Tregtia mes Shqipërisë dhe Britanisë/ Turizmi dhe transporti vazhdojnë të forcojnë lidhjet ekonomike mes vendeve
Në katër tremujorët e fundit deri në fillim të vitit 2026, vendi ynë u rendit si partneri i 117-të tregtar i Mbretërisë së Bashkuar, ndërsa makinat, veshjet, transporti dhe turizmi ishin ndër sektorët kryesorë të shkëmbimeve ekonomike.
Në tregtinë e mallrave, makinat ishin produkti më i madh i eksportuar nga Mbretëria e Bashkuar drejt Shqipërisë, me një vlerë prej 5 milionë paundësh. Pas tyre renditen pijet dhe duhani me 2.2 milionë paund, produktet mjekësore dhe farmaceutike me 2.1 milionë paund, makineritë e specializuara me 2 milionë paund dhe produktet e ndryshme ushqimore me 1.8 milionë paund.
Nga ana tjetër, importet kryesore të mallrave nga Shqipëria drejt Mbretërisë së Bashkuar dominohen nga veshjet, me një vlerë prej 1.7 milionë paundësh. Më pas vijnë pijet dhe duhani me 1.5 milionë paund, drithërat me 1.3 milionë paund, perimet dhe frutat me 1 milion paund dhe produktet minerale të përpunuara me 0.9 milionë paund.
Nga eksportet britanike drejt Shqipërisë, produktet mjekësore dhe farmaceutike shënuan rritjen më të madhe me 51.4%, ndërsa makineritë e specializuara u rritën me 5.7%. Në të kundërt, eksportet e pijeve dhe duhanit ranë me 38.3%, ndërsa ato të produkteve të ndryshme ushqimore pësuan një rënie të lehtë prej 20.3%.
Nga mallrat që Mbretëria e Bashkuar importoi nga Shqipëria, rritja më e fortë u regjistrua te drithërat me 50.6%, të ndjekura nga pijet dhe duhani me 40.7% dhe produktet minerale të përpunuara me 28.6%. Ndërkohë, importet e veshjeve u ulën me 15.4%, ndërsa ato të perimeve dhe frutave ranë me 32.5%.
Edhe në sektorin e shërbimeve vihet re një profil i ndryshëm i marrëdhënieve ekonomike mes dy vendeve. Mbretëria e Bashkuar eksportoi drejt Shqipërisë kryesisht shërbime transporti, me një vlerë prej 74 milionë paundësh, të ndjekura nga shërbimet e udhëtimit me 26 milionë paund dhe shërbimet e tjera të biznesit me 9 milionë paund.
Ndërkohë, eksporti më i madh i shërbimeve nga Shqipëria drejt Britanisë ishte ai i udhëtimeve, që arriti në 106 milionë paund, duke reflektuar rëndësinë e turizmit dhe lëvizjes së personave mes dy vendeve. Pasojnë shërbimet e transportit me 30 milionë paund dhe shërbimet e tjera të biznesit me 17 milionë paund.
Të dhënat tregojnë se, megjithëse pesha e Shqipërisë në tregtinë e përgjithshme të Mbretërisë së Bashkuar mbetet modeste, marrëdhëniet ekonomike mes dy vendeve mbështeten nga shkëmbimet në sektorë të veçantë, veçanërisht në transport, turizëm dhe tregtinë e mallrave.
Most visited
Industria e mbrojtjes, ministri Ermal Nufi zhvillon takim me homologun italian Guido Crosetto në Romë
Romë, Itali, 4 Gusht 2026 - Ministri i Mbrojtjes i Republikës së Shqipërisë, z. Ermal Nufi zhvilloi një takim me Ministrin e Mbrojtjes të Italisë, z. Guido......
EXCLUSIVE/ The Government activates the procedure for the cancellation of the Vlora Airport contract
The Ministry of Infrastructure and Energy has initiated procedures for the termination of the concession contract of the Vlora International Airport. SCAN......
AKSK: 14.6 million attempted cyber attacks on information infrastructures in the first half of 2026
During the first half of 2026, January–June, a total of 14,628,595 cyberattack attempts were recorded against the infrastructures of the Albanian cyber......
Improving energy supply in the Albanian Alps - From Boga to Theth. OSSH opens the competition for the new electric line
The High Voltage Directorate of the Albanian Public Distribution System (OSSH) has announced the opening of the competition for the construction of the new......
In which country does an iPhone cost the most? Albania is among the cheapest markets in Europe
One of the most sought-after devices in the world, the iPhone, continues to be sold at very different prices from one country to another. According to Visual......
Video
