Remitancat, sa 10% e ekonomisë shqiptare/ KNOMAD: $1.8 mld në vit nga emigrantët, kryesojnë dërgesat nga Italia, Greqia, SHBA
Partneriteti Global për Migrimin dhe Zhvillimin, i njohur ndrsyhe si “KNOMAD” është ndër organet që fokusohet më së shumti te statistikat e migrimit, dhe veçanërisht remitancat, si një komponent mjaft i rëndësishëm i fenomeve migratore. Ky organ funskionon si një grup pune i Bankës Botërore dhe bashkëpunon edhe me institucione të tjera, si FMN apo OKB sa i përket të dhënave. Por, çfarë thonë të dhënat më të fundit të KNOMAD për remitancat në Shqipëri?
“Scan Intel” i ka analizuar me detaje shifrat, të cilat flasin për 1.8 miliardë dollarë dërgesa nga emigrantët në Shqipëri gjatë vitit të kaluar, sipas një vlerësimi paraprak, dhe rreth 1.7 miliardë dollarë për vitin 2021. Kjo shifër është ndjeshëm më e lartë se ajo që raporton Banka e Shqipërisë, për shkak të ndryshimeve në mënyrën se si përkufizohen remitancat. Por, gjithsesi, në të dyja rastet, nuk përfshihen kanalet jo-zyrtare të transferimit të parave. Rreth 1.8 miliardë dollarë dërgesa nga emigrantët në një vit në Shqipëri përkthehen në plot 9.9% të Prodhimit të Brendshëm Bruto të vendit tonë për vitin 2022. Kjo shifër na pozicionon ndër vendet e para në Europë dhe botë sa i përket peshës që kanë dërgesat e emigrantëve në ekonomi. Më saktësisht, nga përpunimii të dhënave rezulton se Shqipëria renditet e 30-ta në botë, ndër 172 shtete sa i përket peshës së remitancave në ekonomi. Krahasuar me Europën, rezulton se vetëm Armenia, me një normë pranë 18.9%, Kosova me 17.3%, Gjeorgjia, Moldavia, Mali i Zi, Ukraina dhe Bosnje Hercegovina kanë një varësi më të lartë se Shqipëria nga dërgesat e emigrantëve, mes vendeve të Europës.
Por, nga vijnë këto dërgesa? Shifra e “KNOMAD” tregojnë se në total janë 54 shtete nga të cilat kanë ardhur dërgesa në formë remitancash për vitin 2021 si të plotë. Por, vetëm 6 prej tyre zënë mbi 90% të totalit. Në vend të parë renditet Italia, me 646 milionë dollarë, ose 37.7% të totalit, dhe ndiqet nga Greqia, me 542 milionë dollarë, ose 31.6% të totalit. Shtetet e Bashkuara të Amerikës ndjekin në vend të 3-të, me 130 milionë dollarë në vit, ose 7.6% të totalit. Ndjek më pas në renditje Gjermania me 120 milionë dollarë, Maqedonia e Veriut, me 77 milionë dollarë, Mbretëria e Bashkuar me 53 milionë dollarë, Franca me 44 milionë, Kanadaja me 21.5 milionë, Belgjika me 17 milionë dhe Suedia me 11.6 milionë. Kosta Rika, Lihtenshteini dhe Bolivia janë tre vendet e fundit të listës, mes atyre që regjistrojnë dërgesa, por me vlera thuajse të papërfillshme.
Sondazh
Inflacioni, në rënie për të 6-tin muaj/ Zbret pranë 4.6%, por ushqimet vijojnë të shtrenjtohen me ritme dyshifrore
Inflacioni regjistron një tjetër rënie për prillin, duke zbritur pranë 4.6%, tregojnë shifrat më të fundit nga Instituti i Statistikave. Prilli është muaji i......
Sa para dërgojnë shqiptarët jashtë? Mbi $50 milionë në vit. Italia dhe Greqia `presin` 87% të totalit, SHBA e 3-ta
Remitancat janë padiskutim një prej burimeve më të rëndësishme të të ardhurave për familjet shqiptare, dhe gjatë vitit të kaluar kanë prekur një rekord të ri......
BSH bleu 283 kg ar në mars/ Ari monetar arrin në 3.1 ton, ose 208 milionë dollarë. Rezerva valutore, në $5.46 mld
Për herë të parë në thuajse 1 vit, Banka e Shqipërisë ka blerë ar monetar në kuadër të rezervës valutore. Kështu, volumi i arit në posedim të Bankës së......
Vlora, me rritjen më të madhe të kreditimit/ Huaja për individë rritet në çdo qytet, me përjashtim të Elbasanit
Referuar të dhënave të publikuara nga Banka e Shqipërisë për “Huatë për individët sipas rrethit dhe qëllimit të përdorimit”, në tremujorin e parë, në total......
Profili i një “punëtori” në Shqipëri/ Është mashkull, 25-54 vjeç, me 54 mijë lekë pagë, pa arsim të lartë dhe punon në bujqësi ose në sektorin e shërbimeve
“Scan Intel” ashtu siç ka bërë më parë, me profilin e një shqiptari mesatar, me “profilin e një familje shqiptare”, një të riu apo me profilin e një emigranti,......
Çmimet normalizojnë shifrat e transportit/ Rreth 13.5% më shumë mallra përmes detit, me rritje pasagjerët dhe fluturimet
Rënia e nivelit të çmimeve duket se ka stabilizuar tregtinë e jashtme. Këtë e konfirmojnë shifrat e transportit të publikuara nga “Instituti i Statstikave”.......
Më pak vepra penale në 2022/ Në rënie me 4.8%, por "Shpërdorimi i detyrës", shënoi rritjen më të lartë me 44.8%
Veprat penale kanë rënë me 4.8% në vitin 2022, krahasuar me një vit më parë, tregojnë të dhënat e “Institutit të Statistikave” mbi statistikat e krimeve dhe......
Fatura paraprake e “kolapsit” të euros/ Forcimi i lekut “dogji” në pak muaj 30 miliardë lekë, mes depozitave dhe remitancave
Kursi i këmbimit mes euros dhe monedhës vendase ka pësuar padiskutim luhatje të ndjeshme gjatë muajve të fundit. Rënia drastike e euros ka nisur që prej vitit......
