“Keiretsu Forum SEE” angazhon 1 milion euro kapital privat të dedikuar për startupet rajonale
‘Keiretsu Forum SEE, Investor Pitch Day’, i zhvilluar në Tiranë arriti të angazhojë një fond të dedikuar 1 milion euro kapital privat nga investitorët e pranishëm, për t'u investuar në startup-et rajonale. Eventi bashkoi novatorë dhe investitorë me përvojë të gjatë, duke pasur në fokus nxitjen e bashkëpunimit, zbulimin dhe rritjen e ekosistemit sipërmarrës të Evropës Juglindore.
Përgjatë “Ditës së Prezantimeve për Investitorët”, u prezantuan një gamë e larmishme startup-esh nga rajoni, të cilat paraqiten idetë e tyre novatore duke kërkuar mundësi investimi. Ngjarja tërhoqi vëmendjen e sipërmarrësve, investitorëve engjëj dhe grupeve të kapitalit privat të cilët u mblodhën duke dëshmuar edhe një herë potencialin që mbart rajoni i Evropës Juglindore në këtë fushë.
Gjashtë startup-et e prezantuara ishin:
- WICE - Startup i cili synon revolucionimin e tregut tradicional të akullores nëpërmjet akullores inovative të bërë nga vera, pa ndryshuar përmbajtjen alkoolike.
- BEEZ – Startup i cili synon të ndezë imagjinatën e një brezi të ri lojtarësh me qasje moderne të lojërave klasike.
- OPENPAY - Startup i cili synon thjeshtimin e pagesave përmes një platforme me kosto të ulët të integruar si një shtesë për aplikacionet e bankingut celular.
- QUINVIO - Një platformë e fuqizuar nga AI që automatizon proceset për të realizuar prezantime video në mënyrë të thejshtuar dhe me kosto efektive.
- ENTEERA - Startup i cili synon përmirësimin e ekuilibrit shëndetsor dhe atij midis punës dhe jetës së stafit të kompanisë përmes shërbimeve të mirëqenies së punonjësve.
- FITKIT - Një aplikacion celular që ofron akses në palestrat më të mira, qendra SPA, trajnerë dhe programe online për stërvitje dhe relaksim.
"Jemi vërtetë të emocionuar teksa shohim një reagim kaq entuziast nga komuniteti i investitorëve," tha Ravik Mima, Koordinator i Forumit Keiretsu South East Europe. "Pozitiviteti dhe përkushtimi i shfaqur nga të pranishmit nxjerr në pah mundësitë e pashfrytëzuara të investimit që shtrihen brenda Evropës Juglindore. Duke investuar në këto sipëmarrje, ne jo vetëm po mbështesim rritjen e tyre, por gjithashtu po nxisim inovacionin dhe mbështesim zhvillimin ekonomik në rajon" vijoi ai.
“Së bashku”, tha Ardian Hoxha, President i Keiretsu Forum South East Europe “le të festojmë suksesin e ketij eventi, pasi ai shënon një moment të rëndësishëm në rrugëtimin drejt transformimit të ekosistemit të startup-eve të Evropës Juglindore. Duke investuar në mendjet më të ndritura dhe idetë më të guximshme të rajonit, ne po formojmë një të ardhme me më shume inovacion, prosperitet dhe sukses, një startup pas tjetrit”.
Në këtë mënyrë, forumi shërbeu si një platformë unike për këto biznese të reja për t'u lidhur me investitorët e mundshëm. Kjo platformë pritet të zgjerohet duke lidhur akoma më shumë startup-e me investitorë potencialë.
Evropa Juglindore vazhdon të tërheqë vëmendjen nga komuniteti global i investimeve, çka konsiderohet si dëshmi se ekosistemi sipërmarrës i rajonit po hyn në një epokë të re rritjeje dhe potenciali zhvillimi.
Sondazh
Bursat europiane, në rritje modeste - Në fokus tavani i borxhit në SHBA, bisedimet në fazën kritike
Bursat europiane i janë rikthyer fitimeve në sesionin e sotëm, pasi bisedimet për rritjen e tavanit të borxhit në SHBA kanë hyrë në javën e fundit. indeksi......
Sigurohet nga Katari financimi 11 milionë euro! Si do të jetë sheshi fundor në Bulevardin e Ri të Tiranës
Bulevardi i ri i Tiranës do të ketë së shpejti një shesh fundor. Lajmi është bërë i ditur nga kryeministri Edi Rama dhe kryebashkiaku i Tiranës Erjon......
Si do të ndahet fondi 113 milionë lekë mes 4 komuniteteve fetare në Shqipëri. Financimi, për paga dhe investime
Qeveria shqiptare ka miratuar ndarjen e fondit për komunitetet fetare në vend. Për vitin 2023, komunitetet do të përfitojnë 113 milionë lekë. Komuniteti ......
Projekti unik i “Vlora Marina” - Tërheq studentët e arkitekturës së Universitetit Katolik “Zoja e Këshillit të Mirë”
Vlora Marina mirëpriti një grup tjetër studentësh në një vizitë në kantier, këtë herë nga Fakulteti i Arkitekturës në Universitetin Katolik “Zoja e Këshillit......
Lindjet, niveli më i ulët në dy dekada - Rënie me 9.3% në 2022-shin. Asnjë qark me rritje. Korça, më problematikja
Të dhënat mbi treguesit demografikë nga “Instituti i Statistikave”, kryqëzuar më të dhënat historike të popullsisë ndër vite, sinjalizojnë se viti 2022......
Si do ndryshojë piramida e pagave? - Presidenti më i mirëpaguari, reforma vijon edhe në dy vitet e ardhshëm
Qeveria ka ndërmarrë iniciativën për krijimin e një piramide të re niveleve të pagave për administratën shtetërore dhe institucionet kushtetuese dhe të......
Sektori bankar shton asetet dhe numrin e punonjësve - Në rritje depozitat dhe kreditimi i bizneseve e individëve. Sistemi me rezultat pozitiv financiar
Në harkun kohor të një viti, sistemi bankar ka rritur treguesit financiar, asetet, si dhe numrin e të punësuasrve. Sipas të dhënave të saporaportuara nga......
Rama, kundër rritjes së pagave për deputetë e ministra - “Duhet të hyjnë në fuqi pasi të përfundojë e gjithë reforma”. Opozita e mazhoranca bashkojnë votat dhe e miratojnë
Kryeministri Edi Rama është shprehur kundër rritjes së pagave të ministrave dhe deputetëve, duke u shprehur se nuk do ta votojë projektligjin. Rama theksoi se......
