“Komisioni i Venecias, thelbësor për reformën në drejtësi” - Rama: Kontribut historik që na ndihmoi të ruajmë “busullën” e orientimit
Komisioni i Venecias ka luajtur një rol thelbësor për realizimin e reformës në drejtësi dhe përmirësimin e Kodit Zgjedhor. I pranishëm në Konferencën "30 vite partneritet dhe progres: Shqipëria, Këshilli i Europës dhe Komisioni i Venecias”, Kryeministri Rama theksoi se Komisioni ka qenë një udhërrëfyes i rëndësishëm për të mos humbur busullën e orientimit drejt anëtarësimit në Bashkimin Europian.
“Sot Komisioni i Venecias ka në bilancin e vet edhe kontributin e paçmuar për Kushtetutën e parë të shtetit demokratik shqiptar, asaj të vitit 1998. Dhe po ashtu, ka në bilancin e vet edhe një sërë ndërhyrjesh të rëndësishme në procese ku mendimi i Komisionit ka luajtur rol vendimtar për kahjen e procesit. Ka në bilanc dy kontribute kyçe për historinë e re ende e zhvillimeve demokratike në Shqipëri, kontributet për Kodin Zgjedhor, të cilat kanë mbështetur thelbësisht përmirësimin e këtij Kodi dhe kanë forcuar garancinë e standarteve demokratike dhe nga ana tjetër kontributin historik për reformën më të thellë dhe të vështirë që ka bërë Shqipëria, reformën në drejtësi, ku komisioni ka qenë bashkëudhëtar i pandarë, udhërrëfyes si gjithmonë i matur dhe autoritet që na ka ndihmuar të ruajmë busullën dhe të orientohemi në drejtimin e duhur”.
Ndërsa ish kreu i Komisionit të Venecias theksoi se është shumë e rëndësishme që Shqipëria të vazhdojë të përparojë në zbatimin e tre parimeve të Këshillit të Europës, për një anëtarësim të plotë në BE.
“Bashkëpunimi me Komisionin e Venecias synon të zbatojë tre parimet kryesore të Këshillit të Europës : demokracia, të drejtat e njeriut, sundimi i ligjit. Ne duhet të vazhdojmë të sigurojmë një përputhje të demokracisë shqiptare me këto parime. Shqipëria mund dhe duhet të përparojë për të mirën e popullit të saj dhe për një integrim të plotë në familjen europiane”.
Me rastin e 35 vjetorit të Komisionit të Venecias dhe 30 vjetorit të anëtarësimit të Shqipërisë në Këshillin e Europës, u zhvillua në Tiranë konferenca jubilare, me pjesëmarrjen e përfaqësuesve të lartë të qeverisë, drejtësisë, institucioneve të pavarura dhe partnerëve ndërkombëtarë.
Nga financat e institucionit, tek pirateria televizive - AMA raporton në komisionet parlamentare veprimtarinë e 2024-ës
Autoriteti i Mediave Autovizive ka raportuar në Komisionin për të Drejtat e Njeriut dhe Mjetet e Informimit Publik dhe Komisionin për Nismat Qytetare,......
Shtrëngohet kreditimi për individët - Nisin efektet e kufizimeve të vendosura në korrik të këtij viti nga Banka e Shqipërisë
Bankat tregtare kanë hezituar t'i japin kredi qytetarëve gjatë tremujorit të tretë të vitit. Sipas vrojtimit të aktivitetit kreditues të Bankës së......
KFC në Shqipëri bëhet pjesë e KAN, grupit më të madh ballkanik të KFC
KAN, me seli në Kosovë, lider rajonal në industrinë e restoranteve me shërbim të shpejtë (QSR), shpall zyrtarisht marrjen e pronësisë së rrjetit KFC në......
Cilat janë hapat e regjistrimit të bizneseve të huaja? - Shqipëria, me procedura të shpejta dhe taksa të ulëta!
Pak ditë më parë, në Tiranë u zhvillua forumi më i madh i investimeve Shqipëri-Turqi, ndërsa nuk munguan thirrjet që investitorët e huaj të investojnë në......
“Të gjithë shqiptarët me mjet identifikimi digjital” - Kryeministri Rama: Do të nisë në fillim të vitit 2026. Jemi përpara BE-së
Qeveria ka prezantuar projektin e Identitetit Digjital, një nismë që synon të transformojë mënyrën se si qytetarët ndërveprojnë me institucionet publike,......
Rajoni, bashkëpunim kundër punës informale - Shqipëria, Mali i Zi dhe Maqedonia e Veriut në mbrojtje të punëtorëve migrantë
Shqipëria, Mali i Zi dhe Maqedonia e Veriut, nënshkruan një memorandum mirëkuptimi, midis tre inspektoriateve të punës të vendeve përkatëse. Ku fokusi i......
Shqiptarët “nuk i ndahen” kafesë - Vendosin rekord të ri, 7 mijë ton “shërbehen” vetëm në 9 muaj
Kafeja dhe duhani bën pjesë në rutinën e përditshme të shqiptarëve, pasi lokalet prej vitesh janë kthyer jo vetëm në vende bisedash, por edhe në një......
Bilanci i FSHU, 306 mln lekë fitim - Rezultat pozitiv për 8-mujorin, ndikim rritja e konsumit të energjisë dhe efikasiteti operativ
Furnizuesi i Shërbimit Universal, pjesë e OSHEE Group e ka mbyllur periudhën janar–gusht 2025 me performancë financiare pozitive, duke tejkaluar planin......
