Rikthehen investimet e huaja në pasuritë e paluajtshme - Prill-Qershor, shtohen flukset nga Italia, Greqia e Gjermania. Bien ndjeshëm nga Turqia
Pas një rënie të ndjeshme në tremujorin e parë të vitit, investimet e huaja direkte kanë shënuar rritje gjatë periudhës prill-qershor, ndërkohë sektori i ndërtimit ka thithur një pjesë të konsiderueshme të tyre. Për tremujorin e dytë të këtij viti, fluksi i investimeve të huaja direkte raportohet nga Banka e Shqipërisë në vlerën 378.59 milionë euro. Në tremujorin e parë të vitit ato ishin në total 307.29, me një shtesë prej më shumë se 70 milionë eurosh për tre muajt e dytë të vitit. Gjithsesi, vlerat mbeten më të ulëta se në tremujorin e fundit të vitit 2022, kur raporti total ishte 388.27 milionë lekë.
Fluksi i investimeve të huaja në aktivitetin e pasurive të paluajtshme është edhe përgjegjësi kryesor për këtë rritje. Banka e Shqipërisë raporton se nga 48.81 milionë euro në tremujorin e parë, invesimet e huaja direkte në këtë sektor kanë “kërcyer” në 78.15 milionë euro për tremujorin e dytë. Ndërkaq, po sipas Bankës së Shqipërisë, flukset shumë të larta të investimeve të huaja direkte në tregun e pasurive të paluajtshme janë aktualisht edhe një prej faktorëve të nënçmimit të monedhës europianë. Megjithëse në rënie krahasuar me tremujorët e mëparshëm, e lartë mbetet pesha e industrisë nxjerrëse.
Janë investuar nga jashtë në këtë industri 64.62 milionë euro, nga 68.33 milionë në tremujorin e mëpardshëm. Sektori i tregtisë me shumicë dhe me pakicë; riparimi i automjeteve dhe motorcikletave është gjithashtu në rritje të dukshme krahasuar me tremujorët parardhës. Në fund të priudhës prill-qershor, flukset e investimeve të huaja në këtë sektor janë ngjitur në 44.09 milionë euro, nga 28.51 milionë në tremujorin e parë të vitit, dhe 28.26 miloinë në tremujorin e fundit të vitit të shkuar.
Në rënie fluksi i investimeve rezulton edhe në grupin Energjia elektrike, gazi, dhe furnizimi me ujë. Nga 41.76 milionë në tremujorin e fundit të vitit 2022, flukset e tyre kanë rënë përkatësisht në 34.68 milionë euro dhe 33.06 milionë euro në tremujorët e parë dhe të dytë të 2023.
Sa i përket vendeve të origjinës nga ato kanë ardhur, bie në sy rritje e fortë e fukseve nga Italia. Nga 43.21 milionë euro në tremujorin e parë, investimet nga ky shtet janë rritur në 66.41 milionë në të dytin. Në rritje fukset rezultojnë edhe nga Holanda, e cila edhe dominon këtë tregues. Nga 60.45 milionë euro në tremujorin e parë, investimet nga ky shtet, janë rritur në 64.88 milionë euro në të dytin.
Ndërkohë që në rënie të ndjeshme mbeten këtë tremujor investimet nga Turqia, një tjetër partner me të cilën vendi ynë mban lidhje të forta ekonomike. Nga 35.01 milionë euro në tremujorin e parë të këtij viti fluksi ka rënë në 33.06 në të dytin. Greqia është tjetër vend me rritje të dukshme të flukseve, nga 3.65 milionë në tremujorin e parë, në 12.98 në të dytin. Shifrat mbeten shumë të ulëta krahasuar me tremujorin e fundit të vitit të shkuar, kur fluksi i investimeve direkte nga ky vend kalonte 60 milionë euro. Rritje të moderuar nga shënuar flukset e investimeve nga Gjermania dhe Austria.
Lorenc Rabeta/SCAN
Sondazh
Mjalti, deri në 3 mijë lekë/kg? - Prodhim i dobët, bletërritësit përballen me shumë pengesa
Ky vit duket se nuk është i mbarë për prodhimin e mjaltit në vend duke bërë hapa pas në progresin e bërë deri më tani. Kushtet klimaterike kanë bërë që në disa......
Shpenzohen 34 mln euro për blerjen e energjisë - Faturë e “zbutur” për vitin 2023, KESH finalizon 2 tenderë për shtatorin
Brenda pak ditësh Korporata Elektroenergjetike Shqiptare ka përmbyllur 2 tenderë për blerjen e energjisë, teksa vlera e shpenzuar arrin në rreth 10 mln euro.......
Ku shkuan produktet “Made in Albania’ në gusht? - Italia dhe Kosova, destinacionet kryesore. Mbretëria e Bashkuar, me rritjen më të lartë
Sipas INSTAT vlera e eksporteve në muajin Gusht të viti 2023 arriti në 27 miliardë lekë duke shënuar një rënie prej 22% për shkak të nënçmimit të euros, por......
Pse tensioni në Kosovë mbetet ende i lartë? - Reuters analizon zhvillimet e fundit në vend
Sulmet e ndodhura në një manastir në veri të Kosovës kanë tërhequr vëmendjen mbi problemet e vazhdueshme në vend, 15 vjet pasi Prishtina shpalli pavarësinë. E......
Mete pret Ministrin e Deleguar Francez të Tregtisë dhe përfaqësues të bizneseve franceze!
Ministri i Financave dhe Ekonomisë, Ervin Mete, priti në një takim zyrtar Ministrin e Deleguar përgjegjës për Tregtinë e Jashtme, Atraktivitetin dhe Francezët......
Vlerësimi i Standard&Poor’s për Shqipërinë – Mete: Tregues i progresit dhe trendit pozitiv të ekonomisë
Agjencia e vlerësimit Standard & Poor’s rishikoi në rritje perspektivën për Shqipërinë, nga e qëndrueshme në perspektivë pozitive, duke konfirmuar vlerësimin......
Ky vend ka më shumë restorante në listën e 'më të mirëve në botë'!
Nuk do të ishit larg nëse do ta mendonit Italinë ose Francën si vendin me më shumë nga restorantet "50 më të mirët në botë" të këtij viti se çdo tjetër. Por......
Humbjet e kartave të kreditit po rriten me ritmin më të shpejtë në pothuajse 30 vjet!
Kompanitë e kartave të kreditit po grumbullojnë humbje me ritmin më të shpejtë në pothuajse 30 vjet, jashtë krizës së madhe financiare, sipas Goldman......
