Sa kursejnë familjet europiane? - Greqia dhe Polonia janë vendet që kursejnë më pak, ose thuajse asgjë
Kostoja e lartë e jetesës vazhdon të godasë familjet europiane. Në vitin 2022, familjet e Bashkimit Europian kursyen pothuajse një të tetën e të ardhurave të tyre të disponueshme, ose rreth 12.7%, një shumë më e vogël se sa kursyen në vitin 2021. Shumica e qytetarëve europianë kursejnë mbi të gjitha për “masë paraprake” dhe “për daljen në pension”.
Të ardhurat e disponueshme të familjes janë shuma që familjet kanë në dispozicion pas pagesës së taksave. Norma e kursimeve të familjeve përcaktohet nga Eurostat, zyra zyrtare e statistikave të BE-së, si kursimet bruto të familjeve të ndara me të ardhurat bruto të disponueshme.
Sipas Eurostat, në vitin 2022 norma bruto e kursimeve të familjeve varionte nga -4% në Greqi në 19.9% në Gjermani. Shtatë vende të BE-së kishin norma të kursimeve familjare mbi 15%. Gjermania pasohet nga Holanda me 19.4%, Luksemburgu 18.1% dhe Franca 17.1%. Këto vende kanë mundur të kursejnë më shumë sepse familjet kanë të ardhura më të larta të disponueshme.
Greqia -4% dhe Polonia -0.8% shënuan norma negative të kursimeve të familjeve. Kjo tregon se familjet në këto dy vende shpenzonin më shumë se të ardhurat bruto të disponueshme të familjeve të tyre. Këto të dhëna sugjerojnë se qytetarët kanë përdorur kursimet e akumuluara në periudhat e mëparshme ose kanë marrë kredi për të financuar shpenzimet e tyre. Dymbëdhjetë anëtarë të BE-së, përfshirë Greqinë dhe Poloninë, regjistruan norma kursimi nën 10% në 2022. Nuk ka një ndarje të fortë midis rajoneve të ndryshme të Europës. Vetëm tre vende baltike kanë norma më të ulëta, nën 5%.
Nëse studiohen shifrat dhe jo normat, kursimet bruto për frymë të familjeve në BE ishin 2.723 euro në 2022, me variacione nga -523 euro në Greqi në 8.136 euro në Luksemburg. Zvicra, një vend i EFTA-s, regjistroi kursimet më të larta të familjeve për frymë me 13.676 euro. Përveç Luksemburgut, kursimet e familjeve për frymë ishin mbi 4.000 euro në disa vende: Gjermani, Holandë, Austri, Suedi, Francë, Norvegji dhe Danimarkë.
Megjithatë, kursimet e familjeve ishin më pak se 1000 euro në shtatë vende anëtare të BE-së, ndër të cilat Greqia dhe Polonia shënuan vlera negative.
Duke parë dy dekadat e fundit, normat e kursimeve të familjeve në BE dhe eurozonë u rritën ndjeshëm gjatë pandemisë COVID-19, veçanërisht në 2020 dhe 2021. Shkalla e kursimit në BE mbeti relativisht e qëndrueshme midis 11.6% dhe 13.5% nga 2002 në 2019.
Një arsye pse kursimet janë rritur ndjeshëm gjatë krizës së COVID-19 është se disa mundësi për shpenzimet e konsumatorëve kanë qenë të kufizuara. Këto përfshijnë argëtimin dhe udhëtimin. Sipas Eurostat, ky fenomen ishte veçanërisht i dukshëm në vitin 2020.
Hulumtimet sugjerojnë gjithashtu se normat e kursimeve të familjeve mund të rriten gjatë kohërave të pasigurisë ekonomike, pasi familjet priren të kursejnë më shumë kur rreziku i humbjes së punës rritet, duke shtyrë shpenzimet për mallra dhe shërbime jo thelbësore.
Dorina Kurtaj /SCAN
Sondazh
21 euro një hot dog në Budapest! - Një nga tregjet më të famshme të Krishtlindjeve shokon me çmimet
Hungarezëve mund t'u duhet të heqin dorë nga ushqimi dhe pazari në tregun e Krishtlindjeve në zemër të kryeqytetit të tyre Në një natë të ftohtë dimri në......
Airbnb do të paguajë 567 milionë euro - Shuma, për të zgjidhur hetimin tatimor në Itali
Airbnb do të paguajë 576 milionë euro për të zgjidhur një mosmarrëveshje me autoritetet tatimore italiane që përfshin periudhën midis 2017 dhe......
Kushtet e vështira të motit - Balluku: OSSH ka ndërhyrë për riparimin e defekteve në rrjetin elektrik
Nëpërmjet një postimi te publikuar në faqen zyrtare ministrja e Energjisë dhe Infrastrukturës Belinda Balluku ka reaguar në lidhje me situatë e krijuar nga......
Kryeministri Rama takon Elon Musk në Romë: Do më pëlqente të vija në Shqipëri
Kryeministri Edi Rama, i cili mori pjesë në ditën e tretë të Festivalit të Politikës Atreju 2023, me ftesë të Kryeministres Meloni, u takua në Romë me......
Rama në Itali: I sigurt se marrëveshja e emigrantëve, nuk është antikushtetuese
Kryeministri Edi Rama ka komentuar marrëveshjen me Italinë për bashkëpunim në fushën e emigracionit duke e cilësuar atë si një marrëveshje të natyrshme.......
Ky kryeqytet europian është kurorëzuar si destinacioni më i mirë në botë!
Europa është shtëpia e 63 nga 100 destinacionet kryesore të qyteteve në botë, sipas një renditjeje të re. Indeksi i 100 destinacioneve kryesore të Euromonitor......
Çmimi i arit në nivele rekord/ Parashikimi i çmimit të arit për vitin 2024: Çfarë mendojnë ekspertët?
Çmimi i arit u ngjit mbi 2000 dollarë në fund të nëntorit me metalin e çmuar që arriti në 1,247 dollarë për ons në tregtinë e hershme të hënën më 27, dhe......
Finlanda, anëtarja më e re e NATO-s, nënshkruan marrëveshjen e mbrojtjes me SHBA-në!
Anëtari më i ri i NATO-s, Finlanda, ka njoftuar se do të nënshkruajë një marrëveshje dypalëshe të bashkëpunimit të mbrojtjes javën e ardhshme me Shtetet e......
