Miratohet marrëveshja me KfW-në/ Balluku: 3.5 milionë euro shtesë për rindërtimin e shkollave!
Zëvendëskryeministrja Belinda Balluku, njëherësh ministre e Infrastrukturës dhe Energjisë, bëri të ditur sot gjithashtu se do të akordohen edhe 3.5 milionë euro të tjera në funksion të ndërtimit të shkollave të dëmtuara nga tërmeti.
Në pronononcimin e saj për mediat pas mbledhjes së qeverisë, Balluku informoi mbi marrëveshjen shtesë të grantit dhe projektit ndërmjet Shqipërisë, KfW-së gjermane dhe FSHZH-së për programin e rindërtimit të ndërtesave publike.
“Kjo është një marrëveshje e rëndësishme, pasi do të ndikojë në rindërtimin e shkollave të shkatërruara gjatë tërmetit 2019, duke pasur parasysh se ne e kemi nisur prej kohësh këtë proces. Me shtimin e kësaj marrëveshje do të akordohen 3.5 milionë euro në funksion të ndërtimit të këtyre shkollave, por do të ketë edhe shërbime inxhinierike për të gjitha objektet e parashikuara që të përfshihen në marrëveshje”, tha ajo.
Një tjetër marrëveshje e rëndësishme e miratuar sot, sipas Ballukut është edhe ajo me GIZ, për shërbimet e furnizimit me ujë. “Marrëveshja që i ofron këtij sektori rreth 1.5 milionë euro që do të ofrohen nga GIZ për të vazhduar të gjitha proceset që ne kemi nisur në përmirësimin e ofrimit të shërbimeve të ujësjellës kanalizimeve”, tha ajo.
Po ashtu, Balluku informoi se në mbledhjen e sotme është miratuar projektvendimi mbi normat e ndërtimit të spitaleve dhe klinikave mjekësore. “Ky është një projektvendim i propozuar nga MIE duke pasur parasysh kushtet dhe specifikat që duket të kenë ndërtesat e spitaleve dhe ato ambulatore. Kemi pasur një boshllëk në fushën e rregullimit sa i përket këtyre ndërtimeve. Me aktin e sotëm plotësohen objektivat si rritja e cilësisë në ofrimin e shërbimeve në spitale dhe klinika, përmirësimi i vazhdueshëm i proceseve projektuese të lidhura me objektet spitalore etj. Synimi është përafrimi me kuadrin rregullator të BE-së”, tha ajo.
Balluku sqaroi se në mbledhjen e sotme janë miratuar edhe disa vendime mbi shpronësimet, mjaft të rëndësishme për të avancuar me të gjitha projektet infrastrukturore që ka pushteti vendor por edhe pushteti lokal.
E . S / SCAN
Sondazh
Hasani: Respektojmë vendimet e gjykatave, mbështesim reformën në drejtësi!
Pas mbledhjes së sotme të Këshillit të Ministrave, Ministri për Europën dhe Punët e Jashtme, Igli Hasani deklaroi se Shqipëria është angazhuar maksimalisht për......
Ndryshon skema e naftës falas në bujqësi - Miratohen kriteret e reja për subvencionet, 30 mijë lekë/ha për bimët mjekësore
Këshilli i Ministrave ka miratuar kriteret e reja për subvencionet në bujqësi përmes skemës kombëtare të mbështetjes. Ministrja e Bujqësisë, Anila Denaj ka......
Vendimet e Qeverisë/ Balluku: Lehtësohen proceset e aplikimit për parqe eolike!
Këshilli i Ministrave miratoi sot disa ndryshime në vendimin “Për miratimin e rregullave dhe procedurave të ndërtimit të kapaciteteve të reja të energjisë......
Si do të gjurmohen të ardhurat e paligjshme? - Ngrihet Zyra e Rikuperimit të Aseteve, akses në databazën e policisë
Zyra e Rikuperimit të Aseteve (ZRA), do të jetë një strukturë e posaçme qendrore që do të ngrihet në Drejtorinë e Përgjithshme të Policisë së Shtetit, e cila......
“Urbani”, linja më e re e transportit në Tiranë - Financime nga BE e Gjermania, projekti kushton 112 milionë euro
“Transporti i gjelbër në Tiranë”, është projekti që u prezantua nga kryebashkiaku i Tiranës Erion Veliaj, bashkë me ambasadorin gjerman Karl Bergener si dhe......
Pensionet private, penalitete nëse tërhiqesh - Largimi i parakohshëm do të kushtojë deri në 15% të vlerës
Ndonëse ka hyrë në fuqi në muajin nëntor 2023, ligji “Për fondet e pensionit privat” ende nuk po zbatohet në realitet, pasi po plotësohet me aktet nënligjore......
Na kushtojnë më lirë prodhimet e importit - Energjia dhe industria përpunuese shtrenjtojnë prodhimin vendas
Bizneset prodhuese vazhdimisht po përballen me një shtrenjtim të kostos së prodhimit të mallrave. Sipas INSTAT, në tremujorin e katërt të vitit 2023, Indeksi i......
Bizneseve u kthehen 218 milionë euro TVSH - Refuzohen 41% e kërkesave për mosplotësim dokumentacioni
Përgjatë vitit 2023, bizneset kanë marrë mbrapsht në formën e rimbursimit të TVSH-së afro 218 milionë euro. Referuar të dhënave zyrtare nga Drejtoria e......
