Sa është buxheti i lodrave për një fëmijë? - Mesatarisht rreth 100 euro në vit. Tregu vlen thuajse 50 milionë euro
1 Qershori, dita e fëmijëve, padiskutim që ka në qendër të saj lodrat, si dhurata më e dëshiruar për ata që festojnë. Por, sa lodra blejnë shqiptarët në një vit? “Scan Intel” ka bërë një përllogaritje të përafërt të vlerës së këtij tregu në vendin tonë, për të kuptuar jo vetëm përmasat e tregut, por sidomos shpenzimet për një fëmijë sa i përket lodrave si një prej njësive të argëtimit, pasi ka edhe shumë argëtime të tjera për fëmijët, të cilat kanë padiskutim kosto të tjera.
Duke qenë se lodrat në Shqipëri janë produkt importi, do t`i referohemi për këtë përllogaritje pikërisht shifrave të tregtisë së jashtme. Këto të fundit tregojnë në gjatë dy viteve të kaluara, 2021 dhe 2022 importi i lodrave në vlerë ka prekur nivele rekord maksimale. Madje, vitit 2021 regjistron rekordin më të lartë historik, prej 3.7 miliardë lekësh. Kjo shifër ka zbritur pranë 3.4 miliardë lekëve gjatë vitit të kaluar. Rekordi i vitit 2021 tregon se tendenca e rritjes së vlerës së lodrave të importuara në vendin tonë nuk është e shkaktuar nga rritja e çmimeve, por me shumë gjasa merr shtysë nga vëmendja e rritur për fëmijët me pandeminë.
Por, ndërkohë që për vitin e fundit importet e lodrave në vend kapin vlerën e 3.4 miliardë lekëve, sa vlejnë në treg këto lodra? Me një `markup`, pra diferencës së çmimit të shitjes me çmimin e importit pranë rreth 50%, siç shprehen aktorët e tregut, shifra totale ngjitet në 5.1 miliardë lekë. Kjo diferencë mes çmimit të blerjes në import dhe çmimit të shitjes nuk është e gjitha marzh fitimi, pasi mbulon edhe kostot, veçanërisht ato operative.
Pra, janë rreth 5.1 miliardë lekë lodra që blihen çdo vit në Shqipëri, ose rreth 47 milionë euro, sinjalizojnë shifrat. Ndërkohë, në Shqipëri, sipas Institutit të Statistikave ka rreth 461,726 fëmijë, pra të grupmoshës 0 deri në 14 vjeç. Nga një përllogaritje e thjeshtë rezulton se mesatarisht, një fëmijë shqiptar konsumon rreth 11 mijë lekë lodra në vit, ose rreth 918 lekë në muaj. Kjo përllogaritje bazohet mbi konceptin e mesatares, pasi ka fëmijë të cilët përfitojnë ndjeshëm më shumë lodra se sa kjo shifër, dhe fatkeqësisht ka fëmijë që përfitojnë më pak se kjo mesatare apo edhe aspak.
Nga ana tjetër, duhet theksuar se këto shifra i referohen kryesisht lodrave fizike, dhe nuk janë të përfshira ato kompjuterike, me të cilat “fatura” e lodrave dhe lojrave për një familje shqiptare do të ngjitej ndjeshëm mbi nivelin e 100 eurove në vit për një fëmijë, apo edhe argëtimeve të tjera si bicikleta, scooter, etj.
Roel Korkuti/SCAN
Sondazh
Rregulla të reja për certifikimin e agroturizmeve - Hiqet kriteri i dhomave, sa shtretër dhe ulëse duhet të kenë strukturat
Qeveria ka miratuar kriteret e reja për certifikimin e bizneseve agroturizëm në vendin tonë. Sipas vendimit të publikuar në Fletoren Zyrtare, që një......
Si po ndryshon industria e veshjeve dhe lëkurës? - Suedia mbështet sektorin për reduktimin e kostove dhe rritjen e qendrueshme
Qeveria suedeze prej vitesh mbështet bizneset shqiptare drejt një të ardhme më të qëndrueshme dhe më miqësore me mjedisin. Në konferencën dy ditore “Bussines......
Ligj i ri për huatë shtetërore të viteve ’90 e Pandemisë - Kompetenca të reja Agjencisë së Trajtimit të Kredive, sipas ligjit të falimentit dhe barrave
Ndërsa procesi i mbledhjes së kredive shtetërore të viteve 90’ nuk ka funksionuar, Qeveria po shfuqizon ligjin aktual, duke miratuar një ligj të ri i cili do......
Impiant diellor në digën e Zadejës - KESH hap tenderin 837.1 mln lekë për centralin me fuqi 8.25 MWp
Me një fond limit prej 837.1 mln lekë, Korporata Elektorenergjetike Shqiptare ka hapur tenderin për ndërtimin e impiantit fotovoltaike në Digën e Zadejës, që......
Tenderi 22 mln euro, për aksin e korridorit VIII - ARRSH shpall fitues bashkimin e 4 operatorëve
Autoriteti Rrugor Shqiptar ka shpallur fituesin e tenderit 22 mln euro për fazën e dytë të zgjerimit të rrugës Elbasan – Qafë Thanë, pjesë e korridorit......
BE, 72 milionë euro për Shqipërinë - Financimi është pjesë e Paketës së Mbështetjes së Energjisë
Bashkimi Europian i ka transferuar 72 milionë euro Qeverisë së Shqipërisë si pjesë e mbështetjes për të përballuar pasojat socio-ekonomike të krizës......
Dita Ndërkombëtare e Qumështit, Krifca: Forcojmë sektorin, këtë vit fitues të gjithë blegtorët aplikantë në Skemën e mbështetjes
Ministrja e Bujqësisë dhe Zhvillimit Rural, Frida Krifca tha sot se, blegtoria shqiptare është në proces të rëndësishëm ristrukturimi, ku fermat e vogla po ia......
Pse Kina po shpon një vrimë 10 mijë metra të thellë në Tokë?!
Shkencëtarët kinezë kanë filluar të shpojnë një vrimë 10 mijë,000 metra në koren e Tokës, ndërsa ekonomia e dytë më e madhe në botë eksploron kufij të rinj mbi......
