Pagesat me sistemin AIPS kursejnë 22 Mln Euro - Mbi 200 mijë transaksione në total, u transferuan më shumë se 3.2 miliardë euro
Sistemi i pagesave brenda vendit në euro po rezulton një prej zhvillimeve më të rëndësishme të tregut financiar në vitet e fundit. Vetëm gjatë këtij viti, sistemi i njohur gjerësisht si AIPS, ka bërë të mundur transferimin e një volumi masiv pagesash prej më shumë se 3 miliardë euro, duke u kursyer bizneseve dhe individëve më shumë se 22 milionë euro në 11 muajt e këtij viti.
Sistemi AIPS u vu në funksion që vitin e shkuar dhe mundësoi për herë të parë kryerjen e pagesave në euro brenda sistemit bankar shqiptar pa tarifa shtesë nga bankat mëmë. Më herët, transfertat kombëtare në Euro bëheshin vetëm nëpërmjet përdorimit të llogarive që bankat shqiptare kanë në banka korrespondente jashtë vendit.
Transfertat drejtoheshin të bankat mëmë, të cilat kryenin edhe veprimet me kosto shumë të larta, të cilat shkonin deri në 200-300 euro për çdo transaksion, ndërkohë që vonesa në kohë ishte një problem më vete. Vetëm gjatë vitit të shkuar u kursyen rreth 10 milionë euro kosto në formën e transfertave mes bankave korrespondente, ndërkohë që shifra prej 22 milionë eurosh e raportuar nga Banka e Shqipërisë pritet të shtohet edhe më tej, duke parë se dhjetori është muaj mjaft i ngarkuar me transaksione.
Transaksionet bankare në euro përmes sistemit AIPS kanë shënuar një rekord të ri gjatë vitit 2023. Scan dispononon të dhënat e përditësuara për periudhën janar-tetor të këtij viti, prej të cilave rezulton se janë kryer mbi 200 mijë pagesa përmes të cilave është kryer një volum transaksionesh prej 3.2 miliardë euro.
Për vitin 2022, vlera totale e transaksioneve për 12 muajt së bashku ishte 3.3 miliardë eurosh. Shifër që pritet të kalohet këtë vit, duke qenë se dy muajt e fundit të vitit përkojnë edhe me festat, të cilat shoqërohen me volume të larta transaksionesh.
Ndërkohë që dukshëm këtë vit, përveç volumit të transaksioneve të kryera përmes sistemit AIPS, vërehet edhe rritje e numrit të tyre. Viti i shkuar u mbyll me një total prej 153,972, ndërkohë që për periudhën janar-tetor të vitit 2023, kemi 200,537 transaksione. Ka qenë muaji tetor ai që ka shënuar volumin më të madh të transaksioneve në monedhën e përbashkët evropiane, për një total prej 24,354 euro.
Lorenc Rabeta/SCAN
Sondazh
Beteja për mineralet e rralla është e vështirë - Problemet në Australi e SHBA dhe përparësia e Kinës
Një strukturë e re e prodhimit të magneteve të mineraleve të rralla po planifikohet në qytetin estonez Narva në kufi me Rusinë. Prodhimi pritet të nisë në......
Smogu, Shkupi një qytet i pajetueshëm - Maqedonia e Veriut, me nivele alarmante të ndotjes së ajrit
Niveli i shikueshmërisë është i ulët në Shkup pasi smogu i dendur mbulon kryeqytetin e Maqedonisë së Veriut, që vazhdon të vlerësohet si një nga qytetet më të......
Transformimi i ujërave të ndotur në të pijshëm - Kalifornia miraton rregulloren për nisjen e procesit
Në një moment historik për krijimin e një burimi të ri të madh të ujit të pijshëm, Kalifornia ka miratuar standardet e saj të para për transformimin e ujërave......
“Rikthimi i trurit” në Itali - Risitë për ata që vendosin të kthehen në vendlindje
Lehtësimi nga taksat për punëtorët që kthehen në Itali nga jashtë me fëmijë, rritet nga 50% në 60%. Kjo parashikohet nga dekreti legjislativ për tatimet......
Gjermania blen 50 miliardë euro gaz nga Norvegjia - 10 miliardë metër kub çdo vit, duke filluar nga 1 janari 2024
Gjermania siguroi 1/3 e nevojave të saj për gaz natyror përmes marrëveshjes së nënshkruar nga kompania gjermane e energjisë ‘Sefe’ me kompaninë e gazit natyror......
BE, rregulla të reja për tregtimin e mjaltit - Një listë me udhëzime për të dalluar mjaltin e falsifikuar
Parlamenti Europian miratoi Direktivën e Mjaltit, që synon të parandalojë shitjen e mjaltit me sheqer të shtuar në tregun e BE-së. Direktiva u miratua pasi u......
Çmimet e produkteve bujqësore në BE, më të lira - Rënia reflektoi kontraste të forta midis produkteve individuale
Çmimet në sektorin e bujqësisë në BE-së si për prodhimet ashtu edhe për inputet që nuk lidhen me investimet ranë në tremujorin e tretë të 2023, duke konfirmuar......
Forcohen sërish valutat kryesore!
Dollari amerikan është blerë sot me 94 lekë dhe është shitur me 95 lekë duke regjistruar rritje nga dita e djeshme sipas kursit të këmbimit lokal. Monedha......
