Miratohet marrëveshja me Zvicrën, Koçiu: Shtrirje e shërbimit shëndetësor në banesë për të pamundurit në mbarë vendin!
Ministrja e Shëndetësisë dhe Mbrojtjes Sociale, Albana Koçiu në një deklaratë për shtyp pas mbledhjes së Këshillit të Ministrave deklaroi sot miratimin e marrëveshjes së bashkëpunimit trevjeçar me Zvicrën e cila pritet të ketë një ndikim të jashtëzakonshëm në përmirësimin e shërbimit shëndetësor parësor.
“Përmes projektit HAB “Shëndetësi për të gjithë“, që do të përfundojë në vitin 2027, qeveria shqiptare dhe MSHMS do të kenë mundësi të përfitojnë nga protokolle pune dhe standarde të miratuara tashmë dhe që shërbejnë për të ngritur në një nivel më të lartë bashkëpunimin dhe shërbimin shëndetësor në të gjitha qendrat shëndetësore në vend”, u shpreh Koçiu.
Falë fazës së parë të bashkëpunimit, vijoi ajo, ne kemi mundësuar që në plot 31 qendra shëndetësore të ofrojmë shërbim në banesë për të pamundurit, invalidët apo të moshuarit, të cilët nuk lëvizin dot nga banesa e tyre dhe kanë nevojë për një shërbim të dedikuar shëndetësor.
“Përmes kësaj marrëveshjeje do të vijojmë të shtrijmë këtë shërbim shëndetësor në të gjitha qendrat shëndetësore në mbarë vendin”, tha Koçiu.
Sipas ministres falë bashkëpunimit me qeverinë e Zvicrës, do të jetë e mundur të përftojmë protokolle të dedikuara për kujdes të thelluar edhe për shërbimet e shëndetit mendor.
Ajo më tej bëri të ditur se do të krijohen hapësira të posaçme në të gjitha qendrat shëndetësore, duke trajnuar dhe kualifikuar edhe mjekët e familjes, infermierët dhe këdo shërbim shëndetësor, në qendra shëndetësore, për të ofruar shërbime të specializuara për të gjithë ata që kanë nevojë të trajtohen për çrregullime të shëndetit mendor.
“E rëndësishme gjithashtu është të theksoj se shërbimi shëndetësor do të jetë ofruar në mënyrë të posaçme edhe për gratë, fëmijët të moshuarit apo të sëmurët kronik duke bërë të mundur zbatimin e një vizioni të konsoliduar të qeverisë shqiptare për të përmirësuar shërbimit që ofrohen pranë banesës për të rritur mbulimin universal shëndetësor dhe ndërkohë nga ana tjetër të mund të ofrojmë shërbime shëndetësore në portën e parë hyrëse për këdo qytetar që kanë nevojë për një shërbim të tillë“, deklaroi Koçiu.
E . S /SCAN
Sondazh
Ndërtimi i HEC Skavica - KESH kërkon konsulencë të jashtme financiare. Hap procedurën
Korporata Elektroenergjetike Shqiptare po kërkon konsulencë të jashtme financiare për projektin e hidrocentralit të Skavicës. Përmes një procedure të shpallur......
“Pensionet e ulëta, jo më pak se 20 mijë lekë” - Eksperti argumenton ndërhyrjet në skemën e pensioneve, paqartësi me vitet e punës
Jo indeksim i unifikuar për pensionet, sikundër ka ndodhur në këto 10 vite, por një rritje e diferencuar bazuar në masën e përfitimit. Është ky një prej......
Dollari bie lehtë në raport me lekun - Rritet paundi britanik dhe franga zvicerane, euro e qëndrueshme
Tregu i brendshëm valutor po shfaqet i qëndrueshëm edhe në sesionin e sotëm, ndërsa vihet re një dobësimi i lehtë i dollarit amerikan dhe një forcimi i paundit......
Ky qytet piktoresk në Kroaci po shet shtëpi për vetëm 13 cent! Detajet
Legrad, një qytet në Kroacinë veriore, është përpjekur të bëjë më shumë njerëz të vendosen në zonë duke ofruar shtëpi për qindarka. Është një nismë që ata......
Mete takon diplomatin e lartë amerikan, Wisner – Në fokus, rritja e bashkëpunimit ekonomik mes dy vendeve!
Ministri i Financave, Ervin Mete, priti në një takim zyrtar të Ngarkuarin me Punë në Ambasadën e Shteteve të Bashkuara të Amerikës në Tiranë, David Wisner......
A ka produkte bio Shqipëria? - Shumë larg objektivit të BE-së. Vërehen mungesa në treg!
Vitet e fundit konsumatorët shqiptare janë orientuar drejt produkteve ushqimore më cilësore apo të certifikuara, pavarësisht kostos më të lartë që kanë, po......
Mbi 23 mijë biznese ushqimore, në “filtër” risku - Gati plani i kontrolleve për sigurinë sipas historikut. Si kategorizohen kompanitë?
Mbi 23 mijë Operatorë të Biznesit Ushqimor dhe Operator Biznesi do të kontrollohen përgjatë këtij viti nga Autoriteti Kombëtar i Ushqimit në bazë të historikut......
Rriten ankesat ndaj Prokurimeve Publike - U regjistruan 866 të tilla në 2023, 57 më shumë se një vit më parë
Komisioni i Prokurimeve Publike, për vitin që lamë pas ka regjistruar 866 ankesa në total. Duke krahasuar me Raportin e vitit 2022, 2023-shi u mbyll me 57......
