Në Shqipëri martesa mbetet e “shenjtë”/ Divorcet, nën mesataren europiane, raporti shkurorëzim/kurorëzim, ndër më të ultit në Europë
Të dhënat më të fundit të disponueshme nga Eurostat për martesat tregojnë se Shqipëria mban vendin e dytë më të lartë të martesave për vitin 2020 në Europë me 6,2 të tilla për 1000 banorë, pas Hungarisë, me 6,9 martesa për 1000 banorë. Nëse i referohemi vitit 2019, Shqipëria mban vendin e tretë në Europë, me 7,9 martesa për 1000 banorë, pas Kosovës, me 9,8 martesa, dhe Qipros me 8,9 të tilla. Në të njëjtën kohë, shkalla e shkurorëzimit për periudhën 2019-2020 është ulur nga 2,1 për 1,000 banorë në 2019-ën, në 1,5 në 2020-ën. Kosova regjistron shkallën më të ulët të divorceve në raport me popullsinë, me 0,5 të tilla për 1 mijë banorë, sipas të dhënave të vitit 2019. Vendi ynë figuron si i 13-ti në Europë ndër 34 shtete, për normën më të ulët të divorceve në raport me popullsinë. Mesatarja europiane ndërkohë fiksohet në 1,7 divorce për 1 mijë banorë.
Nëse bëjmë një raport të thjeshtë se ç’pjesë e çifteve të martuara, divorcohen, për vitin 2020 Shqipëria renditet e 4-ta me raportin më të vogël, pas Maqedonisë së Veriut, Hungarisë dhe Maltës. Kjo normë në vendin tonë fiksohet në 24%. Thënë më thjeshtë, ndër 4 kurora që lidhen në Shqipëri, 1 prej tyre shpërbëhet. Në rastin e Kosovës, kjo normë fiksohet në vetëm 5%, pra vetëm 1 në 20 martesa, por me të dhënat që i referohen vitit 2019. Raporti i divorceve me martesat tregon një vlerë vetëm të përafërt, duke qenë se dy treguesit jo domosdoshmërisht i referohen të njëjtit vit, pasi në përgjithësi, divorcet reflektojnë kurorëzimet e viteve të kalauara.
Që nga viti 1964, shkalla e martesës në vendet e BE ka rënë nga 8,0 për 1,000 banorë në 1964, në 3,2 në 2020-ën. Në të njëjtën kohë, shkalla e divorcit është dyfishuar, duke u rritur nga 0,8 për 1,000 banorë në 1964, në 1,6 në 2020-ën. Rënia e martesave lidhet ngushtë edhe me tregues demografik dhe kryesisht plakjen e popullsisë, por edhe me faktorë të ndryshëm social. Shtetet me numrin më të madh të martesave në raport me popullsinë janë Hungaria, me 6,9 martesa për 1000 persona, Letonia me 5,6, dhe Lituania me 5,5. Ndërkohë që normat më të ulëta të martesave raportohen në Itali me 1,6, Portugali me 1,8, Spanjë dhe Irlandë, të dyja me 1,9 martesa për 1 mijë banorë.
Në vitin 2020, ndër shtetet anëtare të BE-së, numri më i ulët i divorceve në raport me popullsinë u regjistrua në Maltë, 0,5 divorce për 1000 banorë, e ndjekur nga Sllovenia me 0,8. Nga krahu i kundërt, normat më të larta të divorcit u regjistruan në Letoni, Lituani dhe Danimarkë me 2,7 divorce për 1000 banorë, Suedi me 2,5 dhe Finlandë me 2,4.
Pavarësisht treguesve dhe trendeve botërore referuar numrit të martesave dhe divorceve gjithmonë e në përkeqësim, duket se për shqiptarët e Shqipërisë dhe të Kosovës, të paktën krahasuar me vendet e tjera të rajonit dhe kontinentit të vjetër, martesa vijon të ketë trajtën e një institucioni.
Sondazh
Komisioni Europian “zhvlerëson” Shqipërinë/ Rritja ekonomike këtë vit, vetëm 2.7%. Energjia mban nën “presion” projeksionet
Komisioni Europian është institucioni i radhës që ka shkurtuar projeksionet për rritjen ekonomike të Shqipërisë këtë vit, si pasojë e efekteve që ka shkaktuar......
6 në 10 familje nuk kursejnë dot/ Vetëm 38% munden, me kursimet që shkojnë për pleqërinë dhe edukimin e fëmijëve
Thuajse 6 në 10 familje shqiptare nuk mund të kursejnë, tregojnë të dhënat më të fundit nga një vrojtim i Bankës së Shqipërisë, por që i referohet periudhës......
"Tkurren" diplomat e "shkencave ekzakte"/ Me rënie paraqiten edhe artet, "bum" diplomimesh në bujqësi dhe shëndetësi
Të dhënat e Institutit të Statistikave mbi statistikat e diplomimeve, tregojnë për një rënie të numrit të të diplomuarve gjatë vitit shkollor 2020-21. Gjatë......
“Sallameria”, një industri 100 mln euro/ Analiza dhe renditja e 20 kompanive, 7.6 mln euro fitime në total
“Scan Intelligence Unit” ka nisur një cikël analizash mbi tregje të caktuara në vend, për të kuptuar se çfarë peshe kanë në treg industri të caktuara, sa të......
Fillimviti më i vështirë prej 1998-ës/ Rritja e çmimeve në 4 muajt e parë, më e larta në 24 vite. Transporti zëvendëson ushqimet
“Scan Intelligence Unit” ka analizuar vlerat historike të indeksit të çmimeve të konsumit sipas publikimeve zyrtare të INSTAT për periudhën Prill 1996-Prill......
Kreditë me probleme, tjetër rënie në mars/ Pranë 5.24%, muaji i 14-të me radhë me ulje
Të dhënat më të fundit nga Banka e Shqipërisë tregojnë një rënie të mëtejshme të nivelit të kredive me probleme gjatë marsit të këtij viti, pranë 5.24%, nga......
Sa i kushtojnë ushqimet familjeve shqiptare? Rritja e çmimeve ka "fshirë" 7.7% të buxhetit familjar, të varfërit janë goditur 4 herë më shumë se të pasurit
Një familje shqiptare shpenzon në muaj, mesatarisht 28.293 lekë vetëm për ushqime, tregon një vrojtim i publikuar së fundmi nga Banka e Shqipërisë mbi pasurinë......
Rritja e çmimit të banesave, efekt i tregut/ BSH: Dyfishohet kërkesa në Tiranë, duke rritur çmimet me 9% në 2021-shin
Banka e Shqipërisë në raportin e stabilitetit financiar për 6-mujorin e dytë të vitit të kaluar nënvizon se, çmimet e banesave të shitura kanë qenë 8.4% më të......
