Sa dhe si shpenzojmë për ushqime në muaj? - 167 euro për person. “Të fiksuar” me fruta-perime, mish, bulmet, ndryshe nga europianët
Ushqimi zë thuajse 40% të buxhetit të një familje shqiptare dhe është i barabartë me rreth 31% të asaj që prodhon ekonomia në një vit. Por, sa kushton dhe çfarë karakteristikash ka shporta ushqimore e një shqiptari sot? Eurostat në të dhënat më të fundit mbi konsumin e familjeve në Europë jep një panoramë të përgjithshme mbi këtë. “Scan Intel” i ka analizuar dhe përpunuar shifrat për t`i dhënë përgjigje pikërisht kësaj pyetje.
Mesatarisht, një shqiptar shpenzon në vit rreth 2002 euro ushqime. Në një muaj kjo shifër përkthehet në rreth 167 euro dhe për familje në rreth 620 euro në muaj. Bazuar në të dhënat më të fundit mbi pagën mesatare në Shqipëri, prej rreth 53 mijë lekësh në muaj neto, atëherë, duhet 1 pagë e plotë dhe një e treta e një page tjetër në familje për të mbuluar shpenzimet mujore për ushqim.
Për të pasur një shportë dhe listë shpenzimesh më të qartë për ushqim të një shqiptari, shifrat e Eurostat po i ilustrojmë në vlera mujore.
Kështu, nga kjo përllogaritje rezulton se zëri me më shumë peshë në shpenzimet e një shqiptari apo familje shqiptare në muaj për ushqim është ai i fruta-perimeve. Për konsumin e këtyre të fundit Shqipëria rezultonte gjithashtu vendi i dytë në Europë për shpenzim në vlerë dhe i pari në Europë për konsum në sasi (shiko këtu). Për fruta-perime një shqiptar shpenzon mesatarisht rreth 64 euro në muaj. Ky shpenzim përfaqëson 38% të totalit të 166.8 eurove që është buxheti personal mujor për ushqim. Pra, më shumë se një e treta e buxhetit për ushqim shkon për fruta-perime. Në vend të dytë ndjek mishi, me 19% të totalit, ose rreth 32 euro në muaj. Bulmeti ndjek në vend të tretë, me rreth 16%, ose 27 euro në muaj. Këto tre produkte, pra fruta-perime, mish dhe bulmet përfaqësojnë thuajse ¾-tën e buxhetit tonë mujor për ushqime, sipas të dhënave të Eurostat mbi konsumin. Më pas në renditje ndjek “buka dhe drithërat”, me rreth 14% të totalit, çka do të thotë se 1 në 7 lekë që shpenzojmë për ushqim, në fakt është bukë. Me 5% të buxhetit mujor për ushqim ndjekin “vaji dhe yndyrnat”. Renditjen e mbyll peshku, me vetëm 6 euro për frymë në muaj, ose 3.6% të totalit.
Por ku ndryshon shporta ushqimore mujore e një europiani me atë të një shqiptari? Në vendet e Bashkimit Europian, shpenzimi më i lartë mujor, me 23.2% të totalit është për mishin, dhe në vend të dytë ndjekin fruta-perimet, me 22.8% të totalit. Edhe vendi i tretë dhe i katërt kanë një shkëmbim pozicionesh krahasuar me Shqipërinë, pasi europianët shpenzojnë më shumë për bukë sesa për produkte bulmeti. Për vaj dhe yndryna dedikojnë më pak buxhet se ne dhe po ashtu për peshk, thuajse dyfishin e shqiptarëve. Nga shifrat vihet re se tryeza e europianëve është më e larmishme se e shqiptarëve pasi e kanë më të diversifikuar. Nga ana tjetër, diferencat në shpenzim mes një shqiptari dhe një europani për t`u ushqyer nuk janë aspak të mëdha, pasi ndërkohë që një shqiptar shpenzon rreth 2 mijë euro në vit për ushqime, një europian shpenzon rreth 2300 euro.
Roel Korkuti/SCAN
Sondazh
Mitsotakis, fokusi në ekonomi pas fitores - Të gjitha sfidat me të cilat do të përballet qeveria e re
Mitsotakis do të fokusohet në ekonominë e vendit pas fitores vendimtare në zgjedhjet e së dielës. Tregjet mbështeten tashmë pas perspektivës së një mandati......
Pse duhet të përdorim më pak GPS?
Gati për një udhëtim të këndshëm me GPS? Megjithatë, nuk thuhet saktësisht se varësia nga një navigator është një zakon i mirë, sepse duke lëvizur në mënyrë të......
Fitorja e konservatorëve në Greqi - Çfarë nënkupton kjo për vendin?
Partia konservatore Demokracia e Re e Greqisë arriti të fitojë në zgjedhjet parlamentare me votuesit që i dhanë reformistit Kyriakos Mitsotakis një mandat......
Pse Bitcoin është rritur me 12% këtë muaj edhe pse pothuajse askush nuk po e tregton atë?!
Bitcoin është rritur ndjeshëm këtë muaj, por jo për arsye që mund të mendoni. Monedha dixhitale më e madhe në botë është rritur më shumë se 12% që nga fillimi......
Parashikimi i OPEC: Kërkesa për naftë do të arrijë në 110 milionë fuçi në ditë në vitin 2045!
Kërkesa globale për naftë do të rritet në 110 milionë fuçi në ditë në rreth 20 vjet, duke e rritur kërkesën botërore për energji me 23%, tha të hënën......
Raporti i OKB-së: Më shumë njerëz po marrin drogë aktualisht në mbarë botën sesa 10 vite më parë!
Gjithnjë e më shumë njerëz po marrin drogë në mbarë botën. Kjo rezultoi sipas një raporti të Kombeve të Bashkuara që thotë se numri i atyre që injektojnë......
Kush është Yevgeny Prigozhin dhe grupi Wagner? - Çfarë duhet të dini për kompaninë ushtarake private ruse
Për vite me radhë, ajo u mbulua me fshehtësi, më pas me turp. Tani, ndërsa një luftë e dukshme për pushtet sjell konfuzion dhe pretendime për një kryengritje......
Eurozonë, ngadalësim i mprehtë i rritjes së kreditimit - Gjermania, vendi që regjistron situatën më kritike
Normat e larta të interesit do të ruajnë një kufi mbi ritmin e huadhënies bankare në Europë këtë vit dhe vitin e ardhshëm, me një ngadalësim të veçantë të......
