Komisioni Europian “zhvlerëson” Shqipërinë/ Rritja ekonomike këtë vit, vetëm 2.7%. Energjia mban nën “presion” projeksionet
Komisioni Europian është institucioni i radhës që ka shkurtuar projeksionet për rritjen ekonomike të Shqipërisë këtë vit, si pasojë e efekteve që ka shkaktuar lufta në Ukrainë. Kështu, në projeksionet e sapo publikuara për vendet e unionit dhe për ato kandidate, Shqipëria parashikohet të rritet me një normë prej 2.7% këtë vit. Ndërkohë, më herët Komisioni Europian e projektonte rritjen ekonomike të vendit tonë pranë 3.7% këtë vit, çka sinjalizon një shkurtim me 1 pikë. Pra, sipas vlerësimeve të Komisionit Europian, impakti paraprak i luftës i kushton Shqipërisë rreth 1% të Prodhimit të Brendshëm Bruto. Gjithsesi, mes reshtave, në kapitullin dedikuar vendit tonë, Komisioni Europian thekson se këto projeksionet janë subjekt i rreziqeve të tjera, sidomos sa i përket energjetikës. Sa i përket vitit të ardhshëm ndërkohë, rritja ekonomike projektohet në 3.1%
“Ky parashikim është subjekt i rreziqeve për poshtë, që lidhen kryesisht me impaktin e tejzgjatjes së çmimeve të rritura të energjisë, kombinuar me një prodhim të ulët të energjisë hidrike brenda vendit, rrjedhojë e reshjeve të dobëta. Në një skenar të tillë, fatura e importit të energjisë elektrike të Shqipërisë do të rritej ndjeshëm, dhe mund të zgjerojë defiçitin tregtar, mbingarkojë buxhetin. I cili deri më tani ka mbuluar hendekun e krijuar nga çmimet e importit”-thotë mes reshtave Komisioni Europian.
Sa i përket punësimit, Komisioni Europian projekton rritjes pagash por edhe rritje të punësimit në tërësi, rrjedhojë e mungesave në tregun e punës.
Ndërkohë, shifrat duken shqetësuese sa i përket konsumit. Gjatë vitit të kaluar, kërkesa e brendshme vlerësohet të ketë kontribuar me 9 pikë përqindje në rritjen e Prodhimit të Brendshëm Bruto të vendit, ndërkohë që këtë vit, ky kontribut parashikohet në vetëm 2.5%. Norma e inflacionit ndërkohë projektohet pranë rreth 5% këtë vit. Nga ana tjetër, Komisioni Europian vlerëson se presionet inflacioniste të importuara do t`i lënë vendin presioneve të brendshme inflacioniste vitin e ardhshëm.
Sa i përket turizmit, një prej shtyllave kryesore të ekonomisë sonë, pritet të vijojë të jetë një mbështetje në termat e rritjes.
Krahasuar me vendet kandidate ndërkohë, sa i përket termave të rritjes ekonomike, sipas projeksioneve më të fundit të Komisionit Europian, Shqipëria rezulton të jetë vendi me rritjen më të ulët, pas Turqisë. Ndërkohë, projeksionet për Serbinë, Maqedoninë e Veriut dhe Malin e Zi janë më të larta.
Sondazh
6 në 10 familje nuk kursejnë dot/ Vetëm 38% munden, me kursimet që shkojnë për pleqërinë dhe edukimin e fëmijëve
Thuajse 6 në 10 familje shqiptare nuk mund të kursejnë, tregojnë të dhënat më të fundit nga një vrojtim i Bankës së Shqipërisë, por që i referohet periudhës......
"Tkurren" diplomat e "shkencave ekzakte"/ Me rënie paraqiten edhe artet, "bum" diplomimesh në bujqësi dhe shëndetësi
Të dhënat e Institutit të Statistikave mbi statistikat e diplomimeve, tregojnë për një rënie të numrit të të diplomuarve gjatë vitit shkollor 2020-21. Gjatë......
“Sallameria”, një industri 100 mln euro/ Analiza dhe renditja e 20 kompanive, 7.6 mln euro fitime në total
“Scan Intelligence Unit” ka nisur një cikël analizash mbi tregje të caktuara në vend, për të kuptuar se çfarë peshe kanë në treg industri të caktuara, sa të......
Fillimviti më i vështirë prej 1998-ës/ Rritja e çmimeve në 4 muajt e parë, më e larta në 24 vite. Transporti zëvendëson ushqimet
“Scan Intelligence Unit” ka analizuar vlerat historike të indeksit të çmimeve të konsumit sipas publikimeve zyrtare të INSTAT për periudhën Prill 1996-Prill......
Kreditë me probleme, tjetër rënie në mars/ Pranë 5.24%, muaji i 14-të me radhë me ulje
Të dhënat më të fundit nga Banka e Shqipërisë tregojnë një rënie të mëtejshme të nivelit të kredive me probleme gjatë marsit të këtij viti, pranë 5.24%, nga......
Sa i kushtojnë ushqimet familjeve shqiptare? Rritja e çmimeve ka "fshirë" 7.7% të buxhetit familjar, të varfërit janë goditur 4 herë më shumë se të pasurit
Një familje shqiptare shpenzon në muaj, mesatarisht 28.293 lekë vetëm për ushqime, tregon një vrojtim i publikuar së fundmi nga Banka e Shqipërisë mbi pasurinë......
Rritja e çmimit të banesave, efekt i tregut/ BSH: Dyfishohet kërkesa në Tiranë, duke rritur çmimet me 9% në 2021-shin
Banka e Shqipërisë në raportin e stabilitetit financiar për 6-mujorin e dytë të vitit të kaluar nënvizon se, çmimet e banesave të shitura kanë qenë 8.4% më të......
Mbi 40% e të punësuarve, “punë krahu”/ Industria përpunuese dhe ndërtimi kryesojnë tregun e punës në Shqipëri
Thuajse një në pesë të punësuar në vendin tonë punon në industrinë përpunuese. Vrojtimi më i fundit i Bankës së Shqipërisë tregon kështu se 19% e të punësuarve......
