Familjet shpenzuan €2 mld më shumë vjet/ €13.6 mld konsumi i familjeve, por, ekonomia uli varësinë nga familjet
Eurostat ka përditësuar shifrat e konsumit final të familjeve në ekonominë e vendeve të europës, përfshirë Shqipërinë. Shifrat më të fundit i referohen kështu vitit 2022 dhe tregojnë se varësia e ekonomisë shqiptare ndaj konsumatorit familjar ka prekur nivelin më të ulët historik, pranë 75.8% të Prodhimit të Brendshëm Bruto. Por, pavarësisht kësaj rënie, Shqipëria vijon të mbetet ndër vendet e para në Europë, më saktë në vend të dytë, vetëm pas Kosovës, me normën pranë 85.9%. Mesatarja e Bashkimit Europian ndërkohë fiksohet në vetëm 52,3%. Nga ajo që ilustrojnë shifrat e analizuara nga `Scan Intel` duket qartë se ¾ e ekonomisë shqiptare është e varur nga konsumatori familjar. Konsumi final i familjeve dhe organizatave jo-fitimporurëse që i`u shërbejnë familjeve është një indikator që përfshin çdo mall dhe shërbim të shpenzuar direkt për përmbushjen e nevojave individuale dhe familjare të popullatës, duke përfshirë nga ushqimet e deri të restorantet dhe hotelet.
Vendet e tjera të rajonit, veç Shqipërisë dhe Kosovës që mbajnë dy vendet e para, regjistrojnë një normë më të ulët, mes 67% dhe 70%. Nga ana tjetër, në të gjithë kontinentin, vendet me normën më të ulët të konsumit familjar mbi ekonominë janë: Irlanda, me vetëm 22.8% peshë, Luksemburgu me 30.4% dhe Danimarka me 42.8%, çka tregon qartë se vendet më të zhvilluara kanë tendencën të kenë një normë më të ulët.
Në vitet e fundit Shqipëria ka bërë progres gradual në këtë drejtim. Në vitin 2011, kur nis edhe seria e këtyre të dhënave, norma fiksohej pranë 78%, ndërkohë që kulmin e ka arritur në vitin 2016, me 81%.
Në rast se shifrat do t`i shihnim në absolut, pra në vlerë, kuptojmë se familjet shqiptare shpenzuan rreth 13.6 miliardë euro në vitin 2022, nga 11.6 miliardë euro në vitin 2021, pra në rritje me rreth 2 miliardë euro, çka është rrjedhojë jo vetëm e zgjerimit ekonomik, por edhe e inflacionit të lartë. Kjo tendencë në rritje vihet re absolutisht në të gjitha vendet e Europës gjatë vitit të kaluar, duke qenë se inflacioni ka qenë një fenomen i përhapur në çdo cep të globit. Në Bashkimin Europian, konsumi mesatarisht në vlerë është rritur me rreth 12% gjatë vitit të kaluar, ndërsa në Shqipëri me rreth 17%, sinjalizojnë shifrat e Eurostat, të analizuara nga `Scan Intel`.
Në vitin 2011 konsumi final i familjeve në vendin tonë fiksohej pranë rreth 7.2 miliardë eurove, çka tregon se në harkun e pak më shumë se një dekde, familjet kanë rritur shpenzimet e tyre me rreth 5.4 miliardë euro.
Sondazh
Garuesit e 14 majit, mosha mesatare në 49 vjeç/ PD, subjekti më i “plakur”, ndiqet nga “Bashkë Fitojmë”. PS, subjekti me kandidatët më të rinj, 47.6 vjeç
“Scan Intel” ka analizuar listën zyrtare të Komisionit Qendror të Zgjedhjeve sa i përket kandidatëve për kryetar bashkie në garën e datës 14 maj, për të......
Inflacioni sipas Eurostat zbret në 5.5%/ Çmimet në mars u rritën më pak se në rajon e Europë, por ushqimet vijojnë me rritje dyshifrore
Instituti i Statistikave ka publikuar Indeksin e Harmonizuar të Çmimeve të Konsumit për muajin mars të vitit 2023, që mat rritjen e çmimeve sipas metodës së......
Turizmi, me rritje në shkurt/ Më shumë se gjysma janë të huaj. Veriu, më i preferuar se jugu
Turizmi vijon të paraqitet me rritje edhe përgjatë muajit shkurt tregojnë të dhënat e “Institutit të Statistikave” në raportin e fundit mbi strukturat......
Tregtia e jashtme me rënie në mars/ Shifrat marrin kthesë. Importet dhe eksportet u ulën me 11.7% dhe 3.7%
Të dhënat e tregtisë së jashtme referuar muajit mars të këtij viti tregojnë se eksportet dhe importet kanë rënë në vlerë, krahasuar me të njejtën periudhë të......
Tregu “me letra” i qiradhënies vlen €273 milionë/ Shifrat e 2022-shit flasin për një rekord të ri historik, në rritje me 63% krahasuar me 2015-tën
Janë plot 4.62 miliardë lekë që janë mbledhur nga tatimi mbi të ardhurat nga qiraja gjatë vitit 2022, bazuar në shifrat e Drejtorisë së Përgjithshme të......
Biznesi i bulmetit/ Analiza e tregut, "Erzeni" `rrëmben` vendin e parë, kompanitë dyfishojnë fitimin
“Scan Intel” vijon me analizën e rradhës kundrejt tregjeve të caktuara. Këtë herë do t’i rikthehemi industrisë së përpunimit të qumështit në vend, për të parë......
Paketa e mbrojtjes sociale, sa 1.9% e PBB-së/ BB: Shqipëria, e dyta në rajon me vlerën më ulët, Kosova në përgjigje të krizës shpenzoi sa 4.3% e PBB-së
Banka Botërore ka publikuar së fundmi raportin mbi projeksionet e pranverës, i cili analizon rritjen ekonomike, inflacionin, tregtinë, borxhin e jashtëm dhe......
Inflacioni zbret në 5.3%/ Instat thotë se është ngadalësuar shtrenjtimi i çmimeve, edhe për ushqimet
Shifrat më të fundit nga Instituti i Statistikave mbi inflacionin tregojnë se, gjatë mujait të tretë të vitit, inflacioni ka vijuar me një rënie të mëtejshme.......
