Mali i Zi përparon në garën për anëtarësim në BE!
Kryeministri i betuar rishtazi i Malit të Zi, Milojko Spajiç, tha se vendi i tij ka "përparuar më tej" në rrugën për t'u bërë një anëtar i Bashkimit Europian gjatë një vizite të shefes së Komisionit të BE, Ursula von der Leyen. "Mali i Zi harmonizon plotësisht politikën e tij të jashtme dhe të sigurisë me politikën e Bashkimit Evropian dhe aktualisht ka një shumicë politike të vërtetë të orientuar drejt reformave. Asnjë vend tjetër që dëshiron të jetë anëtar i Bashkimit Europian nuk i ka të gjitha këto," tha Spajiç të martën nga Podgorica.
"Aderimi i Malit të Zi në BE do të ishte një mesazh i madh për të gjitha vendet e tjera kandidate se procesi i zgjerimit është i gjallë." “Do të ishte një nxitje shtesë për vendet e tjera kandidate që të vazhdojnë edhe më fuqishëm me axhendën e tyre të reformave, e cila duhet t'i afrojë edhe më shumë me Bashkimin Evropian”, shtoi ai.
Një qeveri e koalicionit e udhëhequr nga Spajić e partive të pakicave pro-evropiane, pro-serbe dhe shqiptare u emërua nga parlamenti i Malit të Zi pikërisht në kohën e vizitës së von der Leyen në vend. Lëvizja centriste Europa Tani e Spajiç fitoi zgjedhjet e parakohshme në qershor, por pa një shumicë të qartë për të qeverisur, gjë që shkaktoi disa muaj grindjesh politike.
Bllokimi u thye pasi grupet e vendosura anti-perëndimore i hapën rrugën Spajiç për të qeverisur me kusht që një nga liderët e tyre, Andrija Mandiq, të zgjidhej në postin me ndikim të kryetarit të parlamentit. Jo të gjithë 81 anëtarët e parlamentit të Malit të Zi ishin të pranishëm për votimin të martën në mëngjes pas diskutimeve gjatë natës, me miratimin e qeverisë së re me 46 vota pro dhe 19 kundër.
Kryeministri i ri u tha gazetarëve më herët të martën se ai shpresonte të "zhbllokonte integrimin evropian, të ecë përpara shpejt dhe të bëhet anëtari i ardhshëm i Bashkimit Europian." Ai gjithashtu pohoi se qeveria e tij do të vazhdojë të jetë pro-evropiane, pavarësisht zgjedhjes së Madiqit.
Negociatat për anëtarësimin në BE për Malin e Zi, një anëtar i NATO-s dhe më i vogli nga vendet e Ballkanit, u hapën në qershor 2012. Por ka pasur kritika për ngecjen e progresit në zbatimin e reformave të nevojshme institucionale dhe politike për të hapur rrugën për pranim.
Një vlerësim i përparimit të vendit i botuar tetorin e kaluar tha se "paqëndrueshmëria politike, paqëndrueshmëria e qeverisë dhe tensionet kanë bllokuar proceset e vendimmarrjes dhe zbatimin e reformave." Një përmbledhje e përditësuar e progresit të Malit të Zi do të përfshihet në raportin vjetor të zgjerimit të Komisionit Europian, që pritet më 8 nëntor.
Vizita e Von der Leyen është pjesë e një turi katërditor në shtatë vendet e Ballkanit Perëndimor. Ajo u tha gazetarëve në Podgoricë se "Mali i Zi ka qenë për një kohë të gjatë vendi më i avancuar i Ballkanit Perëndimor në pjesën e anëtarësimit në BE", duke shtuar se është e lumtur që e sheh vendin të vendosur për të mbajtur "pozicionin e tij pole".
"Unë e mirëpres që tani mund të jeni plotësisht të përqendruar në detyrën e objektivit të pranimit dhe së bashku duhet të kalojmë miljen e fundit, ta çojmë atë në vijën e finishit," shtoi ajo. Gjatë udhëtimit të saj, von der Leyen dha detaje të mëtejshme mbi planin e rritjes prej 6 miliardë eurosh të BE-së për Ballkanin Perëndimor, që synon dyfishimin e ekonomisë së rajonit në dekadën e ardhshme. Mali i Zi ka GDP-në më të lartë për frymë nga shtatë vendet e Ballkanit Perëndimor, por në 50% të mesatares së BE-së ka ende "potencial të pashfrytëzuar", tha von der Leyen. Në përpjekjen e tij për të fituar mbështetjen e parlamentit për të qeverisur, Spajić përvijoi një vizion të "Malit të Zi si Zvicra e Ballkanit dhe Singapori i Europës".
Edel Strazimiri / SCAN
Sondazh
Inflacioni i Eurozonës bie më shumë se sa pritej në tetor!
Inflacioni në eurozonë ra më shumë se sa pritej në 2.9% në tetor, sipas zyrës së statistikave të BE-së. Me periudhën e blerjeve të Krishtlindjeve vetëm disa......
Banka Botërore: Tre skenarët e mundshëm dhe çfarë sjellin për tregun e mallrave nëse lufta e Izrael-Hamas intensifikohet!
Çmimet e naftës mund të përballen me një tronditje dhe të rriten deri në 157 dollarë (147 euro) për fuçi nëse kriza e Lindjes së Mesme përshkallëzohet, ka......
Akti Normativ për Buxhetin 2023/ Mete: Synon të sigurojë stabilitetin makroekonomik të vendit!
Ministri i Ekonomisë, Ervin Mete, ka prezantuar sot Aktin Normativ për Buxhetin 2023 para Komisionit të Ekonomisë ku evidentoi se ky akt ka për qëllim rritjen......
Zgjidhet qeveria e re e në Malin e Zi - Milojko Spajiç bëhet kryeministri i ri i vendit
Parlamenti i Malit të Zi, ka zgjedhur sot qeverinë e kryeministrit Milojko Spajiç, pas seancës plenare që zgjati përgjatë gjithë natës. Qeveria e re e Malit......
Avioni kundër turbulencës me krahë inteligjentë!
Gjatë fluturimit, një takim i afërt me turbulencat mund të jetë një përvojë e frikshme apo edhe dramatike: më 31 gusht 2023, një aeroplan i Delta Airlines që......
Kriza energjetike/ Kush ka energjinë dhe gazin më të shtrenjtë në Europë dhe si pozicionohet Shqipëria?
Çmimet pre-taksave të energjisë elektrike dhe gazit natyror u rritën pas pushtimit të plotë të Ukrainës nga Rusia, por tani ato janë në rënie. Edhe pse pak më......
Amerikanët paguhen për të mos punuar! - 80% e të punësuarve marrin raport, ose leje të paguar
Amerikanët po paguhen gjithnjë e më shumë për të mos punuar. Rritja e numrit të ditëve të lejes së paguar – duke përfshirë pushimet familjare, mjekësore dhe......
Rënie e përgjithshme e valutave kryesore - Dobësohen ndjeshëm Dollari dhe Paundi!
Dollari amerikan ka humbur pikë ndjeshëm nga dita e hënë teksa është blerë këtë mëngjes me 98.8 lekë dhe është shitur me 100 lekë sipas kursit të këmbimit......
