Sa zjarrfikës ka Shqipëria? Rreth 1 mijë! Përballojnë një fluks 21 herë më të lartë se kolegët e tyre në Europë
Çdo vit me ardhjen e temperaturave përvëluese, Shqipëria “pushtohet” nga flakët, nga veriu në jug të vendit. Përveç kërcënimit të drejtpërdrejtë në jetë njerëzish, zjarret përfaqësojnë edhe një faturë direkte për ekonominë e vendit dhe për mijëra biznese. Raporte të ndryshme ndërkombëtare, si ai i `World Risk Index` e klasifikojnë Shqipërine mes vendeve më të rrezikuara dhe mes atyre me kapacitetet më të ulta për të përballuar katastrofat natyrore. “Scan Intel” është fokusuar në një analizë mbi zjarrëfikësit, kapacitetet tona në këtë drejtim dhe krahasimin me Europën.
Në Shqipëri ka rreth 1 mijë zjarrfikës gjithsej, ose më saktë 1067 të tillë. Kjo shifër del në pah nga baza e të dhënave mbi pagat, e rrjedhur pak kohë më parë në publik dhe që i referohet muajit prill të vitit të kaluar. Sipas Ministrisë së Brendshme ndërkohë, shërbimi zjarrfikës në vend numëron rreth 1250 punonjës, por jo të gjithë janë zjarrfikës, çka të çon sërish te shifra pranë 1 mijë. Në të gjjithë Bashkimin Europian numërohen rreth 365 mijë zjarrfikës operativ, ose 0.2% e të punësuarve gjithsej. Po në Shqipëri sa është kjo normë? Vetëm 0.15%! Norma i referohet raportit mbi totalin e të punësuarve me pagë në vendin tonë, që sipas Institutit të Statistikave fiksohet në rreth 703 mijë. Në rast se këtë përllogaritje do ta bënim mbi totalin e të punësuarve gjithsej, ku klasifikohen edhe të vetëpunësuarit në bujqësi, atëherë norma do të zbriste në vetëm 0.08%, pra më shumë se dy herë më e ulët se norma në Bashkimin Europian.
Ndërkohë që zyrtarisht nga institucionet shqiptare nuk ka asnjë statistikë zyrtare në lidhje me sipërfaqet e djegura nga zjarret në vendin tonë, programi “Copernicus” i Sistemit të Informacionit Europian për Zjarret e Pyjeve (EFFIS), tregon se përgjatë të gjithë vitit të kaluar, në vendin tonë janë djegur plot 31,275 hektarë pyje. Në rast se do të bënim një raport të thjeshtë përmbi numrin e zjarrfikësve në Shqipëri, atëherë rezultojnë 29.3 hektarë, ose 293 mijë metra katrorë sipërfaqe të djegura për një zjarrfikës. Në Bashkimin Europian ndërkohë kjo normë fiksohet në vetëm 1.37 hektarë për zjarrfikës, ose 21.4 herë më e ulët se në vendin tonë. Në union gjatë 2021-shit raportohen rreth 500 mijë hektarë pyje të djegura, në 22 shtete, për 365 mijë zjarrfikës.
Edhe pse kjo analizë fokusohet vetëm te burimet njerëzore dhe jo infrastruktura në tërësi, si makineritë, pajisjet apo investimet, shifrat tregojnë qartë se diferencat me Europën janë të mëdha, pavarësisht faktit se Shqipëria është në hartën e kuqe të rrezikut nga zjarret në Europë dhe çdo vit, gjatë sezonit të verës raporton dhjetra vatra aktive zjarri njëkohësisht. Pamjet të cilat bëhen virale çdo vit ku, tregojnë anëtarët e forcave të mbrojtjes apo banorët e zonave të prekura të cilët luftojnë me flakët pa asnjë masë mbrojtëse apo pajisje marrin sens pikërisht nga këto shifra, me vetëm rreth 1 mijë zjarrfikës, të cilët duhet të përballojnë një fluks mbi 20 herë më të lartë se ai i kolegeve të tyre nëpër Europë.
Sondazh
Inflacioni "kërcen" në 7.5%/ Rritja e çmimeve "pushton" të gjitha grupet, vaji dhe drithërat prekin rekorde të reja
Inflacioni është afruar shumë pranë nivelit historik gjatë muajit korrik të këtij viti tregojnë të dhënat më të fundit nga Instituti i Statistikave. Sipas......
Nafta në Shqipëri, sikur në Europë ta paguanin 8.8 euro litrin/ Krahasimi i çmimit të naftës me pagën mesatare “zbulon” absurdin shqiptar
“Scan Intel” vazhdimisht e ka trajtuar çmimin e naftës në vendin tonë krahasuar me vendet e tjera të Europës. Këto analiza kanë zbuluar se në periudha të......
11.6% e popullsisë në intensitet të ulët pune/ Eurostat: 74% e tyre në rrezik për të qenë të varfër, renditemi ndër të parët në Europë
Në Shqipëri 74% e popullsisë të cilët jetojnë në familje me intensitet të ulët të punës janë në prag të varfërisë. Këtë tregojnë të dhënat më të fundit nga......
Shqipëria, për çdo 20 punonjës, ka 1 “Drejtor”/ Analiza e Scan Intel: Figurojnë rreth 33,800 drejtues gjithsej.
Një ndër pozicionet hierarkike më të lakmuara në Shqipëri dhe kudo në botë, është padyshim pozicioni i titullarit të një kompanie apo i njohur ndryshe si......
Huatë e reja për biznesin/ Rritet me 40% tregtia me shumicë dhe pakicë, 6.49 mld lekë për Qershorin
Muaji Qershor ka shënuar rritje në vlerën totale të huave të reja të dhëna nga bankat për financim në nivel koorporatash jofinanciare, veçanërisht për sektorin......
1 Euro sot, vlen sa 1 USD në 2017/ Monedha Europiane prek minimumin historik, këmbehet me 116.78 lekë
Monedha e përbashkët europiane e ka mbyllur muajin Korrik 2022 me një tjetër rekord historik. Të dhënat zyrtare të Bankës së Shqipërisë, sa i përket kursit të......
Lagjet periferike, "streha" e çifteve të reja/ Tiranë, "Kashari", "Fresku" dhe "Farka" me më shumë martesa, në lagjet e vjetra po zhduken kurorëzimet
Të dhënat demografike nga Bashkia e Tiranës të përpunuara nga “Scan Intel”, tregojnë se numri i martesave në Tiranë është rritur me 9.3%, krahasuar me vitin......
Familjet shqiptare kanë 58 miliardë euro prona/ Vlera, 3.2 herë më e lartë se ajo që e gjithë ekonomia prodhon në një vit
Një familje shqiptare vlerëson se mesatarisht, banesa kryesore ku jetojnë të gjithë anëtarët e njësisë familjare ka një vlerë prej rreth 5.9 milionë lekësh (të......
