Fluks i shtuar pasagjerësh në Portin e Sarandës - Mbi 433 mijë persona mbërritën në portet shqiptare në 6 muajt e parë të vitit
Ledina Elezi/SCAN
Udhëtimet përmes detit kanë shënuar një rritje të lehtë në tremujorin e dytë të këtij viti, teksa porti i Sarandës ka regjistruar një rekord pasagjerësh krahasuar me portet e tjera detare në vend.
Mbi 433 mijë pasagjerë kanë udhëtuar përmes transportit detar në gjysmën e parë të vitit, ku rreth 298 mijë hyrje dhe dalje u regjistruan në portet shqiptare vetëm në tremujorin e dytë. Portet detare ku kryhet transporti pasagjerëve në vend janë: Porti i Durrësit, Vlorës, Sarandës dhe porti i Shëngjinit. Lëvizja e pasagjerëve në tremujorin e dytë 2024 është kryer vetëm nga porti i Durrësit, Vlorës dhe ai i Sarandës.
Referuar të dhënave zyrtare nga INSTAT, porti i Sarandës është porti nga i cili kanë udhëtuar 52% e pasagjerëve, ndjekur nga porti i Durrësit me 39% dhe më pas porti i Vlorës me gati 9%. Porti i Limjonit në Sarandë ka shënuar një fluks të shtuar pasagjerësh, ku nga 10 mijë pasagjerë që numëroheshin në tremujorin e parë, kjo shifër ka shkuar në 155 mijë për tremujorin e dytë të 2024-ës. Nga ana tjetër, në portin e Durrësit kanë mbërritur 117 mijë pasagjerë dhe në atë të Vlorës janë shënuar rreth 25 mijë hyrje-dalje.
Numri i anijeve të hyra dhe të dala nga portet në vend rezulton 251 anije, nga këto 218 anije janë të huaja dhe 33 anije vendase. Numri i anijeve të hyra dhe të dala në porte është rritur me 79,3%, ku numri anijeve të huaja është rritur me 2 herë, krahasuar me tremujorin e dytë 2023.
Mbi 85 mijë qytetarë kanë mbërritur në portin e Durrësit përmes porteve italiane gjatë muajit korrik. Mëngjesi i të shtunës regjistroi 4150 pasagjerë të mbërritur nga Italia dhe 1350 autovetura. Në total, vetëm në fundjavën e parë të gushtit mbërritën rreth 15 000 pasagjerë në portet shqiptare, ndërsa administrata portuale dhe ajo doganore po punojnë me kapacitete të plota për përballimin e fluksit.
Sondazh
Bien detyrimet e shtetit për vendime gjyqësore - Stoku total arrin në 90 milionë euro, pushteti vendor mban peshën kryesore
Elisabeta Dosku/ SCAN Stoku i detyrimeve të prapambetura që qeveria qendrore dhe ajo vendore kanë ndaj bizneseve dhe qytetarëve është rritur me afro......
Si ka nisur kjo javë për valutat e huaja?
Dollari amerikan ka humbur pikë këtë ë hënë pasi në raport me javën që lamë as është blerë sot me 91 lekë dhe është shitur me 92.2 lekë. Sipas kursit......
10 pyetje dhe përgjigje rreth vitaminës C!
Edel Strazimiri / SCAN Në kimi, vitamina C është antioksidanti ‘par excellence’. Është një lëndë ushqyese kyçe në dietë, aq sa duhet të përfshihet çdo......
Globalizimi i sportit dhe fluksi i ri i arit - Situata favorizohet nga fuqizimi i teknologjive të reja
Dorina Kurtaj / SCAN Sporti bashkon. Është një slogan që dëgjohet shpesh si përshkrim i sportit, por edhe pse është një ide frymëzuese, nuk është një......
Kompensim pronarëve që preken nga “Porto-Romano” - 20 ditë afat për të zgjedhur shkëmbim në natyrë, apo vlerë financiare
Dorian Koça/SCAN Pak ditë pas hapjes së garës për ndërtimin e portit të ri në Porto-Romano, Durrës, kanë nisur procedurat e para për kompensimin e......
Turqit blejnë prona jashtë vendit - Investimet janë katërfishuar që nga viti 2021
Dorina Kurtaj / SCAN Duke pasur tradicionalisht të preferuara investime në prona, turqit po kthehen tani në tregjet e huaja pasi çmimet e banesave janë......
Shqipëria, “uri” për specialistë bujqësie - Guri: Studentët të regjistrohen në programet e UBT. 70% e tyre punësohen pas diplomimit
Elisabeta Dosku/ SCAN Vendi ynë ka “uri” për të rinj që diplomohen në degët e bujqësisë dhe blegtorisë, për shkak të zhvillimit që po marrin këto......
Tregu i sigurimeve “fryhet” me 833 mln lekë më shumë - Jo-jeta vazhdon të dominojë. Por, kontribuoi më pak në vëllimin e primeve këtë vit
Ledina Elezi/SCAN Në gjysmën e parë të këtij viti, tregu i sigurimeve ka pasur një rritje prej 7.55% krahasuar me gjashtëmujorin e parë të vitit të......
