Rregulla të reja për certifikimin e agroturizmeve - Hiqet kriteri i dhomave, sa shtretër dhe ulëse duhet të kenë strukturat
Qeveria ka miratuar kriteret e reja për certifikimin e bizneseve agroturizëm në vendin tonë. Sipas vendimit të publikuar në Fletoren Zyrtare, që një sipërmarrje të certifikohet si agroturizëm, duhet që të zotërojë një fermë bujqësore ose blegtorale ose njësi agrikulturore dhe të ofrojë aktivitete argëtuese/edukative, shërbimin e ushqimit e pijes dhe akomodim.
Referuar vendimit, agroturizmi, si veprimtari, duhet të zhvillohet minimalisht në një nga një fermë bujqësore, e cila ka të paktën 1 ha tokë në pronësi ose përdorim, të mbjellë me kultura bujqësore; Njësi agrikulturore, e cila ka si aktivitet: përpunimin e produkteve bujqësore dhe të paktën 1 ha tokë të mbjellë me kultura bujqësore. Subjekti duhet të ketë edhe një ambient për përpunimin e produkteve bujqësore si: përpunimin e produkteve blegtorale dhe mbarështimin e të paktën 10 krerëve gjedhë ose 100 krerëve dele ose dhi ose 200 krerëve shpendë; akuakulturën, ku në këtë rast subjektet duhet të kenë në pronësi ose përdorim sipërfaqe ujore jo më të vogël se 3 mijë m2.
Subjekti duhet ta përdorë këtë sipërfaqe për kultivimin dhe rritjen e peshkut ose midhjes; bletërritjen dhe prodhimin e mjaltit, si dhe të ketë të paktën parkun e bletëve, me jo më pak se 50 zgjoje. Në këtë rast, subjekti duhet të ketë në pronësi ose përdorim një ambient për vendosjen e bletëve, si dhe për mbledhjen e prodhimin e nënprodukteve të mjaltit. Për subjektet që karakterizohen “bujtinë”, numri i krerëve gjedhë, dele si dhe i zgjojeve që duhet të disponojnë është i përgjysmuar.
Sipas vendimit, struktura/objekti akomodues, në funksion të agroturizmit, duhet të ofrojë një kapacitet akomodimi nga 6 deri në 60 shtretër, ndërsa më parë duhej të ofronte 6 deri në 30 dhoma. Po ashtu, ndërsa me vendimin e vjetër struktura/objekti ku ofrohet ushqim dhe pije duhej të dispononte 6 deri në 60 tavolina me këtë vendim, duhet të ketë 10 deri në 80 vende uljeje.
Subjektet e pajisura me “Certifikatë paraprake”, të cilat nuk kanë përfunduar ndërtimin e strukturës brenda afateve të miratuara nga komisioni vlerësues, duhet të paraqesin, brenda 60 ditëve nga dita e përfundimit të afatit, dokumentin që vërteton shtyrjen e afatit të lejes së ndërtimit, lëshuar nga autoriteti përgjegjës. “Certifikata paraprake” është e vlefshme për aq kohë sa është shtyrja e afatit të lejes së ndërtimit.
Në rast të kundërt, subjekti kthen në buxhetin e shtetit shumën e përfituar, sipas legjislacionit në fuqi, brenda 90 ditëve nga afati i përfundimit të “Certifikatës paraprake. Subjekteve që u ka përfunduar afati përpara hyrjes në fuqi të këtij vendimi, do të kenë afat 60 ditë për të dorëzuar dokumentin që vërteton shtyrjen e afatit të lejes së ndërtimit. Aktualisht në Shqipëri operojnë mbi 260 veprimtari agroturizmi dhe bujtina.
Elisabeta Dosku/ SCAN
Sondazh
Si po ndryshon industria e veshjeve dhe lëkurës? - Suedia mbështet sektorin për reduktimin e kostove dhe rritjen e qendrueshme
Qeveria suedeze prej vitesh mbështet bizneset shqiptare drejt një të ardhme më të qëndrueshme dhe më miqësore me mjedisin. Në konferencën dy ditore “Bussines......
Ligj i ri për huatë shtetërore të viteve ’90 e Pandemisë - Kompetenca të reja Agjencisë së Trajtimit të Kredive, sipas ligjit të falimentit dhe barrave
Ndërsa procesi i mbledhjes së kredive shtetërore të viteve 90’ nuk ka funksionuar, Qeveria po shfuqizon ligjin aktual, duke miratuar një ligj të ri i cili do......
Impiant diellor në digën e Zadejës - KESH hap tenderin 837.1 mln lekë për centralin me fuqi 8.25 MWp
Me një fond limit prej 837.1 mln lekë, Korporata Elektorenergjetike Shqiptare ka hapur tenderin për ndërtimin e impiantit fotovoltaike në Digën e Zadejës, që......
Tenderi 22 mln euro, për aksin e korridorit VIII - ARRSH shpall fitues bashkimin e 4 operatorëve
Autoriteti Rrugor Shqiptar ka shpallur fituesin e tenderit 22 mln euro për fazën e dytë të zgjerimit të rrugës Elbasan – Qafë Thanë, pjesë e korridorit......
BE, 72 milionë euro për Shqipërinë - Financimi është pjesë e Paketës së Mbështetjes së Energjisë
Bashkimi Europian i ka transferuar 72 milionë euro Qeverisë së Shqipërisë si pjesë e mbështetjes për të përballuar pasojat socio-ekonomike të krizës......
Dita Ndërkombëtare e Qumështit, Krifca: Forcojmë sektorin, këtë vit fitues të gjithë blegtorët aplikantë në Skemën e mbështetjes
Ministrja e Bujqësisë dhe Zhvillimit Rural, Frida Krifca tha sot se, blegtoria shqiptare është në proces të rëndësishëm ristrukturimi, ku fermat e vogla po ia......
Pse Kina po shpon një vrimë 10 mijë metra të thellë në Tokë?!
Shkencëtarët kinezë kanë filluar të shpojnë një vrimë 10 mijë,000 metra në koren e Tokës, ndërsa ekonomia e dytë më e madhe në botë eksploron kufij të rinj mbi......
Peticioni për bojkot të luleshtrydheve nga Gjermani ngjall zemërim në Spanjë!
Një thirrje nga një grup aktivist gjerman për të bojkotuar luleshtrydhet e rritura pranë një zonë të brishtë mjedisore në Spanjë tërhoqi kritika nga......
