Kompania më e madhe e naftës “ndal prodhimin” - Saudi Aramco “ngrin” planet për të rritur kapacitetin në 13 mln fuçi në ditë
Kompania Saudi Aramco, e kontrolluar nga shteti saudit, njoftoi të martën se do të ndalojë planet për të rritur kapacitetin e prodhimit në 13 milionë fuçi naftë në ditë, nga 12 milionë aktualisht. Në një njoftim për mediat, kompania më e madhe eksportuese e naftës në botë deklaroi se është urdhëruar nga Ministri i Energjisë për ta mbajtur Kapacitetin Maksimal të Qëndrueshëm (MSC) në nivelet aktuale.
Vendimi vjen disa vite dhe miliarda dollarë të shpenzuar, pas marrjes së direktivës për të rritur kapacitetin e prodhimit në 13 milionë fuçi naftë në ditë, deri në vitin 2027. Saudi Aramco, që u bë publike me Ofertën Fillestare në vitin 2019, nuk dha detaje mbi arsyet që detyruan ministrinë ta marrë këtë vendim, por tha se do të përditësojë udhëzimet mbi shpenzimet kapitale kur të publikohen rezultatet financiare për vitin 2023, në muajin mars.
Megjithatë, ky vendim për të ndaluar planet për rritjen e kapacitetit të prodhimit nuk ka ndikuar në çmimet e naftës, me Brentin e Londrës që tregtohet në mbi 82 dollarë për fuçi, pas rënies me rreth 1 dollar të hënën. Njoftimi vjen mes shqetësimeve në rritje për perspektivën e kërkesës për naftë në mbarë botën, duke pasur parasysh tranzicionin progresiv global drejt dekarbonizimit, që po vë në pikëpyetje projektet e investimeve afatgjata në lëndët djegëse fosile.
Kërkesa globale për naftë parashikohet të jetë rritur me 2.3 milionë fuçi, gjatë vitit 2023, në totalin e 101.7 milionë fuçive, sipas Agjencisë Ndërkombëtare të Energjisë. Arabia Saudite ka udhëhequr disa vende brenda OPEC+, që kanë këmbëngulur në një strategji të dyfishtë të tranzicionit të energjisë, që ende përdor naftën dhe gazin derisa burimet e rinovueshme të jenë të mjaftueshme për të përmbushur kërkesës globale. Por, kritikët e kanë cilësuar këtë qasje të Arabisë Saudite si egoiste.
Mesa duket, Riadi zyrtar po ndal rritjen e mëtejshme të kapaciteteve dhe po redukton aftësinë për të kapur pjesë të tregut, në një kohë që SHBA po prodhon një vëllim të paprecedentë të naftës së papërpunuar, rreth 13 milionë fuçi naftë në ditë, pavarësisht politikave për të mbrojtur klimën, të presidentit, Joe Biden.
Lidion Kulla/SCAN
Sondazh
E ardhmja e makinave në “duart” e Audit? - Rreth 94.1% më shumë makina të regjistruara për herë të parë në T4-2023
Në tremujorin e katërt të vitit 2023, numërohen gjithsej 867,765 mjete rrugore me status "aktiv" dhe “të çregjistruara përkohësisht” që qarkullojnë në......
2023, shqiptarët paguan rreth 220 milionë euro sigurime - Tregu u rrit me 8,8% dhe mbetet i orientuar tek sigurimet e Jo-Jetës
Tregu i sigurimeve në Shqipëri e ka mbyllur 2023-shin me një rritje prej rreth 8,8% krahasuar me vitin paraardhës. Të dhënat e publikuara nga Autoriteti i......
Vaji i ullirit me risk të mesëm, inspektime në 94 subjekte - Ekspertja e Ushqimit, Vuksani: Nuk janë parashikuar kontrolle për sigurinë
“Vaji i ullirit do të duhej që të klasifikohej me risk të lartë dhe inspektimet duhet të ishin më të shpeshta përgjatë këtij viti”. Kështu deklaron......
Bashkohet tregu energjetik Shqipëri-Kosovë - Dy zonat ofertuese, ankande të përbashkëta në bursën e energjisë. 21 kompani të listuara
Duke nisur nga data 1 shkurt, ankandet e Ditës në Avancë në Bursën Shqiptare të Energjisë Elektrike, ALPEX do të zhvillohen si bashkim tregjesh mes Shqipërisë......
Përdorimi i ulët i 5G në Europë do të pengojë zhvillimin e inteligjencës artificiale dhe jo vetëm!
Përdorimi i ulët i vazhdueshëm i vendosjes së 5G në Europë do të thotë se teknologjitë e tjera të varura nga interneti i shpejtë si inteligjenca artificiale do......
“Pagat e mësuesve, 950 euro pas pak muajsh” - Rama: Por nuk mjafton dhe prandaj na duhet të reformojmë sistemin
Ministria e Arsimit lançoi Programin Kombëtar të Zhvillimit Profesional të Mësuesve, që çel një kapitull i ri për rritjen e vazhdueshme profesionale të......
Shkurtimet e buxhetit të BE-së kërcënojnë udhëheqjen globale të unionit!
Në shumë vende, në shumë pjesë të botës, perspektiva që brezi i ardhshëm të ketë një të ardhme më të mirë se prindërit e tyre është duke u shtrydhur. Qoftë......
Cilat janë 12 bashkitë në nevojë për para’? - Brahimi: 4 prej tyre në vështirësi, njësitë po ndjekin plan rikuperimi
Bashkitë në Shqipërisë ndahen në katër kategori sa i takon gjendjes së tyre financiare, nga ato që konsiderohen me probleme deri tek njësitë e falimentuara......
