Pensionet ushqimore, prindërit nuk përmbushin detyrimet - Në 60% të rasteve, fëmijët nuk përfitojnë nga pagesa ushqimore e divorcit
Detyrimi ushqimor është një ndër detyrimet kryesore të çdo prindi ndaj fëmijës së tij, i cili ekziston jo vetëm gjatë martesës, por i shtrin efektet ligjore edhe pas zgjidhjes së saj. Referuar raportit më të fundit të Avokatit të Popullit mbi pensionet ushqimore, ky detyrim nuk përmbushet nga pjesa më e madhe e prindërve në momentin që divorcohen.
Statistikat tregojnë që të paktën 25% e rasteve ku kërkohet zgjidhja e martesës janë familje në strukturë të të cilave ka edhe fëmijë, ku rrjedhimisht kërkohet detyrimi ushqimor.
Nga këto, 60% e vendimeve gjyqësore për pagesën e pensionit ushqimor kanë probleme me zbatimin. Pra, shumë fëmijë nuk përfitojnë nga kjo pagesë, sepse prindi debitor mund të jetë emigrant dhe nuk është realizuar ende zbatimi i vendimit nga organet kompetente, mund të jetë i punësuar në mënyrë informale dhe nuk deklaron të ardhura, si dhe raste të tjera.
Legjislacioni shqiptar nuk parashikon një shumë fikse, për të treguar se sa do të jetë detyrimi për ushqim i prindit në plotësim të nevojave të fëmijës së tij, por kjo është lënë në dorë të gjykatës. Gjithashtu, legjislacioni ynë nuk mundëson kompensimin e detyrimit ushqimor nga shteti dhe vendosjen e marrëdhënies debi-kredi, midis prindit që detyrohet dhe shtetit.
Vlera e pensionit ushqimor llogaritet duke marrë parasysh gjendjen ekonomike të të dy prindërve, si dhe moshën dhe nevojat materiale të fëmijës për mirërritje dhe edukim. Megjithatë, në shumicën e rasteve masa e pensionit e përcaktuar nga gjykata është e pamjaftueshme për sigurimin e jetesës së fëmijës. Nëse vlera e minimumit jetik do të ishte e përcaktuar me ligj, ajo do të ndikonte në rritjen e vlerës së detyrimit ushqimor dhe rrjedhimisht në përmirësimin e cilësisë dhe standartit të jetesës së fëmijëve.
Pensioni ushqimor synon të plotësojë nevojat jetësore të fëmijës, i cili nuk ka kapacitete dhe aftësi ligjore për të punuar, deri në moshën kur ai bëhet i aftë për punë. Detyrimet financiare të prindërve që nuk kanë paguar pensionin ushqimor ndaj fëmijëve, janë të kërkueshme derisa fëmija të mbushë moshën 18 vjeç dhe në rast të kryerjes së studimeve universitare deri në përfundimin e tyre. Ky përcaktim ligjor i vendos prindërit që nuk paguajnë detyrimin ushqimor në cilësinë e debitorit.
Ledina Elezi/SCAN
Sondazh
Rritje pagash me 4% për britanikët - Sipas analistëve, duhet rritur njëkohësisht edhe produktiviteti
Punëdhënësit britanikë pritet të rrisin pagat me 4% gjatë 12 muajve të ardhshëm, një normë e ngjashme me tre muaj më parë. Kjo sipas një sonazhi të industrisë......
Bankat e mëdha kanë financuar lëndët djegëse fosile me afro 7 trilion dollarë!
Bankat e mëdha kanë financuar lëndët djegëse fosile me afro 7 trilion dollarë (6.5 trilionë euro) që nga Marrëveshja e Parisit, sipas zbulimeve të një raport i......
Pse euro mund të vazhdojë të dobësohet kundrejt dollarit amerikan?
Euro, që shërben si monedhë zyrtare për 20 anëtarë të Bashkimit Europian, ka pësuar një zhvlerësim të dukshëm kundrejt dollarit amerikan, duke rënë rreth 2.2%......
Gjermania kufizon tërheqjet cash dhe transfertat ndërkombëtare për emigrantët!
Rregulli i ri u jep emigrantëve një kartë përfitimi për përdorim lokal, duke kufizuar tërheqjet e parave dhe duke ndaluar transfertat ndërkombëtare. Një kartë......
Mete: Plan për rritjen e kreditimit, mbështetje për sektorët e ekonomisë që kanë më shumë nevojë!
Ministri i Financave, Ervin Mete, ka deklaruar se Shqipëria ndodhet në një pozicion të favorshëm për të rritur ambicjen e zgjerimit të aksesit në financë dhe......
OpenAI lançon modelin e ri të Inteligjencës Artificiale - Risitë edhe për versionin desktop të ChatGPT
Krijuesi i ChatGPT, OpenAI, njoftoi lançimin e një modeli të ri të Inteligjencës Artificiale të quajtur GPT-4o, i aftë për biseda realiste me zë dhe në gjendje......
Nikeli dhe kobalti, në qendër të investimeve - Projekt 300 milionë euro për zhvillimin e rafinerive në Francë
Qeveria franceze promovoi një plan të sektorit privat për të zhvilluar një rafineri të nikelit dhe kobaltit pranë qytetit Bordo’ për të përforcuar zinxhirin e......
“Zgjidhni Francën” regjistron rekord - Nisma e Macron siguron 15 miliardë euro nga investitorët e huaj
Franca ka arritur të sigurojë një rekord prej 15 miliardë euro që investitorët e huaj synojnë të investojnë në vend, që nga inteligjenca artificiale, te......
