bllokohen ndërsa do të qëndrojnë të mbyllura edhe bizneset pranë.
Masat e planifikuara nga Policia e Shtetit, për këtë aktivitet të rëndësishëm konsistojnë në disa plane, konkretisht:
-Garantimi i rendit publik, para, gjatë dhe pas zhvillimit të Samitit;
-Organizimi i shërbimeve policore, për sigurimin e të gjithë perimetrit të sigurisë së Samitit;
-Sigurimi i delegacioneve përgjatë gjithë rrugëkalimit, nga Rinasi për në Tiranë;
-Eskortimi i delegacioneve nga aeroporti i Rinasit, për në vendin e zhvillimit të Samitit në Tiranë, dhe në kthim për në Rinas;
-Eskortimi i delegacioneve nga PKK Morinë, Kukës, për në vendin e zhvillimit të Samitit në Tiranë, dhe në kthim për në Morinë, Kukës;
-Eskortimi i delegacioneve nga PKK Hani i Hotit, Shkodër, për në vendin e zhvillimit të Samitit në Tiranë, dhe në kthim për në Hanin e Hotit, Shkodër;
-Sigurimi i rrugëkalimeve të shërbimeve të emergjencës;
-Menaxhimi i trafikut rrugor në qytetin e Tiranës, para, gjatë dhe pas zhvillimit të Samitit, etj.
Policia e Shtetit ka bërë me dije se për të garantuar sigurinë e këtij aktiviteti, po bashkëpunohet me agjencitë e tjera të zbatimit të ligjit në vend, si dhe me organizatat ndërkombëtare INTERPOL dhe EUROPOL, për shkembimin në kohë të informacioneve.
Po kështu, po bashkëpunohet me bashkinë e Tiranës, autoritetet e aeroportit të Rinasit, autoritetet e kontrollit të Aviacionit të Tiranës, Policinë Bashkiake të Tiranës, shërbimin zjarrfikës dhe qendrat spitalore të Tiranës, për mbarëvajtjen e tij.
Lëvizja e qytetarëve të Tiranës, më datë 16 tetor, do të afektohet drejtpërdrejt nga ky aktivitet me përmasa ndërkombëtare.
Për garantimin e sigurisë, para, gjatë dhe pas zhvillimit të Samitit, është parashikuar ky perimetër sigurie:
-Bulevardi “Dëshmorët e Kombit”, nga ura e Dajtit deri te sheshi “Nënë Tereza”;
-Bulevardi “Bajram Curri” nga kryqëzimi me Rrugën e Elbasanit deri te kryqëzimi me rrugën “Ibrahim Rugova”;
-Rruga “Papa Gjon Pali II”, “ETC-RTSH-Stadium”;
-Rruga “Ismail Qemali”, nga kryqëzimi i Liceut deri te rruga e “Elbasanit”;
-Rruga “Mustafa Matohiti”, pranë shkollës “Kosova”;
-Rruga “Jul Variboba”, pranë postës, në rrugën e Elbasanit dhe në rrugën “Papa Gjon Pali II”;
-Rruga “Fatmir Haxhiu”, te ETC;
-Rruga “Lekë Dukagjini”, nga sheshi “Frederik Shopen”, deri te stadiumi “Air Albania” dhe përreth stadiumit;
-Rruga “Ukraina e lirë”.
Në këto akse rrugore, duke filluar ora 20:00 e datës 15 tetor deri në përfundim të Samitit, më datë 16 tetor, në orën 20:00, do të ndalohet parkimi, qarkullimi i automjeteve dhe qytetarëve, por do të lejohet vetëm lëvizja e qytetarëve që janë rezidentë në ambiente banimi brenda perimetrit të sigurisë.
Të gjitha bizneset private që ndodhen brenda perimetrit të sigurisë, ditën e hënë do të jenë të mbyllura.
Në rrugën “Papa Gjon Pali II”, nuk do të lejohet as lëvizja me këmbë, e qytetarëve.
Ndalim të qarkullimit të automjeteve, më datë 16 tetor, nga ora 08:00 deri në orën 12:00, dhe nga ora 15:30 deri në orën 20:00, do të ketë në akset rrugore:
- Rinas – Mbikalimi i Kasharit – autostrada “Durrës – Tiranë” – ish-sheshi “Shqiponja” – Unaza e Tiranës - rrethrrotullimi i Saukut – rrethrrotullimi pranë Akademisë së Sigurisë – Pallati i Brigadave – rrethrrotullimi i qytetit “Studenti”, deri tek kryqëzimi me bulevardin “Bajram Curri”;
- Bulevardi “Bajram Curri”, nga kryqëzimi me rrugën “Ibrahim Rugova”, deri te Rruga e Elbasanit (ky ndalim vlen për të gjitha llojet e mjeteve);
- Bulevardi “Dëshmorët e Kombit”, nga kryqëzimi me bulevardin “Zhan D’Ark” deri te sheshi “Nënë Tereza”;
- E gjithë rruga “Papa Gjon Pali II”;
- Rruga “Ismail Qemali”, nga kryqëzimi me Rrugën e Elbasanit, deri te kryqëzimi me rrugën “Ibrahim Rugova”.
Kufizime të qarkullimit të automjeteve të tonazhit të rëndë, do të ketë në aksin rrugor “Shkodër – Lezhë – Milot – Thumanë - Fushë Krujë – Vorë”.
Për të lehtësuar mbarëvajtjen e këtij aktiviteti të rëndësishëm, Policia e Shtetit kërkon mirëkuptimin dhe bashkëpunimin e të gjithë qytetarëve, që të reduktojnë në maksimum përdorimin dhe qarkullimin me automjete, gjatë kësaj dite, si dhe që të përdorin akse rrugore dhe drejtime të tjera lëvizjeje.
SCAN
Sondazh
Mali i Zi heq fondin e pensioneve shtetërore - Anulohet pagesa e kontributeve. Çdo gjë, tërësisht në fondet private
Ky është një nga qëllimet e programit “Evropa tani 2”, e gjitha në përputhje me vendimin e Bashkimit Evropian nga viti 2015 për shfuqizimin e të gjitha fondeve......
Vendi që fitoi “lojën” e taksave tani po “noton” në para’ - Në 8 vitet e fundit, të ardhurat tatimore të Irlandës janë trefishuar
Vende të tilla si Arabia Saudite, Norvegjia dhe Kili kanë krijuar prej vitesh fondet e tyre të pasurisë sovrane. Qëllimi është të lënë mënjanë disa nga paratë......
Kreditimi në Kosovë, me “frena dore” - Në janar-qershor, më e ulëta se një vit më parë. Norma mesatare, 6,5%
Aktiviteti kreditues në Kosovë shënoi rritje vjetore prej 14.5% në gjysmën e parë të vitit, që përkon me shkallë më të ulët të rritjes krahasuar me një vit më......
2022, viti i artë për industrinë financiare - Fitimet e bankave u rritën me 280 miliardë dollarë
Fitimet më të mëdha që nga kriza financiare ndërkombëtare e vitit 2008 e më pas janë marrë nga bankat në 2022 - shin, sipas të dhënave të kompanisë së......
“Sëmundja” e vërtetë e ekonomisë së Gjermanisë - Shkaqet rrënjësore lidhen me karakteristikat specifike të modelit të biznesit
Revista ‘The Economist’ për herë të dytë në 24 vitet e fundit diagnostikon se Gjermania është “pacientja e Europës”. Hera e parë ishte në vitin 1999, kur vendi......
Kancelari Scholz, të hënën në Tiranë – Në fokus, Procesi i Berlinit, Kosova dhe Serbia!
Kancelari gjerman Olaf Scholz do të udhëtojë të hënën për një vizitë të shkurtër në Tiranë, bëri të ditur zëdhënësi i qeverisë gjermane, Steffen Hebestreit, të......
Mjedisi dhe biznesi, Zëvëndëskryeministrja Balluku dhe ministrja Kumbaro, tryezë me prodhuesit shqiptarë
Zëvëndëskryeministrja dhe ministrja e Infrastrukturës dhe Energjisë, Belinda Balluku, e shoqëruar nga ministrja e Turizmit dhe Mjedisit, Mirela Kumbaro......
Pse bizneset në këtë vend të BE-së festojnë dështimin në tetor?!
Finlanda është tani shtëpia e më shumë se 3,800 startup-eve, me një vlerë të kombinuar të ndërmarrjes prej 48.2 miliardë euro vetëm vitin e kaluar. Në botën e......
