Hekurudha Vorë-Hani i Hotit, Balluku: Fluks prej 2.3 milionë udhëtarësh në vit!
Zëvendëskryeministrja Belinda Balluku, njëherësh ministre e Infrastrukturës dhe Energjisë, paraqiti në Kuvend projektligjin “Për ratifikimin e marrëveshjes së huas me Bankën Evropiane për Rindërtim dhe Zhvillim për rehabilitimin e linjës hekurudhore Vorë-Hani i Hotit”.
Balluku theksoi se bëhet fjalë për një prej projekteve më të rëndësishme në shërbim të zhvillimit ekonomik e mirëqenies sociale të shtetasve shqiptarë. Duke u ndalur tek ndikimi që krijon ky projekt në zhvillimin e infrastrukturës hekurudhore të vendit, zëvendëskryeministrja tha se projektligji synon ratifikimin e marrëveshjes së huasë me vlerë 98,7 milionë euro me BERZH dhe se këto iniciativa të BE-së janë të shumë të rëndësishme për zhvillimin e sektorit të hekurudhave shqiptare.
“Kësaj shume i shtohet edhe një hua prej 100 milionë euro e akorduar nga Banka Europine e Investimeve që do t’i përcillet Kuvendit për shqyrtim shumë shpejt, si dhe një grant investimi i BE-së, i cili arrin në vlerën 133 milionë eurove.
Ne kemi arritur të fitojmë besimin e pakthyeshëm të partnerëve tanë strategjikë si BE, e cila ka vendosur të investojë në Shqipëri 133 mln euro në formën grantit pa asnjë kosto për buxhetin e shtetit shqiptar. Shumica e projekteve strategjike vijnë të mbështetura nga grante të BE-së, apo kredi dhe marrëveshje të tjera të dhëna nga partnerët tanë''-tha zëvendëskryeministrja Balluku.
Balluku theksoi po ashtu se projekti i linjës hekurudhore Vorë-Hani i Hotit sjell edhe ripërtëritjen e arteries historike hekurudhore. “Projekti konsiston në përmirësimin e linjës hekurudhore duke e kaluar atë në një modernizim total. Parashikohet që shpejtësia e trenave që do të lëvizin në segmentin Vorë-Hani i Hotit do të jetë 120 km në orë. Të gjitha linjat tona do të jenë të elektrifikuara dhe do të jenë kantiere të hapura brenda vitit 2025”, tha Balluku.
Zv.kryeministrja informoi se parashikohet ndërtimi i 12 stacioneve hekurudhore, një tuneli me gjatësi 320 m dhe ndërtimi i 112 urave. “Me ndërtimin e kësaj linje hekurudhore pritet një fluks prej 2.3 milionë udhëtarësh në vit dhe një volum mallrash 900 mijë ton në vit. Koha mesatare e udhëtimit Vorë-Hani i Hotit do të jetë vetëm 2 orë”- tha Balluku.
Ndërkohë, portet dhe aeroportet nuk mund të konsiderohen sipas Ballukut të palidhura dhe të pastudiuara në një paketë të zhvillimit infrastrukturor. “Pas pak javësh ne do të kemi hapjen e garës ndërkombëtare për ndërtimin e portit më të madh në Ballkanin Perëndimor, që është porti i ri i Porto Romanos, kjo paketë e kompleton projektin e portit të Durrësit, i cili nuk do të jetë një port thjesht tregtar për Shqipërinë, por do të jetë i lidhur me dy porte të thata, portin e Prishtinës dhe portin e Strugës.
Prandaj të dyja linjat hekurudhore, Vorë-Hani i Hotit si dhe linja hekurudhore që do të lidhë Durrësin me Prishtinën do kompletojnë infrastrukturën”- shtoi zëvendëskryeministrja Balluku.
Alida Lula /SCAN
Sondazh
BSH, rregullore të re për mbrojtjen e klientëve - Derralla: Ka nisur puna me Bankën Botërore. Do të jetë gati brenda vitit
Nisur nga problematikat e fundit të disa shoqërive të mbledhjes së kredive në vonesë, Banka e Shqipërisë ka menduar hartimin e një rregulloreje të për......
Lajthiza, brand i besuar në çdo familje shqiptare
Lajthiza është tashmë një kompani e cila dominon tregun shqiptar prej shumë vitesh. Lajthiza është një pionier në sjelljen e teknologjive inovatore në......
“Sipërmarrjet italiane, të investojnë në Shqipëri” - Nga infrastruktura, te energjia, Mondello: Sektorët ku mund të bashkëpunohet
Zhvillimi i infrastrukturës gjatë viteve të fundit, por edhe programet e investimeve që lidhen me anëtarësimin e Shqipërisë në Bashkimin Evropian sollën në......
Gjermania njofton ulje taksash prej 23 miliardë euro për familjet e goditura nga inflacioni!
Paketa prej 23 miliardë eurosh e uljes së taksave synon të mbështesë buxhetet e familjeve tashmë të goditura nga inflacioni. Kjo do të bëhet kryesisht duke......
Krimet zgjedhore dhe shitblerja e votës - OSBE dhe KQZ, mekanizma për të ndërgjegjësuar votuesit
Prezenca e OSBE-së në Shqipëri dhe Komisioni Qendror i Zgjedhjeve zhvilluan një tryezë teknike në lidhje me zgjedhjet 2025 ku fokus ishte rritja e organeve......
Greqia dhe Izraeli “braktisin” ortakërinë me shqiptarët - Në vitin 2023, bie numri i ndërmarrjeve të përbashkëta me këto dy shtete
Nga numri total i ndërmarrjeve aktive në vend për vitin 2023, rreth 5.3% e tyre janë ndërmarrje të huaja e të përbashkëta, ku nga këto Italia zë rreth 43.6%,......
Rruga Elbasan-Qafë Thanë, shpallen fituesit - Segmentet e korridorit VIII, finalizohen tenderët për 3 lote
Autoriteti Rrugor Shqiptar ka shpallur kompanitë fitusese, për zgjerimin e rrugës Elbasan - Qafë Thanë, pjesë e korridorit 8. Tenderët për 4 lote u shpallën 2......
Meta përballet me ankesa në 11 vende për përdorimin e të dhënave për të trajnuar modele AI!
Mbrojtësi austriak i privatësisë NOYB depozitoi sot (6 qershor) ankesa në 11 vende europiane duke pretenduar se Meta po kërkon të përdorë të dhënat personale......
