Kërkimi i naftës, në “garë” 1 kompani - AKBN: Shqiptarja EDG, në garë për 2 blloqe. ENI u tërhoq pasi u njoh me paketën e dokumenteve
Energy Development Group është kompania e vetme që ka shprehur interes për eksplorimin e naftës në bllokun C dhe Panaja. Agjencia Kombëtare e Burimeve Natyrore bëri me dije për TV SCAN se kjo kompani ka depozituar nga një aplikim për secilin nga blloqet e sipërcituar, ndërkohë që procesi është ende në vijim.
“Agjenica Kombëtare e Burimeve Natyrore ka përfunduar vlerësimet e saj lidhur me aplikimet e depozituar dhe ia ka paraqitur Ministrisë së Infrastrukturës dhe Energjisë, për të gjykuar lidhur me hyrjen ose jo në negociata me kompaninë aplikuese”, - deklaroi AKBN.
Energy Development Group është një kompani shqiptare e krijuar në vitin 2008 e që administrohet nga biznesmeni Sokol Meqemeja. Paralelisht, AKBN bëri me dije se pas publikimit të njoftimit për shpalljen e Bllokut Panaja dhe Bllokut C për aplikim fillimisht shfaqi interes edhe kompania italiane Eni, por pasi u njoh me paketën e të dhënave, informoi se nuk do të merrte pjesë në aplikim për këto blloqe.
Njoftimi për eksplorimin e bllokun C dhe Panaja në tokë u publikua nga AKBN në muajin maj të këtij viti, ndërkohë që kompanitë kishin 3 muaj kohë për dorëzimin e aplikimeve. Sipas kritereve të shpallura, kohëzgjatja e periudhës së eksplorimit do të jetë deri në 5 vjet, por në bazë të legjislacionit në fuqi, mund të zgjatet deri në 7 vjet. Periudha e eksplorimit do të ndahet në tri faza, ndërkohë që kontrata që do të nënshkruhet mes palëve do të jetë me ndarje prodhimi, që ndër të tjera parashikon detyrime për punësimin e banorëve të zonës.
Po ashtu, në kritere përcaktohet se në rast zbulimit tregtar, periudha e zhvillimit dhe prodhimit do të jetë 25 vjet dhe mund të zgjatet më tej. Kjo nuk është hera e parë që AKBN ofron për eksplorim këto 2 blloqe nafte, pasi një fushatë e ngjashme u ndërmor edhe në vitin 2019. Përveç tyre, në atë kohë u ofrua për eksplorim edhe blloku Dumrea, teksa procedurat u finalizuan vetëm për këtë të fundit. Marrëveshja për nisjen e operacioneve të kërkimit të naftës për këtë bllok u nënshkrua me kompaninë italiane ENI, në fund të vitit 2019.
Ola Mitre / SCAN
Sondazh
Qytetarët paguan 22 milion euro tarifa ndaj bashkive - Vendorët rrisin të ardhurat nga ky zë me 39 për qind
Bashkitë e kanë nisur mbarë vitin edhe sa i takon vjeljes së detyrimeve që kanë qytetarët dhe bizneset për të paguar tarifat vendore. Të ardhurat e tarifave......
Bursa për nxënësit që zgjedhin arsimin profesional - 5 kategoritë që do të financohen deri në 7300 lekë në muaj
Qeveria po synon të nxisë të rinjt drejt zgjedhjes së arsimit profesional si garanci për rritjen e punësimit në vend, për shkak të kërkesë së lartë nga këto......
Makina Apple do të blihej më shumë se Tesla edhe pse ende nuk ka një të tillë – Kompania renditet e treta në një sondazh për konsideratën e markës
Makinat Apple duket se janë tashmë një opsion më popullor se Tesla, edhe pse prodhuesi i iPhone nuk ka konfirmuar kurrë planet për të prodhuar një të......
FBI gjen më shumë se 10,000 dokumente qeveritare në pronën e Donald Trump – Ndër to edhe dosje të klasifikuara “Top Secret”
Agjentët federalë zbuluan më shumë se 10,000 dokumente qeveritare në pronën e ish-presidentit Donald Trump në Mar-a-Lago, sipas një inventari të sapo......
Pas Kroacisë, Mali i Zi do të heqë TVSH për panelet diellore – Vendimi vjen si një masë për ti dhënë zgjidhje krizës energjetike
Mali i Zi mund të ndjekë shembullin e Kroacisë dhe të heqë tatimin mbi vlerën e shtuar (TVSH) në panelet diellore, pasi qeveritë e rajonit e kuptojnë gjithnjë......
Kina shet tepricë të gazit natyror të lëngshëm në Europë – Shkak kërkesa e dobët e energjisë në vend
Vendet në të gjithë Evropën po bëjnë gjithçka që munden për të ulur kërkesën për gaz dhe për të shmangur një krizë të ofertës dimërore, por ende mbetet......
Cila është shkalla reale e krizës së ardhshme në Europë!
Disa besojnë se kriza energjetike që po përhapet në Europë do të rritet në një shkallë të krahasueshme me krizën financiare të vitit 2008dhe aktualisht është......
Si Shtetet e Bashkuara të Amerikës janë në prag të kolapsit!
SHBA po humbet me shpejtësi reputacionin sipas mediave globale. Gjatë Luftës së Irakut, doktrina e Bushit u tall nga e gjithë bota dhe amerikanët që udhëtonin......
