Europa Postuar më 23 Janar 2025, 14:38

BE, energjia diellore tejkaloi qymyrin në 2024 - Gjenerimi nga era u reduktua, pavarësisht rritjes së kapacitetit

Nga Kristi Ceta

BE, energjia diellore tejkaloi qymyrin në 2024 - Gjenerimi nga era u

Energjia diellore tejkaloi qymyrin në totalin e prodhimit të Bashkimit Evropian për herë të parë vitin e kaluar. Ndërsa gjenerimi nga era u reduktua, sipas të dhënave nga grupi i ekspertëve për energjinë Ember.

BE po kërkon të rrisë prodhimin e energjisë së rinovueshme si pjesë e përpjekjeve për të ulur emetimet dhe për të arritur objektivat klimatikë, si dhe për të shkurtuar varësinë nga importet e karburanteve fosile.

Prodhimi diellor siguroi 11% të totalit të energjisë elektrike në BE gjatë vitit 2024, nga 9.3% që ishte në 2023, duke parakaluar qymyrin, i cili ra në më pak se 10% për herë të parë që kur Ember filloi të mbledhë shifrat në 2011.

“Për dy vitet e fundit kemi parë rënie të mprehtë si të qymyrit, ashtu edhe të gazit në sistemin energjetik të BE-së. Gjithashtu, lëndët djegëse fosile janë tani në një nivel historik të ulët,” theksuan autorët e raportit.

Prodhimi i energjisë nga gazi ra në 15.7%, nga 16.9% në 2023, ndërsa energjia e erës mbeti pothuajse e pandryshuar në 17.4%.

Edhe pse rreth 13 gigavat (GW) kapacitet i ri i erës u shtua në vitin 2024, kushtet ishin më pak të favorshme se në vitin 2023, duke çuar në gjenerim më të ulët se sa pritej.

BE dëshiron që energjia e erës të përbëjë rreth 34% të përzierjes së energjisë elektrike deri në vitin 2030. Raporti thekson se nevojiten më shumë veprime, veçanërisht për lehtësimin e lejeve të projekteve të reja, për të përmbushur qëllimin.

Nuclear mbeti ofruesi dominues i energjisë elektrike në BE, duke u rritur në 23.7% nga 23% në 2023.

 

Sondazh

Poll

Live TV

Të fundit
Të gjitha lajmet

Më të vizituarat