Sektori i pasurive të paluajtshme arrin “kulmin”/ Tërheq 5 herë më shumë financim nga bankat në Nëntor 2025 se një vit më parë
Sektori i pasurive të paluajtshme po shënon nivele historike financimi nga sistemi bankar. Të dhënat më të fundit të publikuara nga “Banka e Shqipërisë” tregojnë se huatë e reja për korporatat jofinanciare private arritën në 23.3 miliardë lekë në Nëntor 2025, niveli më i lartë i regjistruar ndonjëherë për këtë muaj.
Krahasuar me Nëntorin e vitit 2024, kur kredia e re ishte 15.2 miliardë lekë, rritja rezulton e ndjeshme, ndërsa në raport me Tetorin 2025, vlera është rritur me rreth 17%.
Një rol kyç në këtë zgjerim ka luajtur sektori i pasurive të paluajtshme. Huatë e reja për këtë sektor arritën në 2.83 miliardë lekë në Nëntor 2025, nga vetëm 487.6 milionë lekë një vit më pare, më shumë se pesëfishim në baza vjetore. Ky është niveli më i lartë i regjistruar historikisht për kreditimin mujor të këtij sektori.
Analiza e muajit Nëntor për periudhën 2016-2025 tregon se, ndërkohë që huatë totale për korporatat jofinanciare private kanë pësuar luhatje, sektori i pasurive të paluajtshme ka treguar rritje të konsiderueshme në vitet e fundit, duke reflektuar një fokus më të madh drejt investimeve afatgjata.
Edhe nëse analizojmë kredinë e re për këtë sektor për secilin muaj në dhjetë vitet e fundit shohim se muaji Nëntor i vitit të kaluar prek vlerën e dytë më të lartë.
Flukset e huave tregojnë se bankat dhe institucionet financiare janë të gatshme të mbështesin kompanitë e këtij sektori duke ofruar kredi. Ky zhvillim tregon jo vetëm akses të mirë në kapital, por edhe nevojën për menaxhim të kujdesshëm financiar për të shmangur rreziqet e mundshme.
Megjithatë, nga ana tjeter, rritja e fortë e kreditimit dhe intensifikimi i ndërtimit në vend ngrenë pikëpyetje serioze mbi qëndrueshmërinë e këtij modeli. Pavarësisht fluksit të lartë të investimeve, fuqia blerëse e qytetarëve mbetet e kufizuar, ndërsa çmimet e banesave vazhdojnë të jenë të papërballueshme për një pjesë të madhe të popullsisë.
Rritet treguesi i besimit në sektorin e ndërtimit - Vrojtimi i BSH: Pritjet për çmimet në të ardhmen janë vlerësuar me rritje
Treguesi i ndjesisë ekonomike ra me 0.4 pikë në muajin dhjetor. Megjithatë, niveli aktual qëndron rreth 6 pikë përqindje mbi mesataren historike. Rënia e......
Viti nis pozitivisht për valutat e huaja – Forcohen Dollari, Euro, Franga dhe Paundi!
Dollari amerikan e ka nisur vitin pozitivisht duke fituar pikë krahasuar me vitin që lamë pas teksa është blerë këtë mëngjes me 81.5 lekë dhe është shitur me......
Britania regjistroi vitin më të nxehtë në 2025 - Temperatura mesatare vjetore ishte 10.09 gradë Celsius
Britania përjetoi vitin e saj më të nxehtë dhe me diell të regjistruar ndonjëherë në 2025-ën, duke tejkaluar rekordin e mëparshëm të vitit 2022, ndërsa......
Prodhimi i naftës bruto në Venezuelë pritet të rritet - Analistët thonë se në vitet e ardhshme do të ulet çmimi global
Prodhimi i naftës bruto në Venezuelë pritet të rritet, duke shtuar furnizimin global dhe ndikuar në çmimet në periudhë afatgjatë, thanë analistët. Forcat......
Inflacioni i nxitur nga inteligjenca artificiale - Do të jetë rreziku më i madh për vitin 2026, sipas investitorëve
Tregjet globale të aksioneve, të cilat janë të mbushura me euforinë e inteligjencës artificiale në fillim të vitit 2026, mund të jenë duke shpërfillur një......
Hendeku gjinor i pensioneve në Evropën - Në BE gratë marrin dukshëm më pak se burrat
Hendeku gjinor në paga është një fenomen i vëzhguar mirë në të gjithë Evropën. Në BE, gratë fitonin 12% më pak se burrat në vitin 2023, sipas Eurostat, që do......
Venezuela kërkon bashkëpunim nga SHBA - Pasi Trump thotë se sulme të mëtejshme janë të mundshme
Presidentja në detyrë e Venezuelës ofroi bashkëpunim me Shtetet e Bashkuara në një agjendë të fokusuar në "zhvillim të përbashkët", duke përdorur një ton......
Shqipëria, vendi i mosbesimit ndaj tjetrit/ RCC: Rezultojmë shteti me nivelin më të ulët të besimit ndërpersonal në rajon
A mund t’u besohet njerëzve? Përgjigjet e qytetarëve shqiptarë për këtë pyetje janë shumë konkrete, por edhe mjaft pesimiste. Të dhënat e Barometrit të......
