Ndryshon planifikimi i rezervave materiale të shtetit - Pr/ligji, përgjigje ndaj “tkurrjes” së popullsisë dhe rrezikut nga fatkeqësitë natyrore
Planifikimi i rezervave materiale të shtetit do të bëhet përmes një Plani Strategjik Afatmesëm dhe një Plani Vjetor. Ministria e Mbrojtjes ka nxjerrë për konsultim publik projektligjin që synon rishikimin e legjislacionit aktual për rezervat materiale të shtetit, ku dy dokumentet bazë të planifikimit janë një risi në organizim.
Sasia e rezervave materiale të shtetit përcaktohet në përputhje me numrin e popullsisë. Duke qenë se popullsia e Shqipërisë është tkurrur ndjeshëm që prej vitit 2008 kur është miratuar ligji, shihet si i domosdoshëm riorganizimi i infrastrukturës së rezervës materiale të shtetit sipas një plani strategjik afatmesëm dhe plani vjetor konkret pune të analizuar mbi menaxhimin e mallrave, plotësimin e nevojave nisur nga ndryshimet e numrit të popullsisë, lëvizjeve demografike dhe riskun e fatkeqësive të ndryshme.
Plani Strategjik Afatmesëm përmban listën emërore të artikujve të ndryshëm ushqimorë, industrialë, mjete logjistike, karburante, sasinë minimale dhe maksimale të mallrave, si dhe politikat afatmesme për blerjen dhe shitjen e mallrave rezervë të shtetit. Ndërkohë që përveç këtyre, plani vjetor përfshin edhe burimet e financimit, shpërndarjen territoriale të rezervave materiale të shtetit, koston për ruajtjen e mallit rezervë shteti nga operatorët ekonomikë, medikamentet dhe pajisjet mjekësore, e të tjera.
Ky akt i përgjigjet nevojës për qartësimin e pozicionit të rezervës materiale të shtetit në funksion të mbrojtjes së qytetarit, por edhe përshtatjen me ndryshimet e fundit ligjore në mbrojtjen civile.
Rezervat Materiale të Shtetit krijohen për të ndërhyrë, në mënyrë operative, për mbrojtjen e popullsisë dhe ekonomisë së vendit, në situata të gjendjes së jashtëzakonshme, gjendjes së emergjencës civile, luftës apo veprimeve terroriste, të cilat sjellin dëme të menjëhershme e të rënda për jetën, për shëndetin e popullatës dhe të gjësë së gjallë, pasurinë, trashëgiminë kulturore, apo mjedisin.
Ledina Elezi/SCAN
Sondazh
Bashkitë “furnizohen” me taksat e ndërtimit dhe turizmit - 5-mujori, mbledhin 56 milionë euro më shumë se 2023-shi
61 bashkitë në vend janë “hedhur në sulm” duke rritur në mënyrë të konsiderueshme të ardhurat e tyre përgjatë këtij viti. Të dhënat zyrtare nga Ministria e......
Rritje e përgjithshme në tregun valutor – Forcohen valutat kryesore
Monedha europiane duket se ka rikuperuar pikë nga dita e djeshme edhe pse vijon të qëndrojë nën 100 lekë duke u blerë sot me 99.9 lekë dhe duke u shitur me......
Tregtia e lirë mes Serbisë dhe Kinës - Marrëveshja hyn në fuqi në datën 1 korrik
Marrëveshja e Tregtisë së Lirë ndërmjet Serbisë dhe Kinës hyn në fuqi më 1 korrik dhe pritet ti vendosë kompanitë serbe në një pozicion shumë më të mirë në......
5 qytetet më të shtrenjta në botë për emigrantët - Jetesa bëhet gjithnjë e më e papërballueshme në Azi dhe Europë
Për shumë njerëz, mendimi për të lëvizur anembanë globit për punë është emocionues dhe tronditës. Të qenit emigrant vjen me një sërë sfidash unike, por vitet e......
Vlera e tregut, Nvidia lë pas Microsoft - Aktualisht, kompania publike më me vlerë në botë
Nvidia, e njohur prej kohësh në komunitetin e lojërave për çipat e saj grafikë, aktualisht është kompania publike më me vlerë në botë. Aksionet e prodhuesit të......
Finlanda, vendi i parë në BE që nxjerr uranium - Objektivi, prodhim 200 ton në vit deri në 2026
Vendi i parë që do të nxjerrë uranium në Bashkimin Europian është Finlanda. Lajmi u konfirmua nga kompania finlandeze e minierave dhe kimikateve Terrafame në......
Milionerët braktisin Britaninë e Madhe - Arsyeja kryesore, situata politike në vend
Një numër rekord milionerësh pritet të largohen nga Mbretëria e Bashkuar këtë vit, sipas hulumtimeve të reja, me zgjedhjet e përgjithshme të këtij viti që......
Ekskluzive/ Balluku: Infrastruktura rrugore në një transformim të thellë. Datat dhe ora kur dorëzohen projektet e mëdha të vitit 2024
https://youtu.be/D5_mHH59o2Q?si=Tf9UqSCQnAvMVYfG Shqipëria është kthyer në një kantier të madh punimesh për veprat e infrastrukturës. Në një intervistë të......
