Evakuime masive dhe gjendje emergjence - Zjarre të forta dhe të egra përfshijnë të gjithë Greqinë!
Zjarre të egra dhe të forta kanë përfshirë veriun, jugun dhe lindjen e Greqisë të dielën, ndërsa një valë përvëluese e të nxehtit po zien në të gjithë vendin. Qindra banorë dhe turistë janë evakuuar nga ishulli lindor i Egjeut, Lesbos, pas zjarreve pyjore, të cilat shpërthyen dje, duke shkatërruar shtëpi dhe kërcënuar fshatrat.
Greqia aktualisht është në mbërthimin e një vale të nxehti me temperatura 42 gradë Celsius në disa rajone. Moti ekstrem parashikohet të zgjasë 10 ditë, duke shtuar frikën për zjarre të tjera. Në veri të vendit, zjarrfikësit dhe vullnetarët po luftojnë për të katërtën ditë radhazi me një zjarr të ashpër në Parkun Kombëtar Dadia, një rezervat natyror i mbrojtur, i njohur për koloninë e shkabave.
Ky zjarr detyroi evakuimin e fshatit Dadia mbrëmjen e së shtunës, ndërsa banorët e Chrysokelari në Peloponez u detyruan të largoheshin nga flakët pranë Koronit. Ngjarjet ekstreme të motit, si zjarret në pyje dhe valët e të nxehtit, po bëhen më të shpeshta dhe intensive për shkak të ndryshimeve klimatike të shkaktuara nga njerëzit.
Ekspertët kanë paralajmëruar se këto tendenca do të vazhdojnë të përkeqësohen dhe të bëhen më të rënda nëse njerëzit dhe qeveritë në mbarë botën nuk bëjnë shkurtime të konsiderueshme në emetimet e tyre të gazeve serrë.
Në ishullin Lesbos, zjarri i nisur në pyjet malore në perëndim të ishullit është përhapur në dy fronte. Njëra drejt fshatit Vrisë, tjetra drejt plazhit të Vaterës, ku janë dëmtuar të paktën katër banesa. Të dy zjarret janë ende të ndezura, që nga e diela.
Erërat e forta në zonë po vështirësojnë shërbimet e urgjencës për shuarjen e flakëve. 81 zjarrfikës me 19 automjete, 5 grupe civile, 9 avionë dhe 1 helikopter kanë tentuar të shuajnë flakët të shtunën. Një zjarrfikës u plagos, sipas guvernatorit rajonal Kostas Moutzouris.
Me këshillën e shërbimeve të urgjencës, Verros urdhëroi evakuimin e qytetit turistik të zhurmshëm të Vaterës si masë paraprake. Një mesazh evakuimi u lëshua nga Shërbimi i Komunikimit të Emergjencave të Greqisë 112 për ata në zonë.
Qindra njerëz, përfshirë shumë turistë, janë evakuuar nga ishulli, me disa autobusë dhe varka të vogla që morën pjesë në operacion. Vatera, një plazh me rërë 8 km i gjatë në pjesën jugore të Lesbos, është një atraksion popullor turistik.
Të dielën, zjarrfikësit ishin ende duke luftuar për të vënë nën kontroll një zjarr të furishëm në Parkun Kombëtar Dadia. Rezervati natyror përshkruhet nga menaxhmenti i parkut si "një nga zonat më të rëndësishme të mbrojtura në nivel kombëtar, evropian dhe ndërkombëtar" në rajonin e Evros, në Greqinë verilindore.
Shërbimet e urgjencës në zonë thanë se tymi i dendur i lëshuar nga zjarri pengoi aeroplanët e zjarrfikësve të ndërhynin dhe të vështirësonin kontrollin e flakëve. Një zjarr në malet pranë Athinës në fillim të kësaj jave dëmtoi shtëpitë dhe detyroi disa qindra njerëz të largoheshin, me autoritetet që e quajtën këtë verë si një nga më të vështirat në Mesdhe.
Vitin e kaluar, zjarret shkatërruan rreth 121,000 hektarë pyje dhe shkurre në të gjithë Greqinë gjatë valës më të keqe të të nxehtit në vend në 30 vjet.
Edel Strazimiri / SCAN
Sondazh
Ndryshime në kabinetin qeveritar – Balluku merr detyrën e Ahmetaj si zv/ kryeministër. Majlinda Dhuka emërohet ministre e Shtetit dhe Kryenegociatore me Bashkimin Europian
Kryeministri Edi Rama ka vendosur të bëjë disa ndryshime në kabinetin qeveritar. Rama i ka propozuar Presidentit të ri në detyrë, Bajram Begaj shkarkimin e......
SHBA: Kina po bëhet gjithnjë e më agresive në Paqësor!
Sipas Shteteve të Bashkuara të Amerikës, ushtria kineze po bëhet gjithnjë e më agresive. Shefi i Shtabit të SHBA, Mark Milley tha se numri i rasteve në të......
Java nis negativisht për valutat e huaja – Rënie e ndjeshme për Dollarin, Euron dhe Frangën zvicerane!
Dollari amerikan vijon të shfaqet i paqëndrueshëm në tregun valutor vendas pasi e ka nisur këtë javë negativisht teksa është blerë sot me 113.7 lekë dhe është......
6 mënyra ekonomike për t'u ushqyer shëndetshëm në shtëpi!
Edel Strazimiri / SCAN Ngrënia e vakteve të ekuilibruara me lëndë ushqyese është një nga gjërat më të rëndësishme që mund të bëni për shëndetin tuaj fizik......
Udhëtime falas në të gjithë vendin - Ky shtet europian ka ulur me 100% çmimet e transportit hekurudhor!
Çmimet e transportit publik në shërbimin shtetëror në të gjithë Spanjën tashmë janë ulur përgjysmë në përgjigje të rritjes së shpejtë të normave të......
Gjendet në brigjet e Aleksandrisë anija e fundosur e mbushur me thesare!
Pranë Aleksandrisë (Egjipt) në fund të Gjirit të Abu Kirit gjeti një anije të fundosur. Në anije kishte shumë thesare që i përkisnin dinastisë së sundimtarëve......
Astronomët zbulojnë për herë të parë një sistem me tre diej!
Shkencëtarët kanë zbuluar një sistem unik me tre yje në hapësirën e thellë. Dikur ishin katër. Sistemi diellor në të cilin jetojmë është unik nga pikëpamja......
Në mesin e krizës së hipotekave Kina zgjat kreditë për prona me ritmin më të shpejtë në tre vjet!
Rregullatori bankar i Kinës është zotuar të rrisë kreditimin për të ndihmuar zhvilluesit të përfundojnë projektet e pronave të ngecura dhe të rrisin kërkesën e......
