Ndryshojnë kriteret për certifikimin e turizmit detar - Lehtësohen procedurat për operatorët që ofrojnë aktivitete lundrimi
Qeveria ka ndryshuar disa nga kriteret për certifikimin e operatorëve të turizmit detar, duke lehtësuar këtë proces. Bëhet fjalë për të gjitha subjektet që ofrojnë aktivitete lundrimi për qëllime turistike dhe çdo lloj veprimtarie të ngjashme, të cilët kanë detyrim ligjor të certifikohen.
Kështu, referuar udhëzimit të ri të botuar në Fletoren Zyrtare, kërkesa me dokumentacionin përkatës për tu pajisur me certifikatë, nuk depozitohet më dorazi pranë Ministrisë së Turizmi tdhe Mjedisit, por do të depozitohet online, nëpërmjet portalit qeveritar “e-Albania” dhe shqyrtohet nga Komisioni i Standardizimit të Veprimtarive Turistike. Nga ana tjetër, është reduktuar koha për shqyrtimin dhe kthimin e përgjigjes nga strukturat përgjegjëse.
Konkretisht, Komisioni, brenda 10 ditëve pune nga data e aplikimit dhe ngarkimit të dokumentacionit në portalin qeveritar “e- Albania”, nis shqyrtimin e kërkesës. Sipas udhëzimit, në qoftë se kërkesa e subjektit për pajisjen me certifikatë nuk është në përputhje me përcaktimet ligjore, Komisioni, brenda 5 ditëve pune nga data e shqyrtimit të kërkesës, njofton aplikuesin nëpërmjet portalit qeveritar “e-Albania, për plotësimin e dokumentacionit ose korrigjimin e pasaktësive dhe i cakton atij një afat prej 7 ditë pune për paraqitjen e dokumentacionit përkatës kërkesës”.
Udhëzimi përcakton se “Në përfundim të procesit të shqyrtimit, Komisioni i Standardizimit merr vendim për lëshimin ose jo të certifikatës “Operator i turizmit detar”. Vendimi i njoftohet kërkuesit nëpërmjet portalit qeveritar “e -Albania brenda 5 ditë pune nga data e marrjes së vendimit.
Në rastet kur komisioni refuzon kërkesën për pajisje me certifikatë, vendimi duhet të jetë i arsyetuar”. Për çdo ndryshim të të dhënave të operatorit të turizmit detar, subjekti është i detyruar, nëpërmjet portalit qeveritar e-Albania, të informojë ministrinë përgjegjëse për turizmin. Për pajisjen me certifikatë, nevojiten të dhëna të detajuara mbi përfaqësuesin ligjor dhe subjektin.
Elisabeta Dosku/ SCAN
Sondazh
Gati dy tenderë të rinj për korridorin VIII - Elbasan-Qafë Thanë/ Fondi limit, 5 mld lekë për lotet 3 dhe 4
Autoriteti Rrugor Shqiptar parashikon të zhvillojë 2 tenderë të tjerë për zgjerimin e rrugës Elbasan – Qafë Thanë, pjesë e korridorit VIII. Procedurat do të......
Yieldet e bonove stabilizohen pranë 3% - Interesat e letrave me vlerë të qeverisë, përsëri shumë të ulëta në shtator
Bonot e thesarit me afat maturimi 12-mujor kanë mbetur edhe këtë javë të fundit të shtatorit në nivele shumë të ulëta, fare pranë normës bazë të interesit të......
Ministrat e Ekonomisë të Procesit të Berlinit: Integrimi ekonomik shtysë drejt paqes në rajon
Ministrat e Ekonomisë të Procesit të Berlinit, përfaqësues të Bashkimit Evropian dhe partnerë të tjerë në Procesin e Berlinit u takuan më 26 shtator 2023 në......
Ekonomia e Shqipërisë, rritje 2,5% këtë vit - BERZH lë të pandryshuar parashikimin. Sektori i turizmin jep kontributin kryesor
Banka Europiane për Rindërtim dhe Zhvillim (BERZH) në publikimin e saj më të fundit ka lënë ta pandryshuar, ashtu si në publikimin e majit, rritjen e ekonomisë......
Autoriteti Portual Durrës: Rritet me 5% numri i pasagjerëve për periudhën Janar –Gusht 2023 krahasuar me një vit më parë
Nëpërmjet një njoftimi publik Autoriteti Portual Durrës ka bërë me dije se përgjatë 8 muajve të fundit nëpërmjet Portit të Durrësit kanë udhëtuar 622,188......
Inovacioni, Shqipëria fiton një pozicion - Përmirësohemi edhe në pikëzim, por dështojmë sa i përket kapitaleve njerëzore dhe kërkimore
Indeksi Global i Inovacionit për vitin 2023 i publikuar së fundmi nga “Organizata Botërore e Pronësisë Intelektuale” e pozicionon Shqipërinë në vend të 83 mes......
Turqia do të mbështesë ofertën e Suedisë në NATO nëse SHBA mban premtimin për shitjen e F-16!
Parlamenti i Turqisë do të mbajë premtimin e tij për të ratifikuar ofertën e Suedisë në NATO, nëse administrata e presidentit të SHBA Joe Biden hap rrugën për......
Maqedonia e Veriut përfundon termocentralin më të madh diellor në Ballkanin Perëndimor – Do të mbulojë rreth 30 mijë familje me energji
Ballkani Perëndimor është i ngadalshëm në vendosjen e energjisë diellore, por lista e njësive fotovoltaike të shkallës së shërbimeve po bëhet gradualisht më e......
