Fillimviti më i vështirë prej 1998-ës/ Rritja e çmimeve në 4 muajt e parë, më e larta në 24 vite. Transporti zëvendëson ushqimet
“Scan Intelligence Unit” ka analizuar vlerat historike të indeksit të çmimeve të konsumit sipas publikimeve zyrtare të INSTAT për periudhën Prill 1996-Prill 2022, për të kuptuar se në çfarë nivelesh është rritja e çmimeve në vendin tonë 4 muajt e parë të këtij viti, krahasuar me 4 muajt e parë të viteve të mëparshme.
Sipas analizës ndër vite, vihet re se ky fillimviti duket të jetë më i vështiri në më shumë se dy dekada, të paktën sa i përket çmimeve të konsumit. Më konkretisht, ky ndryshim në nivelin e çmimeve të konsumit, nuk është parë në vendin tonë që prej vitit 1998. Nëse ndjekim të njëjtën linjë krahasimore dhe marrim si periudhë reference muajt Prill-Dhjetor 1996-2022, rritja e çmimeve këtë vit rezulton pranë vlerës 5.8%. Në fillimvitin e 1998-ës, çmimet rriteshin me një hap prej 8.3%.
Nëse do t`i referohemi indeksit të çmimeve të konsumit sipas grupeve kryesore, për periudhën Dhjetor 2007- Prill 2022, pra që prej kohës kur të dhënat sipas grupeve dhe nëngrupeve janë publike, bie dukshëm në sy një vlerë në rritje për kategoritë: Transport, Ushqime dhe pije joalkolike, Pije alkolike dhe duhan. Madje, për herë të parë që prej vitit 2011, transporti rezulton në një rritje më të madhe të çmimeve në 4 muajt e parë të vitit se sa kategoria e ushqimeve.
Nëse analizojmë situatën historike të 15 viteve të fundit referuar nëngrupeve kryesore, përkatësisht nga viti 2007-2022 sipas variablave dhe muajve, vihet re një shtrenjtim në disa nga nënkategoritë e produkteve. Kështu, nga analiza e të dhënave rezulton se, që prej vitit 2007, kur të dhënat sipas grupeve janë publike, “buka dhe drithërat” këtë fillimvit janë shtrenjtuar me 11%, si asnjëherë më parë, ndërkohë që mesatarja historike e 4 muajve të parë të vitit ndër vitet e kaluara fiksohet pranë vetëm 1%; “qumësht, djathë, vezë” këtë 4 mujor të parë të vitit janë shtrenjtuar me 14%, si asnjëherë më parë, ndërkohë që mesatarja historike fiksohet në 0%, çka do të thotë se, mesatarisht që prej vitit 2007, këto produkte nuk kanë pësuar luhatje të çmimeve deri në muajin prill; “vajrat dhe yndyrnat” janë shtrenjtuar me 17%, gjithashtu rekord, kundrejt një mesatare historike në vetëm 1% rritje për 4 muajt e parë të vitit; “kafe, çaj, kakao” 5% më të shtrenjta, nga 1% që është mesatarja historike 2007-2021; “transporti” 14% më i shtrenjtë, nga 1% që është mesatarja historike; “servisi i mjeteve motorike” 17% më i shtrenjtë, nga 1% që është mesatarja.
Ndërkohë që rritja e çmimeve është efekt i një krize globale, amortizimi i kësaj krize në vendin tonë nëpërmjet politikave ka qenë thuajse minimal.
Sondazh
Kreditë me probleme, tjetër rënie në mars/ Pranë 5.24%, muaji i 14-të me radhë me ulje
Të dhënat më të fundit nga Banka e Shqipërisë tregojnë një rënie të mëtejshme të nivelit të kredive me probleme gjatë marsit të këtij viti, pranë 5.24%, nga......
Sa i kushtojnë ushqimet familjeve shqiptare? Rritja e çmimeve ka "fshirë" 7.7% të buxhetit familjar, të varfërit janë goditur 4 herë më shumë se të pasurit
Një familje shqiptare shpenzon në muaj, mesatarisht 28.293 lekë vetëm për ushqime, tregon një vrojtim i publikuar së fundmi nga Banka e Shqipërisë mbi pasurinë......
Rritja e çmimit të banesave, efekt i tregut/ BSH: Dyfishohet kërkesa në Tiranë, duke rritur çmimet me 9% në 2021-shin
Banka e Shqipërisë në raportin e stabilitetit financiar për 6-mujorin e dytë të vitit të kaluar nënvizon se, çmimet e banesave të shitura kanë qenë 8.4% më të......
Mbi 40% e të punësuarve, “punë krahu”/ Industria përpunuese dhe ndërtimi kryesojnë tregun e punës në Shqipëri
Thuajse një në pesë të punësuar në vendin tonë punon në industrinë përpunuese. Vrojtimi më i fundit i Bankës së Shqipërisë tregon kështu se 19% e të punësuarve......
60% e familjeve jetojnë me vetëm 327 euro në muaj/ Të ardhurat mujore të 20% më të pasur, 1555 euro në muaj
Të ardhurat mesatare vjetore të një familje shqiptare fiksohen në 961,379 në vit, çka përkthehet në rreth 7,900 euro. Në muaj, mesatarja e të ardhurave të një......
Pandemia, Shqipëria qendrore si Lombardia/ 2.7 vite jetë të humbura për qendrën e Shqipërisë, ndër 5 rajonet më të goditura në Europë
“Agjencia Europiane e Statistikave” në publikimin më të fundit mbi jetëgjatësinë në lindje sipas rajoneve të Europës, tregon se Shqipëria është ndër vendet më......
Marsi "tkurr" depozitat e shqiptarëve/ Bien për të dytin muaj me radhë, por vetëm në lek, rritje e ndjeshme për ato në euro
Depozitat në sektorin bankar janë regjistriar në rënie për të dytin muaj me radhë gjatë marsit, tregojnë shifrat zyrtare nga Banka e Shqipërisë, të përpunuara......
Krizë?! Rekord kredie për blerje banese në mars, 4.9 miliardë lekë, si asnjëherë më parë
Sektori bankar ka dhënë rreth 28.1 miliardë lekë kredi të re gjatë marsit, tregojnë shifrat më të fundit nga Banka e Shqipërisë. Kjo shifër është më e larta që......
