Fermerët, interes për grurin. Po fondi a mjafton? - Aplikim për 40 % të sipërfaqës së financuar për kultivim vetëm në ditën e parë
Afro 740 fermerë kanë aplikuar në ditën e parë të hapjes së aplikimeve për financimin e kultivimit të grurit në vend. Ministrja e Bujqësisë, Frida Krifca ka bërë me dije se të interesuarit janë nga i gjithë vendi, për një sipërfaqe prodhimi prej 6,550 hektarë, me një angazhim të buxhetit të vënë në dispozicion që në ditën e parë të thirrjes, prej 20%.
Sipas saj Fieri, Korça, Shkodra, Vlora janë qarqet me aplikimet më të larta deri tani. Po ndërkohë që interesi i fermerëve për të përfituar mbështetjen financiare prej 30 mijë lekë për hektarë, për sipërfaqe jo më pak se 1 hektarë, duket se është i lartë, a mjafton fondi i vënë në dispozicion për këta aplikantë? Fondi total i akorduar nga qeveria për të nxitur prodhimin e grurit në vend si masë parandaluese ndaj tranzicionit të tregjeve ndërkombëtare për shkak të luftës Rusi-Ukrainë është 500 milionë lekë.
Nga një llogari e thjeshtë, me këtë fond mund të mbështetet kultivimi i grurit për afro 16 660 hektarë tokë. Por nëse vetëm në ditën e parë është aplikuar për afro 40 për qind të sipërfaqës që synohet të kultivohet, a do të mjaftojnë fondet për të gjithë fermerët e intreresuar?
Mesa duke këtë vit hapësirat e qeverisë kanë qenë të kufizuara dhe në përzgjedhjen e fermerëve fitues, përpos dokumentacionit, do t’u jepet prioritet atyre që kanë aplikuar të parët, duke lënë jashtë vijës përfituese ata që pavarësisht se mund të plotësojnë kushtet, por për mungesë fondesh nuk do të mund të përfitojnë. Ministria e Bujqësisë synon që përmes kësaj skeme të mbështeten 7300 fermerë, që i bie mesatarisht me 2.2 hektarë tokë secili.
Për të përfituar, aplikanti duhet të jetë i pajisur me NIPT fermeri aktiv; Toka të jetë në pronësi ose në përdorim (qira, huapërdorje etj.); të ketë faturë të fiskalizuar për blerjen e farës dhe plehrave kimike. Ministria synon që sipërfaqja e kultivuar me grurë për vitin që vjen të arrijë në 70. 000 ha në total. Aktualisht në vend prodhohen mesatarisht 233 mijë ton grurë, ndërsa importohen mbi 221 mijë ton.
Elisabeta Dosku / SCAN
https://www.youtube.com/watch?v=4QDYnqXp_H8
Sondazh
Mbi 71 mijë vende të lira pune - Danimarka dyfishon numrin që nga periudha përpara pandemisë!
Numri i vendeve të lira të punës në Danimarkë po vazhdon të rritet për shkak të mungesës së fuqisë punëtore. Të dhanat zyrtare tregojnë se numri i vendeve të......
Franca u ofron qytetarëve deri në 4000 euro grante për të kaluar nga makina te biçikleta
Për të reduktuar ndotjen dhe emetimet e CO2, Franca po ofron stimuj deri në 4,000 euro për njerëzit që duan të kalojnë nga makinat e tyre në biçikleta ose......
Stresi në punë, Shqipëria e 9-ta në Europë - 40% e punonjësve dëshirojnë largimin nga vendi. Kryesojmë listën bashkë me Kosovën
Shqipëria renditet e 9-ta në Europë për punonjësit më të stresuar. Në një pozicionim pas Kroacisë dhe Portugalisë, nga 1000 persona të cilët kanë marrë pjesë......
Nis aksioni kundër vjedhjes së energjisë - Operacioni, për përballimin e krizës. Në 6 muaj, OSHEE kapi vetëm 3.5% të lidhjeve të paligjshme
Javën e ardhshme qeveria do të nisë aksionin kundër lidhjeve të paligjshme të energjisë elektrike. Gjithçka është bërë me dije nga Ministria e Brendshme, duke......
Ashensori më i lartë në botë brenda në natyrë (FOTOT)
Ashensori më i lartë në botë në natyrë mund të jetë dy dekada i vjetër, por ai mbetet po aq i popullarizuar si kurrë më parë, duke ofruar pamje të shpejta dhe......
Polonia kërkon 1.3 trilion dollarë dëmshpërblime nga Gjermania për Luftën e Dytë Botërore
Politikani më i lartë i Polonisë tha se qeveria do të kërkojë një dëmshpërblim prej 1.3 trilion dollarësh nga Gjermania për pushtimin e vendit të tij nga......
Përfundojnë subvencionet në Gjermani - Çmimet e benzinës dhe naftës rriten ndjeshëm
Çmimet e benzinës dhe naftës në të gjithë Gjermaninë u rritën ndjeshëm, pas përfundimit të politikës 3-mujore të subvencionimit të karburantit nga qeveria.......
Grekët të “etur” për kredi hipotekare - Në 7 muaj bankat disbursuan 645 milionë kredi të re për banesa
Kërkesa për kredi për banesa në Greqi ka vijuar në rritje në muajin korrik, ashtu si në gjysmën e parë të vitit, pas një periudhe të gjatë pezullimi në vitet e......
