Të huajt shpenzuan 2.38 miliardë euro në Shqipëri/ Bilanci neto në gjysmën e parë të vitit arriti në 956 milionë euro
Turizmi ka sjellë më shumë të ardhura në ekonominë shqiptare gjatë gjysmës së parë të vitit 2026. Të dhënat e Bankës së Shqipërisë tregojnë se të huajt shpenzuan rreth 2.38 miliardë euro në Shqipëri gjatë periudhës Janar-Qershor, nga afro 2.10 miliardë euro në të njëjtën periudhë të vitit të kaluar.
Kjo përkthehet në një rritje vjetore prej rreth 13.4%, ose rreth 282 milionë euro më shumë krahasuar me gjysmën e parë të vitit 2025.
Vetëm gjatë tremujorit të dytë të këtij viti, shpenzimet e të huajve në Shqipëri arritën në 1.38 miliardë euro, kundrejt rreth 1.22 miliardë eurove në të njëjtën periudhë të vitit 2025. Rritja vjetore për këtë tremujor rezulton rreth 12.5%.
Por paralelisht me rritjen e të ardhurave nga vizitorët e huaj, janë shtuar edhe shpenzimet e shqiptarëve për udhëtime jashtë vendit. Gjatë gjashtë muajve të parë të vitit 2026, shqiptarët shpenzuan jashtë rreth 1.42 miliardë euro, nga rreth 1.30 miliardë euro një vit më parë, ose 9.5% më shumë.
Vetëm në tremujorin e dytë, shpenzimet e shqiptarëve jashtë vendit arritën në rreth 783 milionë euro, krahasuar me rreth 721 milionë euro në tremujorin e dytë të vitit 2025.
Megjithatë, bilanci i udhëtimeve mbetet dukshëm pozitiv për Shqipërinë. Diferenca mes shpenzimeve të të huajve në vend dhe atyre të shqiptarëve jashtë arriti në rreth 594 milionë euro vetëm në tremujorin e dytë.
Për të gjithë gjysmën e parë të vitit 2026, bilanci neto arriti në rreth 956 milionë euro, nga afro 798 milionë euro në të njëjtën periudhë të një viti më parë. Kjo do të thotë se suficiti nga udhëtimet është zgjeruar me rreth 20% brenda një viti.
Të dhënat tregojnë se, pavarësisht rritjes së shpenzimeve të shqiptarëve jashtë vendit, hyrjet nga të huajt po rriten me një ritëm më të shpejtë, duke e forcuar kontributin neto të turizmit në ekonominë shqiptare.
Shqipëria synon terminal LNG - Marrëveshje me kompaninë amerikane për projektin që mund të furnizojë Ballkanin me gaz
Shqipëria dhe kompania amerikane e gazit të lëngshëm natyror, Argent LNG, kanë nënshkruar një memorandum mirëkuptimi për të vlerësuar ndërtimin e një......
Falen 1.95 milionë euro detyrime - DPT: 651 tatimpagues përfituan gjatë gushtit nga falja automatike
Gjatë muajit gusht, 651 tatimpagues kanë përfituar nga falja automatike e detyrimeve tatimore, me një vlerë totale prej 1.95 milionë eurosh. Lajmi është......
Rama: Gjashtë programe të reja strehimi në kuadër të “Rilindja 2.0”
Kryeministri Edi Rama njoftoi sot nisjen e Programit të ri Kombëtar të Strehimit për Shqipërinë, Rilindja 2.0. Në aktivitetin e organizuar me rastin e......
Strehimi 2.0, ndryshon politika e banesave - Qeveria synon të zgjerojë mbështetjen për familjet në nevojë dhe çiftet e reja
Qeveria po përgatit një ndryshim të rëndësishëm në politikën e strehimit, duke kaluar nga një model i fokusuar kryesisht te familjet në nevojë drejt një......
Pronat, zgjidhje brenda 2028? - Avokati: Përshpejtohet procesi, problematikat janë të shumta
Të gjitha çështjet e pronësisë do të trajtohen nga “Agjencia Shtetërore e Pronës”, institucioni i vetëm dhe qendror që do të marrë përsipër të mbyllë......
Sejko, takim me BERZH - Fokus te kreditimi, bizneset e vogla dhe integrimi në BE
Guvernatori i Bankës së Shqipërisë, Gent Sejko, zhvilloi një takim me Francis Malige, Drejtor Menaxhues për Institucionet Financiare në Bankën Evropiane për......
Paga mesatare arrin 92 mijë lekë/ Cilat profesione po paguhen më shumë?
Paga mesatare mujore bruto në Shqipëri vijon trendin rritës. Sipas të dhënave të INSTAT, gjatë tremujorit të dytë të vitit 2026, paga mesatare mujore bruto......
Papunësia zbret në 8.3%/ Shërbimet shtojnë vende pune, ndërsa bujqësia dhe industria tkurren
Tregu shqiptar i punës ka shfaqur lëvizje të ndryshme gjatë tremujorit të dytë të vitit 2026. Të dhënat e INSTAT tregojnë se pjesëmarrja në forcat e punës......
