Shqipëria Postuar më 23 Janar 2025, 13:55

“Ulje financimi për ndryshimin e klimës” - Vendimi i Trump, Qirjo: Ngadalëson përpjekjet, por shumë faktorë të tjerë do i çojnë përpara 

Nga Ola Mitre

“Ulje financimi për ndryshimin e klimës” - Vendimi i

Tërheqja e Shteteve të Bashkuara të Amerikës nga Marrëveshja për Klimën, ngadalëson proceset globale, por gjithsesi janë një sërë faktorësh të tjerë që do të çojnë përpara përpjekjet drejt arritjes së objektivave të vendosur për frenimin e ndryshimeve klimatike.

Eksperti i mjedisit dhe klimës, Mihallaq Qirjo komenton për TV SCAN vendimin e presidentit Donald Trump, duke marrë në konsideratë se edhe Shqipëria ka firmosur Marrëveshjen e Parisit, si dhe ka ndërmarrë një sërë angazhimesh për uljen e emetimeve të CO2.   

Megjithatë, SHBA do të vijojë të jetë pjesë e Marrëveshjes së Parisit për 4 vitet e ardhshme, si një detyrim i vendosur për shtetet që janë firmëtare.

Qirjo sjellë në vëmendje gjithashtu se edhe shumë shtete brenda SHBA-ve kanë një sërë politikash në drejtim të ndryshimeve klimatike, që nuk ndikohen nga vendimi i Trump.

Marrëveshja e Parisit është një traktat ndërkombëtar ligjërisht i detyrueshëm për ndryshimet klimatike nga vendet firmëtare. Për të arritur objektivat, u hartua Marrëveshja e Gjelbër Evropiane, që është strategji zhvillimi afatgjatë e vendeve të BE-së, e cila synon parandalimin e ndryshimeve klimatike, me qëllimin kryesor arritjen e neutralitetit të karbonit deri në vitin 2050.

Ndërkohë që, për arritjen e kësaj të fundit, vendet e rajonit përfshirë edhe Shqipërinë nënshkruan Deklaratën e Sofjes mbi Axhendën e Gjelbër për Ballkanin Perëndimor.

 

 

Sondazh

Poll

Live TV

Të fundit
Të gjitha lajmet

Më të vizituarat