Sa të huaj zgjodhën Shqipërinë për të jetuar? - Janë rreth 21 mijë me leje qëndrimi, ose 18.2% më shumë se në vitin 2022
Xhorxhina Deda/SCAN
Në fund të vitit 2023, numri i të huajve me leje qëndrimi në Shqipëri rezultoi 21,460 banorë, duke shënuar një rritje me 18.2%, krahasuar me një vit më parë. Vitet e fundit Shqipëria padyshim po përjeton zhvillime të rëndësishme sa i përket turizmit, por të huajt nuk e vizitojnë Shqipërinë vetëm në periudhat sezonale pasi një pjesë e tyre kërkojnë të jetojnë në vendin tonë. Sipas të dhënave të INSTAT, viti 2023 ka shënuar rekord të numrit të të huajve me leje qëndrimi.
Nga ana tjetër, numri i aplikimeve për leje qëndrimi në Shqipëri vetëm në vitin 2023 ishte 12,430 aplikime, duke shënuar një rritje me 22.7%, krahasuar me vitin 2022. Por nga cilat vende u paraqit numri më i lartë i kërkesave për leje në vitin që lamë pas? Sipas të dhënave, aplikimet sipas vendit të origjinës nga Kosova dhe Italia përbëjnë 28.5% të aplikimeve gjithsej në 2023. Pas Kosovës dhe Italisë ndjekin Turqia, Bangladeshi dhe Egjipti.
Në total, të huajt me origjinë nga Kosova, Italia dhe Turqia përbëjnë numrin më të madh të të huajve rezidentë në Shqipëri në vitin 2023, respektivisht me 3,712, 3,375 dhe 1,693 banorë.
“Scan Inel” ndër të tjera ka analizuar edhe shpërndarjen e aplikimeve për leje qëndrimi sipas qëllimit. Në vitin 2023 të huajt me leje qëndrimi për arsye punësimi zënë 48.3% të të huajve gjithsej, ndjekur nga arsyet për bashkim familjar me 22.2%, arsyet të tjera me 13.3%, arsyet për qëllime humanitare me 12.4% dhe arsyet për studime me 3.7%.
Të huajt me leje qëndrimi në Shqipëri me origjinë nga Italia, përveç arsyes për punësim me një peshë prej 49%, vihet re edhe një dominim i arsyes për studim me 17.7%. Të huajt me origjinë nga Kosova kryesohen nga arsyet për bashkim familjar me 43.5%. Të huajt me origjinë nga Turqia kryesohen nga arsyet për punësim me 71.1% dhe arsyet për bashkim familjar me 25.8%.
Por si ka qenë trendi i të huajve të parregullt në vendin tonë? Të huajt e parregullt të evidentuar në territorin e Shqipërisë ose në kufi, pa dokumentacionin e nevojshëm, rezultojnë 6,630 persona në 2023, duke shënuar rënie, krahasuar me një vit më parë. Viti 2020 regjistron numrin më të lartë të personave të parregullt në tetë vitet e fundit.
Sondazh
Kufiri 100 ml i lëngjeve do të rikthehet në të gjitha aeroportet e BE-së nga shtatori!
Edel Strazimiri / SCAN Kalimi përmes sigurisë së aeroportit mund të jetë një pjesë e lodhshme e procesit të udhëtimit ajror, por disa aeroporte......
Përgatitja për më të keqen? Banka qendrore polake bëhet blerësi më i madh i arit!
Edel Strazimiri / SCAN Banka Kombëtare e Polonisë (NBP), e njohur gjithashtu si Narodowy Bank Polski, u bë blerësi i përbashkët më i madh i arit midis......
Biometria dhe skanimi i fytyrës: Aeroporti i parë në botë pa dokumente mund të jetë gati në vitin 2025!
Edel Strazimiri / SCAN Udhëtarët në Aeroportin Ndërkombëtar Zayed të Abu Dhabi së shpejti mund të jenë në gjendje të përdorin njohjen e fytyrës për t'u......
CEO i ri i Starbucks do të shkojë në zyrë me avion - Zgjedhja e re e kompanisë ka sjellë reagime nga kritikët
Kristi Ceta/SCAN CEO i ri i Starbucks, Brian Niccol do të udhëtojë gati 1,600 km nga shtëpia e tij në Newport Beach, Kaliforni deri në selinë e......
Projekti i BE për eleminimin e karbonit - Objekti synon të largojë 100,000 ton CO2 në vit
Kristi Ceta/SCAN Projekti i parë në tokë për eleminimin e dioksidit të karbonit në Bashkimin Evropian do të realizohet nga ndërmarrjet e ruajtjes së......
Polonia lëshon satelitin e parë në hapësirë - Misioni u realizua për qëllime kërkimore dhe monitorimi
Kristi Ceta/SCAN Shkenca dhe teknologjia hapësinore polake arritën një moment historik me lëshimin e suksesshëm të satelitit EagleEye në orbitën e......
Zvicra, në grupin evropian të sigurisë kibernetike - Qeveria synon koordinim më të madh me partnerët
Kristi Ceta/SCAN Zvicra ka vendosur t'i bashkohet Organizatës Evropiane të Sigurisë Kibernetike (ECSO). Qeveria tha se ky vendim do të forconte......
63% e bizneseve gjobiten nga ankesat e punonjësve - Rritet numri i inspektimeve, infromaliteti vijon të jetë shqetësim
Elisabeta Dosku/ SCAN Bizneset në vend përballen me masa administrative nëse nuk respektojnë legjislacionin e punës në fuqi, kur ky fakt del na pah jo vetëm......
